{ تِبي تعْرف وشُ علىآ الفْرقـِآ مِصبـِرني ؟ .. }

[{ مهآبه جروح }]

المشاركة الأصلية كتبت بواسطة { مهآبه جروح }

8 / 5 / 2010 مـ ..
فجر السبت ..

{ عسى بفرآقنآ خيره }

ياللي جفيت وجفاك المر ذابحني
.............. عقبك وجيه البشر ماني بدانيها
من يوم حبك غزى القلب وتملكني
.............. قطعت كل العلاقات وطواريها
اقرى رسايلك ودموعي تسابقني
.............. وارد واقرى الرسايل واحتفظ فيها
انت اخر انسان هاقي منه يصدمني
.............. والظاهر ان هقوتي بانت مواريها
لو الوصايا ليا احتديت تنفعني
.............. ياكثر ناس على ذودي بوصيها
ليت الفرح { بنك } لاجيته يسلفني
.............. واقاصده { راحتي } وحقوقه اوفيها
من كثر ماكنت جارحني وظالمني
.............. قمت اعزل جروحك بقلبي واسميها
تدري وش اللي يبكيني ومضحكني
.............. انك محامي قضيتنا وقاضيها
تدري متى تعرف قدري وتفقدني
.............. لارخصت نفسك لشخص مايراعيها
بكره لياهملوك الناس تذكرني
.............. وتقول عزاه عيني من يداريها
مدام غيري على قلبك مشاركني
.............. وش هو له اعلق الأمال وابنيها
يكفيني انك رحلت ومنت عايفني
.............. هذا عزا النفس من كثرت بلاويها
اهديتك دموع من طعنتك تحرقني
.............. وانت اللي تستاهل الدنيا ومافيها
واهديتني جرح موجعني وعاجبني
.............. لن الهدايا على مقدار مهديها
صحيح { حنا انتهينا } بس صدقني
.............. والله تبقى { هوى روحي } وغاليها
مفضوح راعى الهيام ونظرته تغني
.............. ملامحه واضحه في وجهه راعيها
لكل داء دوا لو هي متعبني
.............. الا محبتك اعيت من يداويها
ان قلت علمني انسى لاتعلمني
.............. دنياي لامن نسيتك ويش تاليها
فارقتني وضحكتك عيت تفارقني
.............. والله يلعن ابو الفرقا وطاريها
مقدر افكر بغيرك وانت عارفني
.............. عشان حاجه بقلبي مقدر اخفيها
اخاف لاحبني غيرك وعاشرني
.............. يشوف صورتك في عيني ويوحيها
نشدت عنك وسمعت اللي يفرحني
.............. وارتاح صدري من هموم يحاتيها
تبي تعرف وش على الفرقا مصبرني
.............. انك بخير وحياتك مهتني فيها
من يوم ماغبت والوحده تعذبني
.............. اقرى { رسايلك } في حرقه والاحيها
اشوف { صورتك } ودموعي تسابقني
.............. وياكثر ماجيت ابمسحها وأخليها


يآ عزي لحآلي ...

.
.
.
.
.
.

[غنآتي]

[فلاح بن ملبز]

يا سلام يا سلام

وصح لسانش ولسان سعود بن مهدي

وفيه بيت ناقص مطلع القصيده

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا


ولاهنتي

[مرتاح أحبك]

صح لسان شاعرها ~
ولاهنتي على النقل المميز~

[شّيهـًــانُـــهً~]

صح لسان شاعرهآ

لاهنتي ع النقل الراقي

[سفيره بني خالد]

صح الله لسآإنه ولا هآن شآإنتس وشآإنه

يعطيتس آلعآإفيه على الآبيآت الروعه

[عبدالله بن عريمان]

صحـ السان شاعرهاا


ولاهنتي علي النقل

[الجـــادل]

تدري وش اللي يبكيني ومضحكني
.............. انك محامي قضيتنا وقاضيها
صح لسانه وتسلم يمينش ع النقل
ننتظر جديدش

[رجـم بـذال]

ليت الفرح { بنك } لاجيته يسلفني
.............. واقاصده { راحتي } وحقوقه اوفيها
من كثر ماكنت جارحني وظالمني
.............. قمت اعزل جروحك بقلبي واسميها
تدري وش اللي يبكيني ومضحكني
.............. انك محامي قضيتنا وقاضيها



هذا البلا


صح لسان شاعرها

وصح نقلش ولاهنتي