قصائد لشاعرات عجميات وشاعرات يمدحن في العجمان

[ولد المرازيـــق]

الشاعره الاولى هي بنت حزام بن مانع بن حثلين وقالت قصيدتها هذه

بمناسبه تزويج اخيها لها من حضري تاجر وتقول في قصيدتها:



يااخوي ما مثلك رماني بسيف 000 في ديرة مامنكم اللي نزلهـا

مالي بدارين ولا بالقطيف 000 ولا بذا الحلـه ولا مـن دهلهـا


شفى على وضحا حيالي تهيف 000 اسبق من اللي علقوا في دقلها


ولقط الزبيدي من تراب نظيف 000 في قفره يعجبك ريحه نفلهـا


وقد اعادها زوجها بعد هذه الابيات



والشاعره الثانيه عجميه لم ترغب الزواج من غير قبيلتها فقالت:


لولا الرجا في لابه تجتمع تو 0000 كان اتخير في مشاكيـل الاجنـاب


احب عندي من قطين على جو 0000 ربعي منازلهم على عرج وابواب


و الشاعره الثالثه هي عمشا الدغيلبيه العتيبه
ومناسبه هذه القصيده ان عمشى تزوجت رجل من العجمان وانجبت منه ولدها (ريثوا) وقالت هذه القصيده في مدح شيخ العجمان ضيدان وشملت جميع العجمان بالمدح وتقول في قصيدتها:


بنات عمك ياريثوا زهبنا 000وقت العشا كثرت علينا التصاريح

الله يجير الشيخ زبن المجنى000الله يجيره لاجرى له سواميـح


اهل بيوت للعدا بنينا000مايتقـى خـوف العـدا والمصابيـح

اهل بيوت بالخلا شيدنا 000كبار ويلتقى وسطهن هبـه الريـح







تحياتي واتمنى انها نالت اعجابكم

[مبارك]

بسم الله الرحمن الرحيم

السلام عليكم ورحمة الله وبركاته


مشكوررررررر على النقل الله لايهينك

[ولد المرازيـــق]

وعليكم السلام ورحمة الله وبركاته
تسلم يامبارك على الرد
لاهنت يالسنافي

[الاحرش]

لاهنت
والله يعطيك العافية

[بنت الجبيل]

الله الله كفو
بجد شاعرات واللة ويعطيك العافية اخوي على نقل الرائع وقليل مانشوف شاعرات من قبيلتنا

[ولد المرازيـــق]

لاهنت يالاحرش
وتسلم على مروروك الطيب

[ولد المرازيـــق]

الله يعافيش بنت الجبيل
وتسلمين على الرد