• وإن سلمنا من خيالك .. ماسلمنا من سميّك •

[محمد بن سعود]

,






ياساكن الدوحه تراني ماسليت
اشفق لـ شوفك مثل ما اشفق لـ المطر

اما تجي وتعيش عندي فـ الكويت
ولا بجي واعيش عندك في قطر !!




.







,

[محمد بن سعود]

,






الكل منّا حزين ، وحالته حاله !
ضقنا ، وحتى الزّمن عيّا يجاملنا !

غبنا وكلٍ مشا في دربه لحاله
شفتوا كلام العذول لـ / [ وين وصّلنا ] ؟





.







,

[محمد بن سعود]

,






حتى ولو بـ / يعتذر من سابع
المستحيلات ، أعذره ، وامرّه

ولو ان حبّه فـ / الحنايا نابع
نسيت ذكراه ، وحرقت صورّه !

دايم يخلّيني وهذي رابع
مرّه ، يقول : [ ان هذي آخر مرّه ] !





.







,

[محمد بن سعود]

,






غمّض ، وخل وضع التلفون صامت !
وارقد قبل يزعجك صوت العصافير

كل العيون من اوّل اللّيل نامت
الا انت ، لكن نام و [ اصبح على خير ]





.







,

[محمد بن سعود]

,






يا راعي الحب الاوّل لله المنّه
ياليت مالي معك قصه ولا سيره !

عليك قلبي معاليقه يتلنّه
تل الدلو لا امتلا واشفوا مصاديره

ضلوع صدري عقب فرقاك لجنّه
لا ارتاح ضلعٍ ؟ يلج ويصطفق غيره !

اقفيت مدري غرامك ويش لي منّه ؟!
لعل يا جار ما انت بـ / ناسي الجيره

لا تحسب انّي نسيت الحب وتظنّه
انا على العهد لو دارت دواويره

وش ذنبي من الوفق ، والحظ يوم انّه
اخطت يدينه يديك وقل تدبيره ؟

ليتك ترفّق بـ / من يرجيك ، وتحنّه
وإقبل وفا مدّته ، واقبل معاذيره

عوّد علي جعل من جابوك فـ / الجنّه
[ مقاطعك ذنب ، ومواصلك تكفيره ] !





.







,

[محمد بن سعود]

,






من اللي يسلّفني [ شعور السعاده ] ؟
واهديه عشر سنين من عمري الجاي

لولا التشبث بالأمل والاراده ؟
لقيتني مجنون رسمي ، وبكّاي !

أحس ان بكره : مجرّد اعاده
لـ / اليوم ، واللي قبله وهذي دنياي

الالوان واجد بس كل شي ساده !
العيب في الالوان ؟ والا في رؤياي .. ؟!

انا حزين ان الحزن صار عاده
يا ليتني مخطي ، واعرف شـ / خطاياي !

اهديت للدنيا قصيد ، وسعاده
لكنّها [ ما رجّعت لي هداياي ]




.







,

[محمد بن سعود]

,






أعيش رغم ان الزمن ما ترك شيء
وسج ، رغم ان طيبتي .. ناكبتني !

يعني بما معناه كائن .. فقط حي
احمل مشاعر صادقه .. واهلكتني




.







,

[محمد بن سعود]

,






عشت وشربت التعب دقه على جله
من شأن هقوة عزيزٍ هاقيٍ فينا

عشنا وكلن مع أيامه تخيل له
صوره لمستقبلٍ يرقب حراوينا

أثنين نطوي شريط العشق ونهله
وشواهد الحال فالدنيا مسارينا

وإليا سرى الشوق فالشريان وأحتله
عز الله إن البحر ماعاد يروينا

واليوم لغز التعب فالوجه من حله
مادامه الظلم يرفعنا ويرخينا

إندق هيل التعب بالعزم ونزله
من محجر العين لين العين ترثينا

ولو نعتذر عذرنا ماهو على المله
مستقبل العشق يشره فوق ماضينا

للوقت غدره وتجتاح العمر كله
أشوفها فوق شوك الظلم ترمينا

يا أول الناس في قلبي ولا بله
إلا أخر إنسان يسكن فالشرايينا

عشنا نزف الغلا فالقلب ونجله
ونكبر وتكبر مع الدنيا هقاوينا

والوقت ظالم ولا لحظوظنا طله
وعمري وعمرك غدى ماظن يمدينا




.







,

[محمد بن سعود]

,








الجرح الأول طاب من طعنة الناس
لكن باقي جـرح ؟ أعيـا الأطبـّه

ياليت ماعندي مشاعر ولا إحساس
عشـان !! ما أبكـي حبيبٍ أحبـّه




.







,

[محمد بن سعود]

,









تحلّم ، تمنّى ، منت مآخذ من الأيام ،
سوى ماكتبْه الله لك في مقاديرة !

فإذا ماحصل لك ماتمنّيت في الأحلام
تأكد بأَن أغلب مقاديرنا خيرة !





.







,