صغيرنا ينطح من القوم فرسان / وكبيرنا يلحق كبار الخساير ( مصافحه أولى )

[ماجد المهنا]

السلام عليكم ورحمةالله وبركاته ..


مسيكم بالخير يالربع ..


أخواني ..


يشرفني ان اضع بين اياديكم هذه المتواضعه ..


قصيده في جماعتي ( آل مهنا ) .. ولا عليكم زود يالربع ..


اتمنى ترقى إلى ذائقتكم ..


صلو عالنبي ..


اخوان سارهــ ..

حنا( بني مهنا ) إلى ثار دخان = وحمى الوطيس وثار بالكون ثاير
نرقا سنود المجد لو كان ما كان = ونبني صروح العز مثل العماير
صغيرنا ينطح من القوم فرسان = وكبيرنا يلحق كبار الخساير
اخوان ساره بنت ذربين الايمان = سم الكبود موردين العباير
لا جا نهارٍ يفزع اخوان لـ اخوان = وبرق السيوف الشامخات الشطاير
مفرقين الجمع لا جو عدوان = سقم العدو اللي بغا الشين زاير
عاداتنا لامن عوى الذيب سرحان = سقنا عشاه الروس لاجت تطاير
رفيقنا عزه على طول الازمان = حنا دروعه كاسرت كل غاير
قمنا بحق الضيف مع حق جيران = واهل الكرم والطيب مثل المناير
هاذي عوايدنا إلى ثار دخان = سقم الكبود موردين العباير

وسلامة روسكم ..



* اعلمو اني لو كتبت بجميع لغات العالم لن أوفي جماعتي ذره واحده !؟


أخوكم /
ماجد بن عبدالله بن جلوي المهنا الشكري الدوسري ..

[العماني]

صح الله لسانك اخوي ماجد ونعم بك وبربعك والله لايهينك على ذا القصيدة الجزله ولك الحق تفتخر بربعك ((المهنا))وعلى قولة الشاعر ((ما تاه من مثلي بربعه يماري)).

صح لسانك مره آخرى وفي انتظار جديدك.

تقبل تحياتي،،،

[راكان اليامي]

صح لسسانك يابن مهنا ونعم فيك وفي الدواسر كلهم

[محمد أبو زيد]

نرقا سنود المجد لو كان ما كـان
ونبني صروح العز مثل العماير
صغيرنا ينطح من القوم فرسـان
وكبيرنا يلحـق كبـار الخسايـر
اخوان ساره بنت ذربين الايمـان
سـم الكبـود مورديـن العبايـر
لا جا نهارٍ يفزع اخوان لـاخوان
وبرق السيوف الشامخات الشطاير
مفرقين الجمـع لا جـو عـدوان
سقم العدو اللي بغا الشين زايـر


والله كفووو

ماجد المهنا ... ونعم بك وبربعك

وصح الله السانك

[ماجد المهنا]

السلام عليكم ورحمة الله وبركاته ..


العماني ..


مرحبااا مليون ..


صح بدنك يا بعد راسي ..


لا هنت على كل حال ..



ولا خلا ولا عدم ..



ماجد المهنا ..

[فيصل بن حجرف]

كفو كفو والف نعم والله وصح لسانك اخوي ماجد على القصيدة الرائعة
وننتظر منك المزيد من الابداعات

[ماجد المهنا]

السلام عليكم ورحمة الله وبركاته ..

راكان اليامي ..


صح بدنك ..


ما عليك زوود ..


شرفني وجودك يالغالي ..


لا خلا ولا عدم ..


ماجد المهنا ..

[ماجد المهنا]

السلام عليكم ورحمة الله وبركاته ..

البـــ (((شديد))) ــاس ..


مرحبااا مليووون يا بعد راسي ..


صح بدنك ..


شرفني وجودك العذب ..


لا خلا ولا عدم ..



ماجد المهنا ..

[ماجد المهنا]

السلام عليكم ورحمة الله وبركاته ..

العجمي ..


مرحبا هيل عد السيل ..


شرفني وجودك الغالي ..

صح بدنك ..


ولا هنت على كل حال ..


* اشكر من قام بتثبيت القصيده ولا خلا ولا عدم ..


ماجد المهنا ..

[مشعان]

الاخ ماجد المهنا

مساك الله بالخير والله لايهينك على القصيده الاكثر من رائعه وتستاهلون الزود يالدوسري

ولاتحرمنا من قصايدك الحلوه :


عاداتنا لامن عوى الذيب سرحان
__ سقنا عشاه الروس لاجت تطايـر