سواهاا بليس

Aq9aK..~bShr · #1 15-06-2009, 10:44 PM

روى لي واحد من الربع قصة غريبة ويقول انها حقيقية(وهو يبهرالسولف)..المهم يقول كان زاير قريب له بالمستشفى وكان بالغرفة اللي جنبه مريض اخر واي واحد يدخل عليه ويطلع يكون ميت من الضحك وصاحبنا يقول استغربت كل ما زرت قريبي الا والناس يطلعون من غرفة الثاني يضحكون يقول فقررت اني ازوره ومنها اعرف ليش اي واحد يطلع منه يضحك..يقول دخلت وسلمت عليه وكان شكله غريب لانه ملفوف بالشاش الابيض تقريبا كامل جسمه مو طالع الا عيونه وفمه يقول المهم فقمت اسولف معه فقال اكيد تبي تعرف وش سالفتي وليش يضحكون الناس منها اسمعها انا قبل اسبوع كنت نايم وزوجتي جنبي وحلمت انه صار يوم القيامه وكنا في ساحه كبيره وكان على يمينها وعلى يسارها باصات والناس بالساحه متجمعين وكان فيه مكرفون ينادي بالاسامي ويقول باص يمين ولا يسار اللي يركب باص يمين رايح الجنة واللي باصه يسار رايح الناريقول وانا اسمع الاسامي وانطر اسمي وانطر وانطراخر شي طلع اسمي مع باصات الجنة يقول وكنت فرحان ومستانس انا واللي معي بالباص كلهم وكنا نصايح بالباص وهو يمشي ونطبل ونغني اغنية طاطا بطاطا يقول مشينا مده طويله وكل شوي نقرا لوحات الجنه20كيلو الجنه10كيلوالجنه5كيلو الجنه2كيلو وفجأة سواق الباص لف يسار ودخل مع شارع فرعي بطريقة جنونية وصارت الجنه ورانا وشفنا لوحة مكتوب عليها النار 5كيلو وقام سواق الباص يهز كتوفه ويغني ويوم طالعناه لينه ابليس يالله الخيره سواقنا طلع ابليس المهم قمنا نتطامر مع الدرايش يوم شفنا لوحة النار1كيلو وانا اقوم واطالع لين على يساري دريشه كبيرة وانط معها وما صحيت الا وانا بالمستشفى لاني طلعت ناط من دريشة غرفتي بالدور الثاني وطحت على بطني بالحوش وربك ستر مامت الله يلعن ابليس نكبنا..يقول الراوي يوم خلص المسكين سالفته كتمت الضحك لين طلعت منه وصلت السيارة وانا ميت من الضحك.