فقــير ويعايد على فقــرانــي

[بوفهـــد]

السلام عليكم ورحمة الله وبركاته

هذي قصيدة قالها ولد عم الشاعر علي ابن حمري لكن اسمحولي والله ما عرفت اسمه
واللي يعرف اسمه ياليت يذكره لنا واخليكم مع القصيده
::::
يالله تغفر لي ولا تبلانـــــــــــــــــــي.................... واجعلني أبيض قلب صافي نيــــــــه

وتعيني في الماقف الانسانـــــــــــي.................... وتصلح لنا في المال والذريــــــــــــه

أنت اكفني عن عثرة الصدقانــــــي.................... وكلمة قريب(ن) توجع النفسيــــــــــه

وازهل علي مواجهه عدوانـــــــــي.................... روس العدى كرامة الجنبيــــــــــــــــه

دايم لساني في اللزوم حصانــــــي.................... خيره وشره كل أبوها ليــــــــــــــــــــه

اسخره في خدمة الأوطانــــــــــــي.................... وفي مجال الدعوه الدينيــــــــــــــــــه

ومن دون حكام البلد له شانـــــــي.................... ومن دون ربعي وقفته مثنيــــــــــــــه

مرات ياخذني على خلانـــــــــــــي.................... الحب وزن الشعر والقافييــــــــــــــــه

عندي يساوي قلة اليابانـــــــــــي.................... وما عده العساف في الماليــــــــــــــه

ياكم وياكم شايبي وصانــــــــــــي.................... كم مرت(ن) يظهرلي المخفيـــــــــــــه

قال العرب كلامها مجانـــــــــــــي.................... وأفعالها بالفلس والربيــــــــــــــــــــه

أشهد أنه شايب(ن) ربانـــــــــــي.................... ياجعلني فدوة تراب احذيـــــــــــــــــه

سلام ياتاج(ن) على التيجانـــــــي.................... على جباه(ن) طيبه واتقيـــــــــــــــــه

عمي وعم(ن) من على عمانــــــي.................... وأبوي لو الأسما مهي مسميــــــــــه

معزبي ومعزب الشيخانــــــــــــي.................... واسمع سوالف روحي المشقيــــــــه

كبرت جاهي واكثرو ضيفانــــــي.................... وقالوا علي الربع والعانييـــــــــــــه

وخسارتي تدبلت واقذانـــــــــــي.................... وفقري يقل الحيل في يديـــــــــــــــه

قالوا عطاه الدر والمرجانـــــــي.................... وقالوا هباله قصر في الشرقيـــــــه

وقالوا رصيدي يبري الوجعانـي.................... وأنا على سيارت(ن) كوريــــــــــــه

هي والشبح وكيلها الوعلانــــي.................... سبحان من فرق أخ(ن) عن خييـــه

قل للمحيسن ينجز القحطانـــــي.................... يصرف مايبني له العشره الزوجيـه

يعطيني الياقلت واما أعطانـــي.................... أظهرت دمعة عيني المخفيــــــــــــه

لي جيت أبعايد على شيبانـــــي.................... حنيت نفسي من خلا كفيــــــــــــــــه

فقير ويعايد على فقرانــــــــــي.................... أمحق فقر وامحق بعد عيديـــــــــــه

ياسعود ماشين موتة الوحداني.................... وان مات لا هذي ولا هذيـــــــــــــــه

من حر قيض الأرض في الصماني.................... يمشي الجمل بالطاقه الشمسيــــــــه

وسلامتكم

[الظبيه العنزي]

تسلم على النقل..,

الا يالله ....ياللي تفتح لدعوا الدعاة.. ابواب
طلبتك..... لاتضيقها على .....وتقفل ابوابي

ابي ذكرن يجملني.... مع الاقراب والاجناب
ولاتكسر شموخي في عيون اعدائ واصحابي

لو انها تنحسب في ضربة المخلب وعض الناب
انا... متغدي بالوقت من قبل ايتعشى بي

[مروض الاصايل]

لا يابو فهد ......
بس انا قد سمعتها يجرها علي بن حمري بصووته يقوول في مطلعها ...

ياسيدي سلطان لاتلحاني ........ واسمع سوالف روحي المشقيه
خوتك خوه ياخطل الذرعاني ........لاكن لحقني منها محكيه

بس والله مدري .....

ع العمووم مشكوووور وتقبل مروووري

[مروض الاصايل]

العذر يابوو فهد العتب على الاصابع

الرد اللي فوق .. لا يابو فهد== لاهنت يابو فهد ..
بس حبيت اوضح....

[صابر على الدنيا]

لاهنت يا بو فهد على هالقصيده الطيبه واحسنت الاختيار

وصح السان الشاعر المعروف علي بن حمري

[السهلاوي]

صح السان قايلها

[يوسف الثنيان]

صح لسانك وبيض الله وجهك

[غنآتي]

[أبوعبدالمحسن]

لاهنت على القصيده
والقصيده للشاعر على بن حمري
واللي يشلها يومك تسأل عن اسمه هو الشاعر محمد بن زميع القحطاني

[مهرة النسيان]

زان حالك على النقل الطيب والقصيده لابن حمري وهى موجه لسلطان بن عبدالعزيز ....


بانتظارك من جديد


بحفظ الله ورعايته