وش يتفعك من حنين القلب وخلاجه وجروحه اسبابها انت ولا تعالجها

[شقران السبيعي]

الشعر خلى حياتي بين شمـس وبيـن فيـّه
لا وصلت اقصى الطريق ولا بلغت اعلى مرامي

[شقران السبيعي]

قـرّب رحيلـي والمشاعـر بـرجـواك
وخطـام فـكـري للضمـايـر يتـلّـك
واسري مع الهوجاس واذكرك . . وانساك
مـا دمـت أحقـق بالنـوى رغبـة ٍ لـك

[شقران السبيعي]

اقلط بقهويك شعري فاحـت دلالـي
اقدع قصيده وخـذ فنجالهـا صـوره
صافح كفوف المعاني واقـف اقبالـي
قصيدتـي فيـك مختالـه ومغـروره

[شقران السبيعي]

الحـر يفـزع لا نخيتـه بحيـنـه
وإلا الردي ما هو مع الناس مزبان
خلّـه يولـي راح محد ٍ دريبه
راحت حياته بين ذل ٍ وخسـران
شفّك على من هو علومـه رزينـه
اللي يمينـه بالمواجيـب رويـان
يرسي كما ترسي رسـاة السفينـه
لو موجها يرمي على كل الأركـان

[شقران السبيعي]

يا تاجر الـزين يا بدر الـدجى الـداجي
يــــا عشقة ا لقـلب من لي غـيرك الـجي له
الحب خلى عزيز النفـس يحـتاجي
يحتاج منك الـمروفه كـود تاويـله
متعبني الشـوق مـالي عنـك مخراجـي
بلوى ومن يبتلى ضاقت به الحيلـه

[شقران السبيعي]

يا قلب عذبني زماني وعذبك
بين الرجاء والياس تمضي لياليك
صابك سهم وادماك ، والثاني اعطبك
واخفيت عن كل الخلايق مواذيك

[شقران السبيعي]

ألا يا جميل الوصف قلبي عليك يفوح
وكن فوحته رسلان بالهيل فواحه
وأنا الحب جربته عذاب وشقى وجروح
وعوّدت تايب منه تايب من نواحه
ولكن قلبي طار ناوي قداك يروح
مثل فرخ حرٍ بالسماء مطلق أجناحه
وأنا أصيح له وأدعيه عيا يجي باللوح
روّح يريد الحب يا شين مرواحه
أمانه عليك إن جاك لا تتركه وتروح
خله يروغ الصيد في البر وأفياحه

[شقران السبيعي]

مشبوك مشبوك على الله يخلص لي
كيف اتخلص وأنا ما في يدي حيله
محتار بامر الحبيب اللي إنشبك مثلي
وإن ما حصلي علي إصعيب تبديله

[شقران السبيعي]

الحب مشّاني علـى غيـر مبـداي
وقبلي مشوا به محتميـن العرينـي
لعيونهن يا ما قـدم صامـل الـراي
ويا مـا تناخـوا فالوغـا محتمينـي
واخترت لي منهن على كيف مشهاي
مهره ولا عسفـت مـن العاسفينـي

[شقران السبيعي]

الا يا عيون ٍ سلهمت لـي وانـا مربـوش
اغض البصر ما ودي ابلَش مـع الجانـي
على القلب ركّز والمضارب تنوشه نـوش
وانا اطيح واعْدل رجلي مع العرب ثانـي
ليا من رفعت الراس واليا الرموش رمُوش
كما وقفةْ أهل الجيش في عهـد الالمانـي