السلام عليكم ورحمة الله وبركاته
القصيده التي هزت شاطئ الراحه للشاعر الكبير فرعون الشـ ع ــر
(( ناصر بن محمد بن فارس الفراعنه السبيعي ))
ناقتـي يـاناقتـي .. لا ربـاع ولا سديـس=وصلينـي لابتـي مــن ورى هــاك الطـعـوس
حايل(ن) رابع سنه من خيار العيس عيـس=خفهـا لا درهمـت كـنـه بالـنـار محـسـوس
في دجـى خالـي خـلا .. لا حسيـس ولا نسيـس=تدوخك مـن شـدة البـرد طقطقـة الضـروس
في عيونـي يكفـخ الطيـر ويطيـح الفريـس=وإنتهض جسـاس مـن دون خالتـه البسـوس
وفي خفوقـي فـرخ جنيـة(ن) يضـرس ضريـس=يوم أوّردهـا هجـوس(ن) وأصّدرهـا هجـوس
ديرتي دار إبن ضاري وإبن غثلـم جريـس=ديـرة إللـي دوّجـو فـي فيافـي نجـد جـوس
ديرتي يا بنـت شيـخ(ن) ومعدنهـا نفيـس=عيطـمـوس(ن) دونـهـا دثرتـنـي عيطـمـوس
جادل(ن) مطرق جسدها مـع الغربـي يميـس=طينة(ن) من تربـه الخلـد والـدم محمـوس
نقشت خمس(ن) مـن الخمـس فـي يـوم الخميـس=ليـّت شعـري مـا أرادت بـهـذا دختـنـوس
كـم تمنـى إمعـه مثلهـا فتـنـه إبلـيـس=كـان يمكـن قـد قلـب نصـف أمتنـا مجـوس
كن دماث الصدر منهـا كنيسـه أو كنيـس=صومعة رهبـان ديـن(ن) يـؤدون الطقـوس
آتقـوس مـع تـقـوس نواهـدهـا وأقـيـس=قبتين(ن) قاب قوسيـن قـوس(ن) جنـب قـوس
خصرها يحكي لنـا واقـع القـوم التعيـس=وردفها عـن غطرسـة بـوش يعطينـا دروس
وبالرغم من قصرهـا مـا يجالسهـا جليـس=تصبح أطول نسـوه الأرض فـي وضـع الجلـوس
العروسـه ماتبـي غيـر أبـو تركـي عريـس=العروسـه نجـد مـاهـي بحـيـا الله عــروس
نجـد بنـت المجـد ونسـة مونسـة الونـيـس=ما عسفها إلا معـزي ضحـى يـوم العبـوس
كل أهل نجد(ن) هلي من آجـا حتـى الخميـس=فـي ذراهـم بلتجـي عـن مقففـة الرسـوس
وعيشتي ما بين أسـود(ن) ولو مانـي رئيـس=خير من كوني رئيس(ن) علـى شلقـه تيـوس
وليـس عيـب إن خدعنـي بمكـره كـل هـيـس=لأن مـا يفهـم بطبـع الهيـوس إلا الهيـوس
مصطفـى فـي مأدبـه عمـه البابـا لويـس=كبـر اللقمـه تحـت ضـوء حمـراء الـكـؤوس
وطسـم حدتهـا علـى حائـط المبكـى جديـس=يـوم شقـت ثوبهـا بنـت عفـار الشـمـوس
سيـده هـاك القصـر إسمـهـا الأول لمـيـس=دونهـا سمـر الحناجـر بتـرهـا حــد مــوس
قسقسـت لأحرارهـم ,, قيـس ,, قيـس ,, قيـس ,, قيـس=وألبستهم من مهانتهـم أنـواع اللبـوس
بين خدعه كعب أخيـل(ن) ومولـد أدوريـس=درسونـا الإلــه والـمـدرس هــو مــروس
ويش لاقو من قناه السويس أهـل السويـس ؟؟=وويـش لاقـو مـن تلمسـان قـوم منسنـوس ؟؟
كلهـم مـن شـدة الجـوع راحـو خنـدريـس=بيـن غيبوبـه مخـدر وصحـوه عــرق ســوس
ثورة(ن) راحو سببهـا بتـوع الأوتوبيـس=وش نبي فيهـا وهـي مـا تهـز إلا الغـروس
آفه المرء إثنتان .. إلف كاس وحب كيـس=والنفوس إليا بغيت تعرفها ,, إرم الفلوس
ينكشـف زيـف الشعـارات لا حمـي الوطيـس=ترجع الأذناب أذناب ,, وتبقى الروس روس
صدق لا قال العـرب مـا يحـوص إلا الخسيـس=ولا يوطي الرؤوس شي مثـل ضعـف النفـوس
ناقتـي يـا ناقـتـي لا ربــاع ولا سـديـس=وصلينـي لابتـي مــن ورى هــاك الطـعـوس
,,, وســــلامـــــتـــــكـــــم ,,,
دمـــتـــم بــــخـــــيـــر
10-01-2008, 01:53 AM
نـاقـتـي يـانـاقـتـي لا ربـاع ولا سـدّيـس ,,, لـنـاصـر الفـراعـنـه (فرعون الشعر)
العرض العادي
