البيت اللي اذا ضاق صدرك تقوله ..

[ناصر العسكر]

يامـل قلـب يسـج وفيـه دولاجه
في معزل عن جميع الخلق وازعاجه


ماغير اهوجس تقول مضيع حاجه
وادوج لوكـان مارجلـي بدواجه


يالله يالي بيـدك الضيـق وافراجه
تفرج لعين الذي أغفـت بسوهاجه


بالصدر ضيقه ونوم العين هملاجه
نوب سهرها شديـد ونـب نهاجه


عليك ياللـي بقلبـي كـن وهاجه
أبـو ثمـان تشـاد اللولـو لعاجه


ياروح روحي وجرح القلب واعلاجه
قلبي يناجيك بسلوب الهوى ناجه


إما التفت لي وتم الوصـل بمواجه
وش ينفعك من حنين القلب وخلاجه

[جرح العنا]

الله..

عليك ياناصر..

لاهنت ع المقتطفااااااااااااااااات الجميله..


تقبل تحياااتي..

[ناصر العسكر]

جبتى موضوعش على الجرح يا جرح العنا ...
.
.
.
ماعليك إن طحت ياحظي ملام ..


...وان بغيت ألوم..قلي من ألوم





ضاقت الدنيا و لا عندي كلام ...

... يا هي صعبه .. ضيقة الشخص الكتوم





من يلوم .. ان صار باحساسه زحام

.... و السهر عيا عن احزانه يقوم





ضايع ٍ وسط الهواجس و الظلام

.... في عيونه ياااه .. يا كثر الهموم





رغم انه عااش .. من فوق الغمام

.... بس ما يطمح بما دون النجوم





حط ّ له بين البشر قدر .. ومقام

.... وين ما وجــّـه .. عزيز ٍ و امحشوم





من تنكـّـر .. صد ّعنــّـه باحترام

.... و اللي وافي .. شايله فوق الغيوم





ما نثر دمعه .. على صــدّه غراام

.... و لا وقف في سوق خلاّنه .. يسوم





لو زعل .. صد ّ و نسى كل الخصاام

.... ما يفااااارق صاحبه .. لو هو جزوم





مؤمن ان الغدر في شرعه حرااام

.... ومنغدَر به .. يبتعد عنه ْ .. و يشوم






و انت يا قلبي .. اصحــّـيك وتنام

.... ودي تصحى بس ابي تصحالي .. دووم





قلت لك لاتطمح براس النعام

.... و لا تطب ّ اليم ّ .. دامك ما تعوم





و لاتضيم الحي ّ .. و حيــّـك ما يضام

.... و ان خذوا لك حق.. لا تشكي وتلوم





العطا .. يبيــّـن على وجيه الكراااام

.... لاتظن الطيييييــب ينفع بالرخوم

[جرح العنا]

ناصر..

اتمني اني ماقلبت المواجع..

دمعك سحاب وحزنك اسمى من الذات
وجزرك بحور ومد بوحـك سفينـه
ماينحكي بعض الألم وسـط الابيـات
خل القلـوب اللـي حزينـه حزينـه
الحب ماله في سماء الوجـد ميقـات
ياللي على قسـوة شعـوره تعينـه
شيءٍ يجي من سطوته ماله اوقـات
عنوانـه العبـره وهمـه مديـنـه

[ناصر العسكر]

سهالات..

الضيقة اللي بالصدر هدة الحيل
يالعن ابوهــا كــــل يوم تزايــد
دايم تجيني كل مايمسي الليل
وتحط في صدري همومن جدايد
اصد عن خلق الله واروح واميل
في مجلسي وحدي اجرالقصايد
اسلي نفسي بالشعر والمواويل
واحاول اخفي همي لوكنت كايد
ماودي باهل الهرج والقال والقيل
تنقل علومي مثل نـقـل الجرايد
ويسج فكري مع النجــم وسهيل
واذكر زمانن راح وجانا نكايد
واقول ياصدري تراها تساهـيـل
همومي عقب الشهيد ولاهوب عايد
واصبر عليها لو تبي تحط وتشيل
لاتضيق دام الضيق مابــه فوايــد

[الجفا برد]

البيت اللي اذا ضقت اقوووله :


على كف القدر نمشي ولا ندري عن المكتوب عبارة كنت أرددها صدق من صاغ معناها

::
لآهنتي ع الفكره..

[جرح العنا]

الجفا برد..

لاهنتي يالغلااا ع المرور الجميل,,

لكي ودي واحتراامي..

[عجميه مجروحه]

الله لايهينش على الموضوع الرائع
عمر الزمن ماحقق في خاطري شي
حكم القدر
عسى العوض بمقبلات الليالي

[جرح العنا]

عجميه مجروحه
لاهنتي ع المرور الراااااائع..

لكي ودي واحتراااااااااااااااامي..

[تركي الميموني]

تسلم ايدك جرح العنا على اختيار الموضوع الرائع

مبدعه كالعاده

واتمنى من الاعضاء التفاعل

يكفيني اللي بثه الضيق فيني

/
/
/

تجوع وتظما لقا .. وتشرب أشعاري


وتمدّ نخب الهوى .. وتقول لي صحّه!