شيء ما

[صمت!]

.

بعد الفراق

تقتلنا الوحده ..

مانشوف حولنا أحد

كانه اذا رحل

أخذ معه كل المخاليق...


.

[صمت!]

.

منه اللي يقدر على الفراق ..!

اتفقنا تكون لي بحر طول العمر

وأكون لك غيمه مطر ..

اتفقنا في بحرك تدفن أسراري ...

وتصون اخباري ...

وتشيل عني كل اللي ما ينطاق

واتفقنا ..

أرويك من حناني

وأظللك من زماني ....

وأتبعك بخيري ....وأغنيك عن غيري ...

بعد السنين ...

قلبك كفر ...

وألحد بحبي ....

وخان ...

بحرك ... راح منه الأمان

وغشاني بطوفان ...

وغرقت ...أشاهق انفاسي ...

وأنا ...

ما تغيرت ...

غيمه مطر

ترويك الحنان

بس انت وينك

ليه ضيعت دليلك ....

ليه وليه وليه

الف سؤال بخاطري ...عنك

بس أدري ...

كل ماكان..

ماعاد يهمك !



.

[صمت!]

.

وتمرني الذكرى

ويمرني الطاري

وابتسم ...

أيام كنا وكان ...

أذكر إنك كنت دايم

تطلب أخباري ...

وأعرف أسرارك ..

وكنت إنت أسراري ..


اليوم ...

أغراب أنا وإنت عن بعضنا ...

اليوم ..

كل واحد فينا ... ينكر الثاني ...


يا لذة الوفاء وينك ....

شلي حصل بيني وبينك

كيف جبرتنا الايام ....

وكيف طاوعنا ...

والزمن ....

يومه ناوي يفرقنا

ليه من الاول كان جمعنا ؟؟؟؟؟

....



.

[صمت!]

.

على حافة الماء

وبيقتلها الظمى ....

مثل اللي تنتظر على جال البحر .... قطرة مطر ...

آه يابعض الحظوظ كيف تقسى أكثر من الحجر ....!



.

[صمت!]

.

مايعبرني ..

.

[صمت!]

.

كان عالمي بين يديك

وعندما شرخت ذلك العالم

قتلني الظمأ فيك ..!


.

[صمت!]

.

أتعبت حالك في حمل الطيب

وفي الاخر .... أدمتك شوكته ....!


.

[صمت!]

.

ويصبح الصبح ما غفت عيني ..

وكأن بين الرمش والرمش وقف خيالك

ونور الصباح يقول لي

موعود انت بشمس خلك وقمره ليله ...

وجيش السهر دايم غالبني

ويش اسوي ...

بس أهوجس واقول ....

ما هزك حنينك ؟


.


.

[صمت!]

.

مرني طيفك..وطيفك صاحبي ما أدري عدوي؟!
جايبٍ صوتك..وصوتك سكة الذكرى الحزينه


قال:انا بـ..أموت من غيبتك،قل لي ويش اسوي؟!
قلت:أنا ابغي الموت في غيبتك، قل لي بس وينه؟!


قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه


نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!


مادريت إن البحر ماقـال لأمواجـه: ((تروي))
ومادريت إن ((الغرق))هو حجة غياب السفينه


مادريت..أومابغيت أدري..ولا أدري وش بـ..أسوي
لو رجعت وشفت طيفك في الممرات الحزينه؟!


وين ابنسى؟!..وأنت طيفك(صاحبي مأدري عدوي)
مارضي يترك لغيره شـبر واحد في المديـــنه...!



.

[صمت!]

.

بنيت لي من الاحلام قصر!

وتحريتك تجي ..

ورتبت قصري على ذوقك

كل شيء مثل ما تبي ..

وتأخرت ..

انتظرتك ...

وانتظرتك ...

ورحت ..

ومن حرتي ..

طيرت أنا قصري وطار ....

وأدري ....

من صدق الأحلام ....جاته على غير ما يشتهي !


.