< الــهـــاجـري &,& مشـاري القحطـاني > ....

[(هاوي قصيد)]

مسا الخير

رديه بيني وبين اخوي الشاعر العذب \ مشاري القحطاني

راجي ان تصل لذائقتكم ....

على الله يامشاري والمشاعر حسها مرموق = ومثلك عارفٍ وشهو جرى , فيها وما فيها

انا جيتك وقلبي ياصحيبي في يدي محروق = مع الله وانت ابوها , لو تسميها تسميها

على جال المحبه والغرام وبابه المطروق = حصل ماهو حصل والسالفه في يد راعيها

تتبعنا هوى الانفس , وشذبنا بها المعلوق = وإلا حنا تركنا صبحها , نرعى لياليها

على بعد الوليف اللي علشانه عجزت اروق = محبتنا مع الذكرى نقلبها ونطويها

تسببت بخطا من باس راسٍ ماهو ابمطفوق = واثرني خابص الدعوه وقابعها ومعميها

انا اخالف مثل ؟ , ماكل مطرودٍ وله ملحوق = بعضنا شفه ابحاجه ولا يقدر يسويها

خذتنا عزة النفس وتركنا مابقا لشوق = ولو اني بغيت اعيد ذكراها وماضيها

عطيتك وانت سيد مملكه ماسادها فاروق = مفاهيم الفكر واللي طرى فيها طرى فيها



<رد اخوي الشاعر \ مشاري القحطاني > ...


هجوسي عانقي غر السحاب اللي مقره فوق = وهاتي لي من ابيوت القصيد اجمل معانيها

فرايد للفريد الصاحب اللي كنه الصندوق = يصح إلسان كاتبها , ويسلم قلب قاريها

بعد ماجاتني قصة معاناتك على طاروق = فزعت وجيت اعبرلك عن شعوري واجاريها

رغم حزن الضمير ودمعة الفرقا وسهر الموق = بلحنها علشانك يابو محمد واغنيها

اببدي بس مدري وين اببدي , والمحبه طوق = على اعناق البشر هذي , من اولها لتاليها

كذا , هي حكمة الخالق ليا من حب له مخلوق = بلاه بعلةً ماغير وجه الله يداويها

انا قبلك شكيت الحب والحظ الردي والعوق = ثلاثه؟ والثلاثه؟ من ثلاث اسنين اداويها

تقوله وانت تاجر سوق , ماتجهل زبون السوق = ولكن خلها مابين , بايعها وشاريها

وسلامت الجميع

[ناصر بن فالح]

الله الله

صح لسااانك ولسااانه

ولاهنت

[غانم بن علوش الهاجري]

صح لسانك ولسانه تقبل مروري يا الهاجري

[احمد بن جوفآن]

يآ سلآم يآ سلأم

..

صح لسانـك يالهـآجـري .. وصح لسـآن مشـآري القحطـآنـي ..

ابدعتو يالشعـآر .. ولاهنتوو ..

[حمود بن فطيس]

الهاجري صح السانك والسان مشاري يالقرم

ولاهنتوا على ماابدعتوا



تقبل تحيات مودعك


حمود بن فطيس

[حسن علي الهاجري]

على بعد الوليف اللي علشانـه عجـزت اروق
محبتنـا مـع الذكـرى نقلبـهـا ونطويـهـا

تسببت بخطا من باس راسٍ ماهـو ابمطفـوق
واثرني خابـص الدعـوه وقابعهـا ومعميهـا

انا اخالف مثل ؟ , ماكل مطرودٍ ولـه ملحـوق
بعضنـا شفـه ابحاجـه ولا يقـدر يسويهـا

خذتنا عـزة النفـس وتركنـا مابقـا لشـوق
ولو انـي بغيـت اعيـد ذكراهـا وماضيهـا


الهاجري لله درك على الدره انشهد انك مبدع

ماشاء الله تبارك الرحمن قصيده كايفه وسندتها

علي بالطلاق على وافي وشاعر جزل

بعد ماجاتني قصـة معاناتـك علـى طـاروق
فزعت وجيت اعبرلك عن شعوري واجاريهـا

رغم حزن الضمير ودمعة الفرقا وسهر الموق
بلحنهـا علشانـك يابـو محمـد واغنيـهـا

اببدي بس مدري وين اببدي , والمحبه طـوق
على اعناق البشر هذي , من اولهـا لتاليهـا

كذا , هي حكمة الخالق ليا من حب له مخلـوق
بـلاه بعلـةً ماغيـر وجــه الله يداويـهـا

انا قبلك شكيت الحب والحظ الـردي والعـوق
ثلاثه؟ والثلاثه؟ من ثـلاث اسنيـن اداويهـا



يا سلام لله دركما مبدعين اتحفتونا بيض الله وجيهكم

[لبى كبدك]

صح لسانك يالهاجري وانت والقحاطاني امتعتونا وونستونا وشرفتونا

[سعد بن سريّع]

.
.
.

الهــــاجري وش اقول وش اخـــلي عزالله ( سمــا )

ابدعت صح لسانك يالذيب ، صح لسان ابو بتـــال

صوت وصدى متناغمان لاهنتو . .



دمت بخير

الغناوي

[نـاصـر]

الله الله يالهاجري

صح لسانك ولسان مشاري

في ذمتي أنكم جزلين ومبدعين

لاهنتوا وتقبلوا مروري

[(هاوي قصيد)]

ارسطو ,,,

صح الله بدنك ولانت

اسعدني مرورك الكريم