- ِ قلت لك لا طحت لا تعلّم احد ؟ = وانت ماخليت احد .. ماقلت له !

[[ عسّاف خيل ]]

,




صبحكم بالخير ..


مدخل :

ياعاذلين .. ان كان ماتدرون ؟
ماعاد انا ويّاه ، انا ويّاه

انا معلمّه : اللقى .. وشلون
من علمّه ينطق ( فمان الله ) ؟




/




أخيل البروق ., اللي تنّور .. سما وإغيوم
عساها تسلّي قلبي التايه الغادي

أخيل البروق ., ووجهي إمن السّهر مهدوم
وعيني سهيره ماتهنّيت برقادي

أكنّ الزقاره من كثر ماني إبمهموم
ثلاثة بكيتاتٍ من الأبيض العادي .!

حسبت إنّي إمن الحبّ وأهل الهوى معصوم
ولكنّه أقفى فإبلي وكسّر إشدادي

تعنّيت في دربٍ طويل المدى ملغوم
بدرب الهوى والغيّ ., سرداد مردادي

يسبّبْ معاناة المعنّا وقلّ النوم
وقلّ الوفَقْ ., وإيضيّق الحالم الهادي

وأنا ماني إبرجلٍ خبيل وضعيف إعزوم
ولانيب منهو للمزايين ينقادي

ولكنّ قلبي من سواد العبي ( ماسوم )
وعلى أهل البراقع عادة القلب .. هدّادي

وإذا جيت للذكرى ., تجرّ العلوم إعلوم
قعدت آتذكّر من مراحي لـمعوادي

تذكّرت يوم إنّي عن المترفات آشوم
وتذكّرت نبل أخلاقي ., وذروة أمجادي

علاقات ., أمررها مرورٍ بدون إختوم
وعلاقات ., أميّزها مثل ( يوم ميلادي ) .!

ولخّصتْ لذّة عمري اللّي مضى ., في يوم
نهارٍ لامرّ الذاكره ., ماهو إبعادي

تواجهت أنا ويّاه بالموعد المحتوم
ولاأدري (أحبك) يوم قيلت .؟ من البادي

تذكّرت يوم القوم ., حدّيتها للقوم
وتذكّرت مقناصٍ ., به الحرّ ينصادي .!

عفا الله عن خلٍ ظلمني وأنا المظلوم
طَعَنْ والطّعون إوساع ., وإسيوفه إحدادي

وأنا يوم أسومه والله إنّي ., فرقتْ السوم
وغلّيت سومه ., كلّ ماسام حسّادي

وماغير أردّدْ ., يابري حالي وياقوم
من إفعوله ., وطعناته .. إقدام وإجدادي

تقول إنّ قلبي ., بين إدينه : ( لحم مفروم )
وتقول إنّ دمعي ., سيلٍ إيسيّل الوادي

سقا الله زمانٍ ., قبل طير الغرام إيحوم
يوم إنّ الحياه : إمزوح ., وأفراح ., وأعيادي .!






مخرج :



قلت لك , لاطحت ؟ لا تعلّم أحد
وأنت ؟ ماخليت احد .. ما قلت له !






احترامي ..

[الـعـابـر]

صح لسانك ولسان شاعرها

[صوت الجنوب]

صـــــــــــــــــــــــــــح لسانك ...

[●• Ŝђǿǿq •●]

لاأعلمً مآذا قتبسً !
القصيًده من مدخلهآ لـِ مخرجهآ تستحق الإشآدهـً
عدتً وعآد التميًز معكـً
ألف شٌكر لكـً عً الذآئِقه الفريًدهـً ..~

[[ عسّاف خيل ]]

المشاركة الأصلية كتبت بواسطة الـعـابـر

صح لسانك ولسان شاعرها

مرحبا يالعابر ..

صحّ بدنك
ولاهنت على المرور الكريم

[[ عسّاف خيل ]]

المشاركة الأصلية كتبت بواسطة صوت الجنوب

صـــــــــــــــــــــــــــح لسانك ...

صوت الجنوب ..
مرحبا ومسهلا


,

[[ عسّاف خيل ]]

المشاركة الأصلية كتبت بواسطة ●• Ŝђǿǿq •●

لاأعلمً مآذا قتبسً !
القصيًده من مدخلهآ لـِ مخرجهآ تستحق الإشآدهـً
عدتً وعآد التميًز معكـً
ألف شٌكر لكـً عً الذآئِقه الفريًدهـً ..~

يامرحبا شوق ..
اشكرش على الكلام الطيبّ

ولاهنتي على المرور الكريم