~~كـــاــــمــــاتـــــــ~~

[ناصر العسكر]

حتى .. ( الوفا ) .. يمكن تجيله .. ليالي ...!=ندوّره ... مانشوف له .... أي ... ( لمحه )

دام الرفيق .. اللي أسمـّـيه .... ( غالي ) ....!=خان .. الوداد ... وحطّ .. بـ الصدر .. ( رمحه )

[ناصر العسكر]

يا صمت : و إن كثّر عليك الحكي .. عي= الهرج .. / .. مايعرف نوايا سكوتي .. !

و يا / صاحبي : لـو خافقي ينكوي كي= ماجيتك .. أشكي لك و أزعزع ثبوتـي

إن كـان .. ماحسيت فيني و أنا حـي = وش فايده ..! تحس بي عقب موتي .. !

[ناصر العسكر]

من بغى الفرقا .. لقى له عذر وأسباب ودليل=خل عنك العذر والأسباب دام الحب ضاع
كان ودك بالفراق ابششششر عسى عمرك طويل=لاتردد وأنت لك كلمه ولك أمرٍ مطاع

[ناصر العسكر]

فــراق .. وكـانـك تبـيـه فــراق بـفــراق= بـس احتـرم لحظـة الفرقـى .. ومـعـذور
مـاجـيــتــك ادور دروس بـــالاخـــلاق= ان زنت لي زنت .. وان مازنت مشكور
لا تتهمـنـي .. وخــل الـلــي بـالاعـمـاق= يبقـى بالاعمـاق .. والمسـتـور مسـتـور
ياصاحـبـي والـهـوى لــو فـيـه مـيـثـاق= ماعشـت فـي عـالـم الحـرمـان مقـهـور
حـنـا انتهيـنـا .. وهـــذي كـــل الاوراق= قــم شقـهـا .. مابـقـى لـلـحـب دسـتــور

[ناصر العسكر]

يا وجه الكريم اللي نسوق الدعاء يمّه=لـه ٍ ولـه فالخلـق قـدره إلهيّـه

طلبتك شفاك اللي بمقـدورك تتمّـه=بليـاّ مصحّـات وعقاقيـر طبـيّـه

على واحدٍ غالي ودمـيّ فـدا دمّـه=أودّه وله عندي محبّـه خصوصيّـه

بلطفك وعطفك ينجلي باسـه وهمّـه=بليته وكم غيره مـن عبـاد مبليّـه

سلامات يا وجه الرضا صافي الذمّـه=عيوني عبايرهـا تعبـرّ بمـا فيّـه

[ناصر العسكر]

لاتــنـــشد النــاس وانــت ادرى بي
نفسي تمنـاك وانــت اغلى حبـايـبها


اغلى من عيوني الثنتين واصحـابي
واغلى من الناس حاضرها وغايبها

[ناصر العسكر]

يانور عيني ماتفيـد التحاسيـف = لاصارت الفرقا طويـل مداهـا

اللي انكتب باللوح ما فيه تحريف = والعاقل اللي قدره الله رضاهـا

بالك يجن ادموع عينك ذواريف = العين جاها من السهر ماكفاهـا

بالعون ماقصرت ياغاية الكيـف =. مير الليالي قصرت فـي وفاهـا

لاتحسب الدنيا تجي دايم مريـف = كل يموت وحاجته مـا قضاهـا

[ناصر العسكر]

أحيان صدري من نظر عيني يضيق =وأحيان لا والله , من اللي اسمعـه

مدري أنا اللي غير وآحساسي رقيق=وإلا صدور الناس ما فيها سعـه !!

[ناصر العسكر]

.
.
صباح الخير مدري يا / صباحك
.......... المهم : ( الخير منك يا ،/ صباحه )

الصباح اللِّي مع .. الاشواق - ضاحِك -
.......... من [ وجودك ] ماخذٍ كل انشراااحه . .

.
.

[ناصر العسكر]

.

ماجيت اجدد , في لقانا جروحي .!=لا والله إلا جيـت .. والشوق ذبـّاح
زعـزع ثبـاتي .. وهدَم عالي صروحي=وما زال جسمي , يرتجف .. مابعد طاح
اما ترد ( الوصل ) .. وترد روحي .!=ولا ( مجييَ ) زوَد جروحي .. جراح .!

.