طـواري الـغراااااااااام

[المفاوض]

طواري الغرام تردني صوب وقت ٍ راح
على ايام عزّي يوم طرد الهوا عادي

وعقب ماتركت الجرح يظفر به الجرّاح
فلا ظنّتي برجع على العد ورّادي

وترى الحر لامن شام ماينفع الملواح
ولو صاح له راعيه مايرجع الغادي

خذينا من الدنيا فوايد بدون ارباح
ودرسنا سنين الصبر من قبل الاعدادي

عفا الله عن ذاك الزمن والغلا الذّباح
وعفا الله عن سيل ٍ تحدّر مع الوادي

بحور الهوا من طولها تتعب السبّاح
بحور ٍ بلا مينا بها الموج يزدادي

طريق الغرام بأوله يشبه التفاح
ولونه بلون الورد وايامه اعيادي

ونهاية طريقه درب مافيه غير اشباح
ودمعه وحزن وضيق وجروح واضمادي

وعسى كل ضيقات الصدر ياسعد تنزاح
ولاني بقايل ليت مافات ينعادي

لأن التمني كلمة ٍ مالها مفتاح
ونيل المطالب مايجي بالتّوجادي

ليا ضاق صدر الراعبي من همومه ناح
وانا لاتضايق صدري اقول ياهادي

أسّوي الجميل ولاترجى وراه ارباح
كفايه يبيّن بس فـ عيون حسّادي

كفوف البخيل ولو تمدّك تراها شحاح
ويعطي العطايا راعي الطيب والقادي

أسوج القدم وامنّي الروح بالأفراح
واخلّي ضعيف النفس واحب الاجوادي

وادوّر على الراحه وانا ماني مرتاج
وانا خابر الدنيا تبي صبر وجهادي

وياماحلا الفنجال معه الفكر ينساح
على ماذكر راكان من وقت الاجدادي

دلال ٍ تبهّر كيف والهيل فيها فاح
تنحّر على ضو ٍ توقّد توّقادي

تركنا الهوا وايام وقت الجهاله راح
مدام الهوا سم ٍ وعله للاكبادي



للشاعر : حـمـد الـمـسّـرع

[Najla]

طريق الغرام بأوله يشبه التفاح
ولونه بلون الورد وايامه اعيادي

ونهاية طريقه درب مافيه غير اشباح
ودمعه وحزن وضيق وجروح واضمادي


:

صح لسآن الشآعر / حمد المسرع ..

و لآهنت اخوي مفآوض ع الإختيـار الجميـل ..

لك كل الشكـر .!

[المربوعه]

كفوف البخيل ولو تمدّك تراها شحاح
ويعطي العطايا راعي الطيب والقادي



الله الله


صح لسان حمد المسرع



ولاهنت ع الانتقاء الرائع والجميل

[مرتاح أحبك]

صح لسان شاعرها ,,,
ولاهنت على النقل ,,,