ياللي على عرش الحسن وحدك رقيت

عارف دربه · #1 03-12-2011, 12:48 AM

ياللي على عرش الحسن وحدك رقيت

سحر الجمال الأنثوي منك يشاع

كن البشر وعيونهم ساعة لفيت

ترفع شعارن بالولا وامرك مطاع

واللي عصى سهمن على قلبه رميت

نظرة جفا ما تمهله حل النزاع

تحيي قلوبن مجدبة وايضا تميت

منوة حزين فارقه خله وباع

جتني مراسيله وانا داله وجيت

قال: الغلا عندي عسى قلبك شجاع

خذ ما بقى من فرحتي واللي بغيت

نسلك طريق للمحبة باقتناع

قلت: استمع ياللي على جاشي نويت

قلبي وهبته للغضي عنده متاع

هو مادرى عني وانا فيه ابتليت

تضمى عيوني شوفته واذني سماع

ليته جنى على روحي وانا البخيت

ولا يحنّ بحالتي قدر استطاع

وارد على حوض العنا لين ارتويت

سبّة ظروف صيرت قربي وداع

كنت احسب اني من وبا عشقه شفيت

اثر الغرام المستبد صعب انتزاع

حبه بنى وسط الحشا جنة وبيت

وحبي تلاشى في بحر قلبه وضاع

القرم 8 · #2 03-12-2011, 12:51 AM

صــــــــح لسانك يا الامير عارف دربه و صـــــــح لسان شاعرها ولا هنت ع النقل

العــــديم · #3 03-12-2011, 10:36 AM

هو مادرى عني وانا فيه ابتليت

تضمى عيوني شوفته واذني سماع

ليته جنى على روحي وانا البخيت

ولا يحنّ بحالتي قدر استطاع

صح لسانك واعتلا شانك

دام ابداعك

المنفرد · #4 03-12-2011, 11:16 AM

لله درررك

صح الله لساانك

الهنــــــــــوف · #5 03-12-2011, 11:28 AM

عـــارف .. دامت انفاسك على ما سطرته لنا هنا
قمة بالرقي .. واصل مسيرك في الابداع ..
بانتظار مايجول به فكرك من خيال ..
تقبل مروري المتواضع ..

عارف دربه · #6 04-12-2011, 12:44 AM

خيال كروش ( صح ابدنك وشرفني مرورك)

العديــم ( صح ابدنك ومرورك اكبر حافز )

المنفرد ( صح ابدنك واسعدني تواجدك)

الهنــوف ( اشكر ك جزيل الشكر وان شاء الله اكون عند حسن ظنكم)

خالد بن نفل · #7 06-12-2011, 07:26 AM

صح لسانك واعتلاشانك

عارف دربه · #8 09-12-2011, 10:43 AM

خالد بن نفل ( صح ابدنك طال عمرك)

عبرة وداع · #9 15-12-2011, 08:36 PM

صح اللسان شاعرها وسلم لنا نقلك

الاصيله · #10 16-12-2011, 02:48 AM

صح لساانك

ولاهنت

تقبل تحيااتي لك