فـعـول ربـعـي يـوم جـوده وكـنـزان / ويـوم العـيـيـنه وقـعـنـا لـه هـوايـل

[مناحي الصميل]

السلام عليكم ورحمة الله وبركاته



قصيده تعبّر عن موقفها .

ومهما مدحت لن اوفيها حقّها .

قم يا قصيدي حان وقت الفخر ... حان = وأبنتقي مِنك البيوت .. الجزايل
أبغيك .. شاهد حقّ .. وثابت .. وبرهان = واحضّرك لا قيل .. ( وين الدلايل ؟ )
لي لابةٍ حلّت على كل ميدان = اليوم .. والا بالسنين الأوايل .. !!
يابوك .. حن ( عجمان ) .. والا قيل عجمان ؟ = يحضر لك التاريخ صايل .. وجايل .!
سيفٍ مجرّب لا حضر كل شيطان = اليا ضربنا .. يعتدل كل مايل . !
ربعي .. هل الوادي مواريث فرسان = اهل المراجل .. متعبين الأصايل .
حتى انشد .. ( التركي ) .. الى عهدك الآن = يضرب .. لك أفعال ( المعيضي ) مثايل
انشد وتلقى علوم وأفعال .. (( راكان ))= حرٍ تفاخر به كبار القبايل
من وادي العجمان .. لحدود نجران = الى الحسا وديار نجدٍ وحايل
لا جاء نهارٍ وإعتلى فيه .. دخّان ؟ = ويشاف فعل الرجل .. بين الفعايل ؟
أبشر بقومٍ لأعتزوا .. ( ثار بركان ) = حتى معاديهم اركبّه تهايل
وفعول ربعي يوم .. ( جوده) و ( كنزان ) = ويوم (العيينه) .. وقعنا له هوايل
يوم اغدروا في ذبحة .. الشيخ ضيدان ! = جينا .. بطشنا بكل .. خاين وعايل
الين صاروا عبره لكل خوّان = ولكل .. من نفسه تبيه إيتحايل
وفينا الجبان .. اللي عن الهوش عجزان ؟ = اليا اعتزت بنته ؟ .. يسوّي هوايل
( اهل القنازع ) بالملاقا .. لنا شان = لا ثارت الهيجا .. وجينا فصايل
هذا كلام الصدق .. وماني بغلطان = ( وبأعيدها لا قيل ويش انت .. قايل ؟ )

وسلامتكم .

[الـ ـشـ ـقـ ـا ويـ ـه]

حجز اول



صح لسانك يابن الصميل ونعم والله




تقبل مروري

[سالم الرتيبان]

ارررحب يابو فهاد صح لسانك وعتلى شانك ياسلام سلم شوشت وانا توني قاعد من النوم
جزل يابو فهاد
هـذا كـلام الصـدق .. ومانـي بغلطـان
( وبأعيدها لا قيل ويـش انـت .. قايـل ؟ )
وانا بعد وياك

[محمد بن دسمه]

توني قاعد من النوم

أطربتني ..

صح الله لسانك يالشيخ ولاهنت ياغالي

سلام

[احمد بن جوفآن]

الشاعر .. مناحي الصميل ..


صح لسانك يالاميـر ولاهنت على ذالجـزله ..

ابدعت يالشاعر .. و وفيت وكفيت ..

تقبل مروري ..

[فلاح بن ملبز]

أرحب يا أبو فهاد

وصح لسانك على ذا القصيدة الجزلة

ولاهنت

[خالد بن رمثان]

المشاركة الأصلية كتبت بواسطة مناحي الصميل

السلام عليكم ورحمة الله وبركاته



قصيده تعبّر عن موقفها .

ومهما مدحت لن اوفيها حقّها .

قم يا قصيدي حان وقت الفخر ... حان = وأبنتقي مِنك البيوت .. الجزايل
أبغيك .. شاهد حقّ .. وثابت .. وبرهان = واحضّرك لا قيل .. ( وين الدلايل ؟ )
لي لابةٍ حلّت على كل ميدان = اليوم .. والا بالسنين الأوايل .. !!
يابوك .. حن ( عجمان ) .. والا قيل عجمان ؟ = يحضر لك التاريخ صايل .. وجايل .!
سيفٍ مجرّب لا حضر كل شيطان = اليا ضربنا .. يعتدل كل مايل . !
ربعي .. هل الوادي مواريث فرسان = اهل المراجل .. متعبين الأصايل .
حتى انشد .. ( التركي ) .. الى عهدك الآن = يضرب .. لك أفعال ( المعيضي ) مثايل
انشد وتلقى علوم وأفعال .. (( راكان ))= حرٍ تفاخر به كبار القبايل
من وادي العجمان .. لحدود نجران = الى الحسا وديار نجدٍ وحايل
لا جاء نهارٍ وإعتلى فيه .. دخّان ؟ = ويشاف فعل الرجل .. بين الفعايل ؟
أبشر بقومٍ لأعتزوا .. ( ثار بركان ) = حتى معاديهم اركبّه تهايل
وفعول ربعي يوم .. ( جوده) و ( كنزان ) = ويوم (العيينه) .. وقعنا له هوايل
يوم اغدروا في ذبحة .. الشيخ ضيدان ! = جينا .. بطشنا بكل .. خاين وعايل
الين صاروا عبره لكل خوّان = ولكل .. من نفسه تبيه إيتحايل
وفينا الجبان .. اللي عن الهوش عجزان ؟ = اليا اعتزت بنته ؟ .. يسوّي هوايل
( اهل القنازع ) بالملاقا .. لنا شان = لا ثارت الهيجا .. وجينا فصايل
هذا كلام الصدق .. وماني بغلطان = ( وبأعيدها لا قيل ويش انت .. قايل ؟ )

وسلامتكم .

مناحي الصميل\صح لسانك على ذالجزله

ولاهنت

[محمد العزام]

صح لسانك يا ابن صميل و نعم و الله و عز الله لو ويش انقول ما نوفي ذا اللابه في حقها
.. تقبل مروري

[مـحـمـد آل جـويـعـد]

لله درررررررررررررك يا مناحي


يابوك .. حن ( عجمان ) .. والا قيل عجمان ؟
يحضر لـك التاريـخ صايـل .. وجايـل .!
سيـفٍ مجـرّب لا حضـر كـل شيـطـان
اليـا ضربنـا .. يعتـدل كـل مـايـل . !



الله الله عليك


صح لسانك واعتلى شانك ولاهنت


روح للقهوه العصر تراني مبطي عنك


في أنتظارك

[سعود بن مهدي]

وفعول ربعي يوم .. ( جـوده) و ( كنـزان )
ويـوم (العيينـه) .. وقعنـا لـه هـوايـل
يوم اغدروا في ذبحـة .. الشيـخ ضيـدان !
جينـا .. بطشنـا بكـل .. خايـن وعايـل
اليـن صـاروا عـبـره لـكـل خــوّان
ولكـل .. مـن نفسـه تبـيـه إيتحـايـل
وفينا الجبان .. اللي عـن الهـوش عجـزان ؟
اليـا اعتـزت بنتـه ؟ .. يسـوّي هـوايـل




ياسلاااااام يامناحي وكفو والله

هيضت الراس وشوشتنا


الله لايعجم لسانك يالمبدع




دمت بحفظ الله