.... (( قــول : إلـــى بـخـآطـــرك )) .... (2)

[طيحة شموخ]

شاعرك لا شكى الليل خيّب له ثناهـ
.................... ودّق في صدره وتدّ وعرضه الهبوب !!
وهزّ له جذع الغرابيل لـ عيونه وجاهـ
.................... وطاح من عينه معازيب ومن قلبه قلوب !!
ثابتٍ مايسأل الليل وش ذنبه معاهـ
.................... لا تراكم سواد الوقت وأضناه الغروب !!
ماتحسف على من راح لو كسرّت عصاهـ
.................... ولا عرف طعم الهزيمة ولا نار الهروب !!

[طيحة شموخ]

بــيــن مــيــعـاد التـلاقــي وتــصــريــف الزمــان

يــا كــثــر مــافــات مــيــعــاد واختــلــفــت ظـنون

لاتــخــلـي للـمواعيــد فــي قــلــبــك مــكـــانـ

الـتـلاقــي يــمــكن يــكــون يــكــون مــايــكــون

ولــو تــقــول انــي عــطـيـتك عـلى الموعد ضمـان

قــلــت امـــون وســود الايـــام عـــيــــت لاتـــمــون .

[مريغان]

من حبكم صرت البس الثوب مقلوب = ودور الغتره وهي فوق راسي

[طيحة شموخ]

يامدور الهين ترى الكايد أحلى



وأسأل مغني كايدات الطر وقي



الزين غالي لكن الازين أغلى



ولكل شرايٍ بضاعة وسوقي

النّو عالي والسما فوقه أعلى



لي فاق علمٍ جاه علمٍ يفوقي

الصعب هلي قلت ياصعب سهلا



دامك تبيني فأنت ياصعب شوقي

أحب عسف المهرة اللي تغلي



وأحب أروض كل طرفٍ يموقي

وأحب أسافر مع سحابٍ تعلى



وأحب فوق الغيم لمع البروقي

وأحب أساهر بدري اللي تجلى



وارسم شعاع الشمس عند الشروقي

يامن على ثاير فؤادي تولى



خلّك على قلب الكرامة شفوقي

أكرم عزيزٍ بالعمر مااستذلا



يسوق عمر هـ للمشار يف سوقي

اخترتك من الناس للقلب خلاّ



ياحيثك مرادي وكيفي وذوقي

مارحت أدور كل زولٍ تحلى



لولاك تسوى ماعطيتك خفوقي

[مريغان]

سو اللي براسك ولا تذكر اسباب =لصرت بايعني توكل على الله

مابيني وبينك مشاريه وعتاب =شف دربك اللي جيت منله تدله

رح وعتبرني واحدن اذنب وتاب =ماني بثوبن تلبسه ثم تمله

ماجتمع بالحب صادق وكذاب =رزقي على وانت رزقك على الله

[مريغان]

في غيبتك غابت عيوني عن النوم =وابطت سهيره ترقب الليل كله

[مريغان]

لبيه يا (سـاره) .. ولبيـه يـا (منيـره)
في مهبل الناس مدري ويش أنا لاقـي !!
صدر الشمالـي عليهـن فـك أزاريـره
اللـي مـن آدم وحـوّا مابعـد ضـاقـي
جن المدينـه علـى غفلـه مـن الديـره
وتورّطـن بالرومنسـيّـه والأشـواقـي
مايكتـبـنّ أساميـهـن بالطبـاشـيـره
بيعلمنّـك عـن الموضـه والأذواقـي !!
وجيههـن طالعـات مــن الكوافـيـره
من كثر الألوان كنْهـا (سبحـة عراقـي)
مافيـه داعـي أجاملـهـن بتكشـيـره
وأقول مشتـاق .. لـو مانيـب مشتاقـي

[بندر التركي]

أ
مساء الخير ..

ن كان حبي لك هو أعظم خطاياي= ما أقول يا نفسي عن الحب توبي
أجمل خطاياي وآخر حـدود دنياي= وأصدق معاذيري وأطهـر ذنـوبي
نزعـات روحي لك تـباري نـواياي= والقلب يمّـك والمـشاعر سعـوا بي
حبٍ لك اللـه ماكـنٍ فـي حـناياي= أبيـه لو ضعـفـي بأكبـر عـيـوبي
كـل الهـوى والـحـب باقي بـقاياي= خـذت أوّلـه وأتـلاه وأقــول دوبي
ومن له مثل حبي يسوّي سواياي= ياصـل مواصيلي ويسـلك دروبي

[بندر التركي]

مساء الخير ..

أن كان حبي لك هو أعظم خطاياي= ما أقول يا نفسي عن الحب توبي
أجمل خطاياي وآخر حـدود دنياي= وأصدق معاذيري وأطهـر ذنـوبي
نزعـات روحي لك تـباري نـواياي= والقلب يمّـك والمـشاعر سعـوا بي
حبٍ لك اللـه ماكـنٍ فـي حـناياي= أبيـه لو ضعـفـي بأكبـر عـيـوبي
كـل الهـوى والـحـب باقي بـقاياي= خـذت أوّلـه وأتـلاه وأقــول دوبي
ومن له مثل حبي يسوّي سواياي= ياصـل مواصيلي ويسـلك دروبي

[الكحيلا]

,

,


يا مقفيٍ عني مثل ساير الناس .

.. شف خافقي ما هزته ذكرياتك؟

,

,