فيها من الحكمه .... الكثير

[زود الغـــــــــــلا]

اسعد الله مساكم
وفيها من الحكمه .... الكثير


الله من هم بروحي سـهـجـهـا


بخافي ضميري في كنين الحشا لاج


احر من نار توقد وهـجـهـا


منها خطر روحي علي سلك ديباج


وعين عسى المولي يعجل فرجها


يفوح نـاظرهـا كـمـا عين هـداج


استرسلت للدمع من ما رهجها


غـيظ يكظ عـبارهـا مثل الامواج


كم واحد له غايه ما هرجها


يـكنهـا لو هو للادنين مـحـياج


يخـاف من عوجا طوال عوجهـا


هـرجـت قـفا يركض بها كل هـراج


يقضب عليك المخطيه من حججها


حلو نباه وقلبه اسود من الصاج


الله خـلق دنيـا وسـاع فجـجها


وعن ما يريب القلب لك كم منهاج


والرجل وان شطت لياليك سجها


عـسى تـوالـيهـا تـبـشـر بالافراج





* هـــــــــــــــــــــــــــــــــــــــــــــــــ ــــــــــام

دايــــــــــــــم ماكتب اسم شاعر القصيده لان ماعرفه ...
ولا والله لا هو حقران ولا لعانه ولا خباله ...

اذا عجبتني قصيده حفظتها حتى لو ماعرف شاعرها ... وعديتها على من شافت عيني عينه وشاعرها برا حسبتي ... اتعاجز اني اروح انبش وراه

لذلك اقتضى التنويه

[ليبرالي]

نقل رائع يدل على ذائقة عظيمة..اشكرك

[ذايع الصـيت]

أخوي زود الغـــلا

يعطيك العافيه على نقلك ولا هنت

والقصيدهـ هذي حسب إعتقادي إنها للشاعر ابن حميد

وماني متأكد والعلم عند الله ومن ثم عند العارفين

تقبل تحيـــــــــــــاتي ومروري

أخوك/ ذايع الصــــــيت

[زود الغـــــــــــلا]

ليبرالي مشكـــــــــــــــــــــــــــــــــــــــور يالطيب يشرفني مرورك طال عمرك


ذايع الصيت يشرفني المرور ف كيف ما تقبله لا عدمناك يالشيخ

[علي أل فطيح]

زود الغلا الله لايهينك على النقل وصح لسان من قالها

[bo_faloo7]

زود الغلا ,,,
لاهنت على نقل القصيده
وصح لسان شاعرها

[زود الغـــــــــــلا]

علي ال فطيح
هلا ب الشيــــــــــــخ
و يشرفني مرورك طال عمرك

[زود الغـــــــــــلا]

بو فلوح
هلا يا الطيـــــــــــــــــب
يسعدني المرور يالطيب
شرفت لا عدمناك

[وطـبـان]

هذه القصيده علم من أعلام الشعر الحديث

وهي للشاعر الكبير / أحمد بن محمد السديري

عليه رحمة الله

وشكراً على النقل وعلى الذوق

وتقبلي تحياتي ,,,