حــــفــــلــــة الـــــتـــــدخــــيـــن الجــمــــاعية..!

[V E T E R A N]

في أيام المراهقة ..أو أيام ما قبل المراهقة..

في عام 1997 تقريباً وأنا في المرحلة المتوسطة مرحلة الأنحراف والدجة..

في العطلة الصيفية طبعاً ..ماكو شغل هياته وسهر لين الصبح ..مانبي نادي لا رياضي ولا ديني..

حنا فتكينا من المدرسة تبلشونا بالنوادي بــــــــــــعــــــــــد..

كنت في زيارة لعيال خالتي ..وهم أثنين من عمري وأصدقاء من الطفولة..

لعبنا كوره عنبر..

تــــــــيـــــــــــل ..

عفسنا البيت فوق تحت..

وفجأة أختفى ولد خالتي الكبير..ومدري وين راح..

قمت أدوره وينه وين راح هذا..!!

وأخير شئ طحت عليه بالداعوس ..

شافني وهو يرجف وخايف..

عاد أنا يعني بـــــــــــــــطــــــــــــل ..

شفييييييييييييييييييك لا يكون متهاوش مع جيرانكم .. لأن لنا وياهم معارك دامية..

قال لا لا مو متهاوش..

قلت شفيك جاي الداعوس ومنحاش ..

قال وياي زقاره سارقها من أخوي الكبير وأبي أشربها ..

أنا أنصدمت..

وقلت والله لعلم عليك ..

قال لا لا تكفى وقام يترجاني ويتوسل..

قلت خلاص كيفك أنت حر ..

ولع الزقارة أبو الشباب وقام ينفخ..

عاد أنا من الفضول والغيرة قلت في نفسي ليش ما أجرب التدخين وياه..

قلت وبثقة ..

أقول عطني زقارة ..

قال ما عندي إلا هذي بس تدري شلون بخليلك منها شوي ( باجي ) بلغة المدخنين..

أبو الشباب سحك الزقارة سحك ..

وأنا أحن عليه عطني عطني..

وأخيراً عطاني زقارتة ولا كلها سعابيييييييييييل يييييييييييييع ..

وأنا معرف شلون أشربها وهو يعلمني مزها مزها..

شربتها وكحيت وقطيتها وقام يضحك علي ..وقال آلحين تعلم أعلم..

يعني صرنا شركاء في الجريمة..

رحت البيت وأنا خايف من اآلي صار وهذي أول زقارة ..غسلت مليون مرة ومدري شلون نمت..

مرت الأسابيع وتواجهنا من جديد ولكن هذي المرة غير..

لأن كل عيال خوالي ..أعضاء حـــــزب الدجه موجودين..

جيت حق صاحبي وقلت تعال أبيك في سالفة..

قلت تذكر هذاك اليوم لما شربنا الزقارة ..

قال أذكر..


قلت شرايك نشتري زقاير وندخن ونخلي الشباب يدخنون بعد..

قال أخاف يعلمون علينا ..

قلت خل الموضوع عندي وأنا بو هندي..

رحت الجمعية..أشتري زقاير من عند ( السنترال )

قلت للسوري عطني زقاير..

قال .. شنو نوعها..؟

قلت أي شئ..!

قام يضحك وعطاني على ذوقه بكيت..

رحت لحزب الدجه..

وقلت حق صاحبي قول للربع يطلعون من الدوانية والوعد بالبراحة..

جو حزبي كاملين مكملين..

ويحسبون في هوشة أو شئ من هذا القبيل..

ألقيت عليهم خطابي وأعلان تمردي..

قلت ..

أنا أعلن قدامكم إني راح أدخن ..وكيفي وأنا حر .. وهذا بكيتي وولاعتي.. ومن أراد أن يدخن فل

يتبعني للداعوس..

طبعاً الربع دجه بس قلت يمكن يخافون شوي ..لكن الكل لحقني للداعوس..

والظاهر إن كل واحد منهم كان له محاولة أو تجربة للتدخين..ولكن ما كان هناك من يشجعهم..

ويشعل فتيل الثوره..

وصرت أنا قائد التمرد وزعيم الثورة ..

وبطل التدخين..

رحنا للداعوس ..والبكيت وياي ووزعت على الشباب كل واحد نصيبة من البكيت وطلع لكل واحد ..

زقارتين ..

بدت الحفلة وولعنا الزقاير وشربنا قدام الرايح والجاي..

وبالصدفة طلع في عشاء في نفس الشارع عند الجماعة والعشاء كبير..

ومر واحد من شيبان الجماعة وشاف حفلتنا ..

وأنصدم ..وحنا أنصدمنا..

قطينا الزقاير..

ونحشة..

وهربنا الهروب الكبير..

كل أثنين في جهة..

هربت للبيت ودخلت أنام غصب من الخوووووووف أو هروب من الواقع..

وأنا أتقلب وأتحلطم.. على نفسي ..

دخل علي خالي آلي كان موجود في العشاء..

وأشبعني من الضرب القاسي ..وكل أعضاء حزبي لاقوا مثل مصيري هذا..

وطبعاً قطيت السالفة التحريض على التدخين على شخص ثاني من الشباب..

وكل الحزب قط التهمة على وأنا برئ منهم..

حوكم علي بالسجن شهر من غير مصروف ..

وكانت تجيني أخبار من هنا وهناك إن الشباب ناوين علي ويتحلفون فيني..

ولحسن الحظ محد من الجماعة صدق كلامهم عني لأني معروووووف عندهم بتكانتي وأدبي..

وقالوا مستحيل إني من حثهم على التدخين الجماعي..

وطلعت من السالفة كما تطلع الشعرة من العجينة..

وبعد خروجي من السجن في البيت بردت السالفة وتواجهنا من جديد وردينتا حبايب..

ولكن هذي المرة غير كل واحد من حزبي بكيته في مخباه..

وقلت لهم..

بعد إن عدنا ياحزبي..

هيا بنا..!

نذهب..!

نعيد أمجادنا الماضية ..

قالوا ..

إلى ..


أين ..؟!


قلت..

إلى ..





الــــــداعـــــــــــــــــــــوس...!

[فلاح بن ملبز]

قلت للسوري عطني زقاير..

قال .. شنو نوعها..؟

قلت أي شئ..!

قام يضحك وعطاني على ذوقه بكيت..

^
^

الظاهر انه غشكم وعطاكم ابو بسه

الله يكفينا شره التدخين ان شاءالله

ويعطيك العافيه على ما سطرت

ولاهنت

[صوت القلوب]

السلام عليكم ورحمة الله وبركاته

أخي قد تُضحك حروفك الكثير ولكنها آلمتني حقًا .. لأني أعلم ما نهاية التدخين ..

الله يفكك من شر التدخين ..

للفائدة :

حملة ضد التدخين ..

شكري لـ جهدك

[V E T E R A N]

المشاركة الأصلية كتبت بواسطة فلاح بن ملبز

^
^

الظاهر انه غشكم وعطاكم ابو بسه

الله يكفينا شره التدخين ان شاءالله

ويعطيك العافيه على ما سطرت

ولاهنت

حياك الله ..

والظاهر غشنا السوري..

بس لا آلحين خبره ..

[V E T E R A N]

المشاركة الأصلية كتبت بواسطة شفت وش سوى هبآلكـ

السلام عليكم ورحمة الله وبركاته

أخي قد تُضحك حروفك الكثير ولكنها آلمتني حقًا .. لأني أعلم ما نهاية التدخين ..

الله يفكك من شر التدخين ..

للفائدة :

حملة ضد التدخين ..

شكري لـ جهدك

حياش الله ..

أختي..شفت وش سوى هبالــكــ..

ولله يجزاش خير أختي على الدعاء..

وما دفعني لكتابة هذا الموضوع ..أمرين..

الأول ..قبل كم يوم رحت لدوانية ولقيت كل حزبي المنحل السابق وهم يدخنون..

وتذكرت الأيام الماضية..

الأمر الثاني..أبين أن مرحلة المراهقة هي مرحلة الدجه بطريقة غير مباشرة ..ويجب على الأهل الأنتباه للأولاد سوى بالتدخين أو غير التدخين من أمور آخرى للأنحراف..

وأشكر تواجدش في مواضيعي ..

[ساندي بل]

خ ـوش ح ـفله ،،


آلله يهدآكم ع ـزآلله هذآ آللي فآلح ـين فيه للخ ـرآب كلكم تتج ـمع ـون ،،


بس آذآ كآن ع ـند وآح ـد منكم درس آو قآلكم تع ـآلوآ ع ـندي نح ـل وآج ـب آو من هذآ آلقبيل آقص آيدي تج ـتمع ـون
ع ـندهـ ،،


طبع ـآ آللي صآر من آلمآضي ،،


وآكيد له آثر في آنفسكم لمآ تتذكرون شقآوتكم ولع ـبكم وآستهتآركم ،،



وكل وآح ـد منآ له ذكريآت زينه وشينه ،،



بس آلله يهدآكم شكلكم آلآن آدمآن تدخ ـين آذآ آنت ع ـلى ح ـسب مآتقول آلح ـين تع ـديتوآ آلـ 10 سنين وآنتو بع ـدكم شبآب ،،



آلله يهديكم ويصلح ـكم ويوفقكم ويبع ـدكم ع ـن آلتدخ ـين وبلآويه ،،


شوف آلفرق يآخ ـوي ،، ويآليت لو آتدآركون روح ـكم وآنتوآ توكم قبل لآ تتغ ـلب ع ـليكم هآلقطع ـه آللي مآيج ـي من ورآهآ آلآ آلبلآ ،،

وتقدرون تستبدلونهآ بآلسوآك ،،

7

،،




تح ـذير صح ـي آلتدخ ـين سبب رئيسي للسرطآن وآمرآض آلرئة وآلقلب وآلشرآيين ،،



ملآح ـظه آخ ـوي [ V E T E R A N ] ،،


دآئمآ موآضيع ـك تع ـج ـبني في طريقه سردهآ ،، وتج ـبر آلقآرئ ع ـلى آلآستمتآع في آلقرآءهـ ،،


تقبل بآقه من آلآح ـترآم وآلتقدير ،،

[V E T E R A N]

المشاركة الأصلية كتبت بواسطة ساندي بل

خ ـوش ح ـفله ،،


آلله يهدآكم ع ـزآلله هذآ آللي فآلح ـين فيه للخ ـرآب كلكم تتج ـمع ـون ،،


بس آذآ كآن ع ـند وآح ـد منكم درس آو قآلكم تع ـآلوآ ع ـندي نح ـل وآج ـب آو من هذآ آلقبيل آقص آيدي تج ـتمع ـون
ع ـندهـ ،،


طبع ـآ آللي صآر من آلمآضي ،،


وآكيد له آثر في آنفسكم لمآ تتذكرون شقآوتكم ولع ـبكم وآستهتآركم ،،



وكل وآح ـد منآ له ذكريآت زينه وشينه ،،



بس آلله يهدآكم شكلكم آلآن آدمآن تدخ ـين آذآ آنت ع ـلى ح ـسب مآتقول آلح ـين تع ـديتوآ آلـ 10 سنين وآنتو بع ـدكم شبآب ،،



آلله يهديكم ويصلح ـكم ويوفقكم ويبع ـدكم ع ـن آلتدخ ـين وبلآويه ،،


شوف آلفرق يآخ ـوي ،، ويآليت لو آتدآركون روح ـكم وآنتوآ توكم قبل لآ تتغ ـلب ع ـليكم هآلقطع ـه آللي مآيج ـي من ورآهآ آلآ آلبلآ ،،

وتقدرون تستبدلونهآ بآلسوآك ،،

7

،،




تح ـذير صح ـي آلتدخ ـين سبب رئيسي للسرطآن وآمرآض آلرئة وآلقلب وآلشرآيين ،،



ملآح ـظه آخ ـوي [ V E T E R A N ] ،،


دآئمآ موآضيع ـك تع ـج ـبني في طريقه سردهآ ،، وتج ـبر آلقآرئ ع ـلى آلآستمتآع في آلقرآءهـ ،،


تقبل بآقه من آلآح ـترآم وآلتقدير ،،

حياش الله ..

أختي ..

ساندي بل..

والله يجزاش خير على الدعاء ..

ولا هنتي على تبين الزقارة ومكوناتها الضاره..

وأعجابش في مواضيعي ..فخر لي أختي ودافع وتشجيع..

أشكرش أختي ساندي بل ..

على تواجدش الدائم في كتاباتي..

لا هنتي..

[Najla]

يا عيني فالمتوسط و تدخنوون .. مشكله المراهقين

و حفلات بعد .. جعل أمحق حفله

مشكلة الزقاير اللي يتعود عليها ما يقدر يقطعها الا بعد الشين < هذا من الواقع اللي اشووفه

و الله يكفيكم شرها و شر حفلااتها ..

:

يعطيك العافيه ع الموضوع الجميل ..

لآهنــت

[V E T E R A N]

المشاركة الأصلية كتبت بواسطة نجلآ النوآعس

يا عيني فالمتوسط و تدخنوون .. مشكله المراهقين

و حفلات بعد .. جعل أمحق حفله :d

مشكلة الزقاير اللي يتعود عليها ما يقدر يقطعها الا بعد الشين < هذا من الواقع اللي اشووفه

و الله يكفيكم شرها و شر حفلااتها ..

:

يعطيك العافيه ع الموضوع الجميل ..

لآهنــت

حياش الله ..

أختي ..

نــجلآ النوآعـــس..


ولاهنتي على الدعاء..


وتواجتش في مواضيعي يسعدني ..

كثيراًً..