( أقــــــو لهــــا مــاقــالـــوا النـــاس قـــــلهــا )

محمد بن صويان · #1 27-03-2009, 02:43 AM

للتواصل /

بسم الذي من نوره ينور الكون
وبرحمته كل الخلايـق شملهـا

سبحان ربي عالم ن كل مكنون
لامالت احـوال لليالـي عدلهـا

العز فالأسلام وابليـس ملعـون
والله يجزي كل نفـس بعملهـا

والعلم حق وفيه ظاهر ومدفون
والجاهل اللي مدركاتـه عبلهـا

أختل ميزانٍ به العرف مـوزون
كن الحقايق جات باخرى بدلهـا

ويوم اتفكر واقرن القرن بقرون
ايقنت بأن الهاشمي قد وصلهـا

ثلاثتن تضرب بها كـم مليـون
تجـارةٍ ماكـل تاجـر دهلهـا

يالله دخيلك نصف الاحرار مغبون
والنصف الآخر مبتلش فى عللها

واللي درا ماقال للجاهل شلـون
ومايرتكي للكايدة غيـر اهلهـا

بين المجنّن صاحي العقل مجنون
وثلثين خلق الله كثيـرٍ جدلهـا

حتى الجدار بوقتنا قد له عيـون
يرفض قناعاتي ويقصف اجلهـا

ويموت حلمي قبل للناس يدرون
والناس ماتعذر بسبـة جهلهـا

ومهما يكون نموت مانقبل الدون
اقولها ماقالـوا النـاس قلهـا