هرج القفى طعن وغبون.. }~

طبــ ع ــي كــذآ.. }~ · #1 14-07-2010, 08:53 AM

السلام عليكم ورحمة الله وبركاته

يسعد لي اوقاتكم يارب

مجرد مصافحه كتبتها مجاراه لبيت من قصيده معروفه للشاعر الآمير محمد الآحمد السديري

قالوا علامك باكي قلت مطعون
...............شوفوا نزيف الدم مني تتالا

صلّوا على النبي

ياللي تلوم الحال لا تقول وشلون =ناظر سواد العين تلقا خيالا

لاتنصدم لاشفتني حيل محزون= هذي سواة الدهر لامنه مالا

يميل بي من يمة القلب مخزون= هموم بقعا كلها به تشالا

شف شلتها من بين الآظلاع بالهون =خايف عليها لاتباح وتقالا

تقال من بين المخاليق ويجون =هذا بها شامت وهذا ينالا

ينال مني دون سبه ومن دون =لابرر الغايه ولا أفسح مجالا

نقّالةٍ للهرج قومٍ يقولون =ماعندهم الا كثير الجدالا

بعض الحكي لوجاك تبكي له عيون =ولاتبوسم له شفاهك محالا

لاتصدقه من دون تأكيد ياكون =علمٍ يجيبه لك ظريف العيالا

اللي يرد العلم لوكان ما يكون =عنده صعيب الآمر يصبح سهالا

والا ترى هرج القفى طعن وغبون =ولايكسبون الا ذنوبٍ توالا

وسلامتكم