!! .. واحـــــــات صمـــــت اليتـــــامــا .. !!

[صمــت اليتــاما]

..

عزي لمنهو عن مناهيه منعـاق=اللي عليه مغلـقٍ كـل طـاروق
جداه يكتب ماجرالـه بـالأوراق=وقفل الضماير عن محانيه مفهوق

..

[صمــت اليتــاما]

,,

متاقف الدنيا على شان رجال=لاصار هو والغدر توم وولايف
ومن خان عهد الحب خاين ومحتال=وماتلحقه بنت الحمايل حسايف

,,

[صمــت اليتــاما]

.

ياللي تأمل إنتبه ويـن غـادي ؟؟؟=في هالزمن راع الوفاء حيل . غلطان

.

[صمــت اليتــاما]

,,

قلت آه من صبرٍ صبرته على الكود=من ونـةٍ للقلـب جاحـت وقـدت
ونة عتب ونة غضب مالها حـدود=ياليتها عن مغلق الصـدر صـدت
لو هي بحيدٍ ذوبـت كـل جلمـود=على الضمايـر بالهضايـم تحـدت
قامت تعرض لي بالأيـام والسـود=إن قلت قفت عـودت لـي وردت
إن قلت هانت بالحشا جابت الـزود=وجاحت خفايا ضامري واستجـدت
وزادت جروح القلب بجروح ولهود=دنياي مالت عـن سنعهـا ولـدت
والعين كن بنونهـا ملـح بـارود=على السهر كـل الليالـي تحـدت

,,

[صمــت اليتــاما]

.

الصدر ضاق وحاير الدمع دفـاق=من ناظرٍ من جاير الدمع مرهوق
محدٍ رحمني يوم الاقدام غـراق=من جور عبراتٍ تكسر بصندوق
صدرٍ من الفرقا رقع فيـه دقـاق=وأوجس معاليق الحشا يشعلٍ فوق

.

[صمــت اليتــاما]

,

تل قلبي .. تل طيرٍ علـى طلـع ٍ وكيـد=جود المقـرود سبقـه .. وعيـا يطلقـه
يوم فاع .. اركى جناحه على قاسي الحديد=وإنكسر ريش النداوي .. ولا الله وفقـه

,

[صمــت اليتــاما]

,,

في صمت تجري بي تصاريف الأزمان=أمشي وعلم الغيـب ماينـدرى . بـه
وأحس بالغربه وأنا وسـط الأوطـان=يتيمـةٍ بـيـن الأهــل والقـرابـه

,,

[صمــت اليتــاما]

,,

امشي وهمي جبل يمشي معي وين أروح=أزريت أشيل الجبل وأزريت لا أفارقـه
كل الخطاوي تعب كل الليالـي جـروح=أرضي هجير وسمايه شمسهـا حارقـه

,,

[صمــت اليتــاما]

,

اعزف على بحر الحزن كل طاروق=ماهو بكيفي . غصب قافي حزيني
سود الليالي خلت القلب محـروق=درب السعاده ضايعه من سنينـي

,

[صمــت اليتــاما]

,

على درب المعزه والقصيد وصبة الفنجال = يتوق القلب لدروب المعالي لين ياتيها

,