__ [ أحلى قصيده مرت على ذائقتي ] ___

[وكيل آدم]

من أروع ماقريت من القصيد أعجبتني وحبيت أنقلها لكم



..وأهديها / لهو هو !!!


يالذرب ، ياكنز البهى والحسن ، يالغصن الرطيـب
ياللي حويت أغلى التفاصيل ، وجمعت أحلى الطباع


يا مخلّي جروحي قبل وصلك ، بعد وصلك تطيـب
ياللي إستطعت اتزيل من لوجاع مـا لا يستطـاع


يا محوّل أيّامي من دمـوع ، وتناهيـد ، ونحيـب
إلى نواويرٍ كست قيعان عمري .. قـاع .. قـاع


جيتك ، وجابتني طعون الوقـت ، وآلام النصيـب
جيتك ، و في عيني رماد الحلم ، ودموع الـوداع


وقتي عصيب ، ومن سواك أنصاه؟ بالوقت العصيب
لا اشتدّ مابينـي و بيـن أيّامـي السـود النـزاع


غريب ، وأشعر بالضياع ، وكلّ ماحولـي غريـب
وأقسى شعور يداهم العاشق ، شعـوره بالضيـاع


تايه ، ولا عاد آعرف ، فرق الشروق امن المغيب
ما عاد لمغيب الضيا نكهـه ، ولشروقـه شعـاع


ماهمّني حكـي الرعـاع ، وظنّهـم فـيّ بيخيـب
لانّ الغرام أكبر من إنْه يموت من حكـي الرعـاع



ولا همّني ثورة هلك ، واللي جمعنـا مـا يعيـب
حبٍّ مفارقْه السـواد ، ولا علـى وجهـه قنـاع



لك عاشقٍ لـو عادتـه كـلّ البرايـا مـا يهيـب
امّا حصل له نصْر ، ولاّ يموت ما اعلن لنصيـاع



لكـنّ لله حكمـه فبعـد الحبيـب اعْـن الحبيـب
والله عليـه الأمـر ، وبنـادم عليـه الإتّـبـاع



إذكر لضاق - من الفراق - بعينك الكون الرحيـب
إنْ ذي نهاية كلّ وصل ، وخاتمـة كـلّ إجتمـاع



ولاّ أنا مانـي بذاكـر غيـرك ، ومانـي بجيـب
في حكيي إلاّ سيرتك ، يا مـن هويتتـك بإقتنـاع


واليـا دروا بحكايتـي وحكايتـك ، لا تستـريـب
مخلص ، ولكن حكمـة الأيّـام أوامرهـا تُطـاع


سرٍّ درا فيه الحزن ، والشوق ، والجرح العطيـب
بيشيع ، لانّ السرّ لا من جـاوز الأثنيـن شـاع


تعال ، واسمع نبض قلبٍ ما لقـا مـن يستجيـب
تعال، ابشبع من جدايلْـك ، ونواظـرْك الوسـاع


خذني بديك ، وضمّني ، بآحضر فآعماقك ، وأغيب
عن كلّ ما فالكون من بسمات ، وأصحاب ، ومتاع


زيد بوداعي ، حتّـى لـوّ إنّ اللقـا بعـده قريـب
فلانـي بضامـن حياتـي بعـد لحظـات الـوداع

[جلوي بن سبعان]

صح لسانك ولسان شاعرها يا وكيل ادم

بيض الله وجهك على النقل الطيب

[فلاح بن جمل]

لآ هنت وأهنيك علآ أختيآرك للقصيده


وصح اللسآن شآعرهآ


ولك الشكر

[بنت الزعبي ..]

السلام عليكم ورحمة الله وبركاتة


هالله هالله ع القصيده العذبه

ويستاهل من له الاهداء

وصح لسان كاتبها وناقلها

وبيض الله وجهك

تقبل حضورى المتواضع

[وكيل آدم]

المشاركة الأصلية كتبت بواسطة جلوي بن سبعان

صح لسانك ولسان شاعرها يا وكيل ادم

بيض الله وجهك على النقل الطيب

ارحب ياجلوي


ابرك القصايد ذاللي خلتك تنور متصفحنا

لاهنت على مرورك الوافي طال عمرك

[وكيل آدم]

المشاركة الأصلية كتبت بواسطة فلاح بن جمل

لآ هنت وأهنيك علآ أختيآرك للقصيده


وصح اللسآن شآعرهآ


ولك الشكر

لاهنت يافلاح على المرور

[وكيل آدم]

المشاركة الأصلية كتبت بواسطة بنت الزعبي ..

السلام عليكم ورحمة الله وبركاتة


هالله هالله ع القصيده العذبه

ويستاهل من له الاهداء

وصح لسان كاتبها وناقلها

وبيض الله وجهك

تقبل حضورى المتواضع

ارحبي يالحضور الراقي


لاهنتي ياذوق

[مناحي الصميل]

ذائقه رفيعــه وصعــبــه



صح السان قائلها


ولا هنت على النقل


ياليت تعلمنا من شاعرها ..!

[وكيل آدم]

المشاركة الأصلية كتبت بواسطة مناحي الصميل

ذائقه رفيعــه وصعــبــه



صح السان قائلها


ولا هنت على النقل


ياليت تعلمنا من شاعرها ..!

أرحب يامناحي باشا

على اللة بس انها تكون جازت لذائقتك البيروقراطية :d

الوكاد تشرفت بمروك ..يالذرب

شاعرها المبدع : مشعل الزعبي

[المديونير 23]

سلام على ذوقك الرائع