اخواني اخواتي مرتادي منتدى القبيلة امسيكم واصبحكم بالخير وارجو ان تعذروني على طول الغيبه عن المنتدى واملي ان تعذروني للظروف الخاصة التي امرفيها وابشروا ان شاء الله بالمشاركة في هذا المنتدى الغالي علينا جمي
أدب التهريب
--------------------------------------------------------------------------------
مساكم الله بالخير جميعاً
قبل أكثر من أربعين سنه تقريباً كان التتن ممنوع بيعه في السعوديه وكانوا يهربونه عبر النقاط الحدوديه على الفروت والهافات
أشهر نقطة ذيك الأيام ( أبرق الكبريت ) على الحدود بين السعودية والكويت .... تعيـّن في ذيك النقطة عبد وكلنا عبيد لله إسمه ( سعيد بن ودمان ) وهو اللي وقف للمهربين وقدر يخفف من تهريب التتن للسعوديه حتى سمحت به الحكومه لكن الشي اللي حفظه التاريخ هو ( أدب التهريب ) جرت مساجلات شعريه كثيره وعديده بين ابن ودمان وبين المهربين ... وعلى اللي كان بينهم من رمي بالبنادق وهوايش لكن كانوا رجال يقدرون بعضهم ومثل ما قال ابن ودمان عنهم ( ونعم الله ربي وربهم ) وبأعطيكم القصايد اللي تم حفظها وجرت ذيك الأيام وكل الأسماء الموجودة حقيقية ومعروفة والقليل منهم لا زال حي مثل ابن ودمان حارس الحدود الشهير
المهم أول ما تعين ابن ودمان كتب قصيده وحطها بدرج مكتبه في مركز أبرق الكبريت لكنها تسربت ووصلت للمهربين وردوا عليه ... يقول ابن ودمان :
ياهل الهافات عنتر ناش جاكم
وا عنا من صادفه بأرضن خليّه
لعنبوكم هونوا جاكم عناكم
جاكم الموت الحمر ماهي زريّه
هفوة ٍ زلّت لكم وإكلوا .....
بيعوا الهافات بأقيام ٍ رديّه
وإعلموا وإدروا ترانا في قفاكم
ومن يقاوي له جبل ما راح نيّه
ياهل الهافات عابينا عباكم
الفروت جداد والعزبه قويّه
ياهل الهافات خيّبنا رجاكم
نحمد اللي قدرته ماهي خفيّه
بيعوا الهافات ردوا في سراكم
خلّوا السمره وطّوال الحنيّه
الدهر ذعذع لكم ثمن جفاكم
وإفهموا وإدروا ترى في الجحر حيّه
خسرت الشركة وخيّبنا ثناكم
وبعضكم بالقسط ما خلّص وديّه
ياهل الهافات حنا من وراكم
والسعد قدامنا في كل هيّه
تحت حكم اللي عن المنكر نهاكم
عن طريق الدين تلقون المنيّه
عندنا اللي يمرجن باقي شواكم
خمسه وستين ضد الجندليّه
والذي هيّض غرامي من خطاكم
هرجة ٍ من واح ٍ جتني خطيّه
ياهل الأبرق تبّين لي خطاكم
والخطا راعيه يقنع بالخطيّه
يا عوينك وارد الستّه لفاكم
وعنترك خربان والخمسه رديّه
كم ونيت ٍ لا كمل حمله وطاكم
وقاعد ٍ بأرقابهن تثني الهديّه
وإن لحقتم موتره عنده دواكم
أرنب ٍ حمرا عيون مجادعيّه
من قديم وسلمها تاكل .......
فعلها في جدكم لا رحم حيّه
إن بغيت الصلح جاكم ما كفاكم
وإن بغيت الزود رد العلم ليّه
يا سلاح الحد يوم الله عطاكم
لا تهابون الخطر والمخطريّه
خلوا الرشاش مركوز ٍ حداكم
والمخازن وسطها النار الصليّه
يالكحيلي وارد الخمسه خذاكم
وستّتك مع حملته ما راح نيّه
ربعنا صادوه عانه من وراكم
ما مشى ياكود ألف وخمسميّه
والعناتر يالكحيلي في حراكم
والفروت الحمر وجنود السريّه
يالكحيلي ما مشينا في رضاكم
إن زعلتوا أو رضيتوا بالسويّه
ياهل الهافات ما خذتوا قضاكم
ما بكم قاصر ولكن معجزيّه
والكحيلي في قصيده ما كفاكم
دوروا غيره ترى الدنيا هبيّه
ياهل الهافات تالي منتهاكم
والله إنه عند سلك العسكريّه
مثل ٍ ناس قد وطاهم ما وطاكم
فعلهم كنّه عملكم بالسويّه
أو نسفّركم ونسلم من غثاكم
والحكومه دونكم والله غنيّه
إن مشيتوا بالسنع محد ٍ شناكم
ما يجازى واحد ٍ ماله قضيّه
وإن عصيتوا الأمر معروف ٍ جزاكم
بأمر شيخ ٍ ما يبى راعي الخطيّه
والحكومه رتبّتنا في نحاكم
نمنع المنكر عن أفراد الرعيّه
دارت الأيام ... ودخل ابن ودمان مكتبه ولقى فيه ظرف وفيه هالقصيده ومرسلها له واحد من المهربين إسمه صعفق بن عبيد ويقول :
الخوف لو ضد بالجزمات
ما نشركه مذهب شيوعي
أموات حنا عيال أموات
مضمون ما باقي الدوعي
وعبيد ورد لنا الهافات
عنده ترى البيع ممنوعي
هافات خمسات والستات
يالعبد يا قاصر البوعي
جميع يمشن وألا أفوات
والرزق ماهوب مقطوعي
إبلا دفاتر ولا لوحات
والخط ماهوب مشروعي
مّرن على العبد بالساعات
ما فاختن شوفه أسبوعي
يالعبد مرن عليك افوات
وكبوت عنترك مجدوعي
عنترك مخشوش بالغابات
مسبوع وأبوك مسبوعي
هافات ما تخاف العادات
كم طنب للهاف مشلوعي
وفوراً رد عليه إبن ودمان بهالقصيده :
ما ينفع الدس والحيلات
والكذب راعيه مصروعي
ومن زيّف الكذب ماله ذات
حتى ولو هو ّ مطيوعي
مانيب من يتبع الغرات
والوجه ما فيه داموعي
أدرى قصيري عن الزلات
ولا نيب خاين ودانوعي
عبد ٍ ولا يتبع الغفلات
وراسي مع الناس مرفوعي
وألا أنت عندي عليك إثبات
في جارتك جعلك الروعي
فعلك قبيح ٍ بوقت ٍ فات
واليوم مثني ومربوعي
ياعبيد يا امجمّع الخردات
من كل هيس ٍ وصعصعوعي
تراك من سالف الأوقات
دلال ما نلت مشروعي
فعلك تشيّك على الحملات
في كل منكر وممنوعي
حذفكم المهدي بنشبات
حطك منشّه ومشنوعي
حتى إبن شرهان يا حسرات
يلعب بكم دون منفوعي
وأخوك بالحبس والحرات
حّول من الجو للقوعي
لعب به الوقت لعب الزات
ما نيب شامت ومفضوعي
ولا نيب أحب أكشف العورات
ألا ليا صرت منيوعي
لا شك دونك هل العادات
شربوا من الجم قرطوعي
مثل الصبي قاضي الحاجات
طيبه مع الناس مرزوعي
عليه شرهه وله شرهات
أيضا ولا هوب سعسوعي
نجزي هل السو ّ بالسيات
ولا نيب في ال*** مخدوعي
ونجزي هل الطيب بالحشمات
وكل ٍ له القدر مصنوعي
وهديتك يا عميلي جات
ودرب الحيا صار منزوعي
ياعبيد قل لصعفق هيهات
ماراح ماهوب مرجوعي
ومسكين يا ناظم الأبيات
قوالهّن ماله ضلوعي
ينبح وينخش بالمنحات
خبل ٍ من العقل منزوعي
كلمة عقل مابها حوفات
لا شك من راس مصدوعي
وكثر التحوص مع اللفات
ما تعتمد كل رعروعي
والمعركه وسطها قوات
يدخل بها كل مقلوعي
كانك تبى الحرب هاك وهات
ولا تجعل القاف مدبوعي
وبأنصحك عن ضايع الهقوات
تصبح على الخشم مقموعي
ولا تنطح الموت والغبات
لا تحسب الغب ناقوعي
يا عبيد ما صار لك نوهات
ما غير للتن جاموعي
وخسران لو كان لك هافات
قلبك من الغبن منقوعي
هذا الجزا كان لك رغبات
وترى الزعل دوم مرفوعي
والله لو طالت المدات
ما أزعل ولا نيب جازوعي
أيضا ولا أحتاج للفزعات
وإسمي على الجين مطبوعي
إن كان عدتوا لنا عودات
والدار ماهوب مقطوعي
وصلوا على سيد السادات
اللي علىالخلق مرفوعي
ومضت الأيام وخف التهريب ... لكن تجمعوا المهربين ومروا مع المركز وحذفوا لهم ورقة فيها هالقصيده كتبها واحد منهم يقال له ( ناجي ) ويقول :
ياهل الهافات زيدوا سعرهنّه
إشتروهن نقد وألا بالقصودي
ما حلا مرواحهن بحمولهنّه
جاوزوهن غيبة الشمس الحدودي
أبرق الكبريت لا زم يسهجنّه
مركزك يالعبد بيّاع الجلودي
ما بغنّه لازم إنهن ياصلنّه
فوق والهافات عجلات الردودي
كل ما سكّر طريق ٍ يفتحنّه
يقطعن ّ الطنب ويطيح العمودي
والدريسن حملهن من سامهنّه
وارد الهافات ما ينقص يزودي
عنترك بدروبهنّه حملنّه
أصبحن يالعبد عن حد النفودي
وكم صبي ٍ بالمساري زاد فنّه
ما ينام الليل والعالم رقودي
وكالعاده تصدى لهم ابن ودمان .... ورد عليهم شعرياً بهالقصيده وتعتبر أطلق قصايد التهريب مما فيها من معاني وقوة أبيات :
مل قلب ٍ هيّضه ناجي بفنّه
شاعر ٍ قام ايتعلم للردودي
لو تغبى لازمن نظهر مغنّه
عارفينه لو تذرى بالحدودي
وكل قولك عارفينه لو تكنّه
مير ما نبغيك جعلك ما تعودي
والعلوم الخايبه مالك وهنّه
والمرد الشين عندي ما يكودي
مثل بعض الناس عندي له محنّه
حشمة ٍ لشعيب خذها لك سنودي
والحنش الاسود أنا بأنصحك منّه
لا تحسب إنه من العالم شرودي
ومن بغى التهريب هافه لا يحنّه
والخطر قدمه على حد الحدودي
إن نوى الله فكتّه ما فيه منّه
كل دربه لا مشى لينه سهودي
أو يصادف لا نوى ربي يعنّه
ياخذون الهاف وعيونه شهودي
والعوض من عقبها يخشر بسنّه
والنصيفه من حلاله للجنودي
مير وين أهل القلوب المرجهنّه
كانكم توفون للقول العهودي
مروا الأبرق وهن بحمولهنّه
عارضوا قدام بابه يالفهودي
خلوا العنتر يشوف أزوالهنّه
والخطوط طوال والدرب امحمودي
وما حلا شوف البكم يرثع بشنّه
في عفاش القاع مع جدع الطرودي
وما حلا صفق الفشق بجنوبهنّه
والبرن ّ يعدهن عد النقودي
وكل هاف ٍ فيه جندي ٍ يقنّه
والمهرب طايح ٍ ما فاد فودي
والسنافي في عهوده سمهنّه
ياصل الحروات لو دون الحدودي
إضربوا درب الخطر والموت سنّه
والفتى عمره على اللوح امحدودي
والذي يوعد ولا يوفي بهنّه
ودك إن ايحط في..............
منقول
31-01-2009, 09:33 PM
العرض العادي
