قصيدة : لشيخ ليل المتلقم

[الهتلاني]

ياحشر ماتشرى للربع زراب
نشريه من مالك ولاهم بدارين

يازين حس البوم يوم الشفق غاب
فى فيضتن عنها الزواريب مقفين

وتشاوش قدهن على الصوت دراب
من عقب ذاك جوها الربع عجلين

ياما نحينا فقها خيل الا جناب
عجمان لا ركبو عليهن شياطين

عجمان يردون المنايا والاسباب
قدهم على نطح المشاهير ظارين

يردون حد السيف بدمى الارقاب
ويردون حوض الموت ورد المحبين

مهبول ياللى يالمرازيق حراب
فالموقف الكايد على الموت جسرين

انشملو فلهم على الصلب مضراب
وان اجنبو تراهم على الهجر ناوين

لشيخ ليل المتلقم

حشر هو حشر بن فلاح ال حثلين
ــــــــــــــــــــــــــــــــــــــــــــــــ

مع تحيات الهتلانى

[ابوحمد الشامري]

بيض الله وجهك يا الليل وعسى عمرك طويل دايم علومك جزلة ولا هنت وما قصرت على ذا القصيدة الرائعة.

ابوحمد الشامري

[عـزام]

بيض الله وجهك يالسنافى معظم القصايد اللى تجيبها نادره وانت نادر

لا هنت على النقل وتسلم يمينك

تقبل تحياتى:

الولهان

[راكان اليامي]

يض الله وجهك يا الليل وعسى عمرك طويل دايم علومك جزلة ولا هنت وما قصرت على ذا القصيدة الرائعة.

[الهتلاني]

السلام عليكم
شكرا للجميع وبارك الله فيكم
وانشالله نكون عند حسن ضنكم