|
!!! ابشـــــــــري يمــــه !!!
ابشـــــري يمه ترى بنتك تكانه = ما يغيرها زمان ولامكاني
تربية شيخ (ن) ضمني في ضمانه = الكريم الشهم ذباح السماني
جعل ربي يحفظه ويعز شانه = لاذكر بين العرب ذرب اليماني
والله اني دوم لاقالوا فلانه = افتخر لاقيل بنتك يا فلانــــــــــــي
ذكره اللي صار يعطيني حصانه = عن دروب الشر وصروف الزماني
ماتبعت اللي يغني ليل دانه = ولاالتفت لمن رقص خلف الاغاني
الكحيــــله دوم ماترضى الاهانه = ماتطيع النفس لوهي اتعصاني
يمـه ادري اني عندج امانه = وان هذا حرص منج يا حناني
بس جيت اقول بنتج ذي تكانه = ما يغيرها زمان ولامكاني
الكحيــــــــله
__________________
اعتــــــــذر للجميع عن الغياب وعن عدم استطاعتي الرد على الرسايل لانشغالي بالدراسه
""تراكم غالين مهما غبت ""
التعديل الأخير تم بواسطة عزوف ; 21-03-2004 الساعة 08:12 AM
|
22-03-2004, 05:14 AM
العرض العادي
