بالسلام ابدى بقيفان المهابه= وانتقي مالاق لي من عود جاوي
من جزيل الطرق ماحد القاف عابه=اسند ابياتي على العد الرهاوي
للمديح يشوش من هو شيخ لابه=خص لا صار المديح اثبات راوي
يابن مجحود اسمع اللي بك بدا به= جزلة عندي لها قاف غناوي
بالرضيمة سيفكم باق نصابه= ولآل شامر يام جتكم بالعزاوي
وعند ناقة هاشل ال حبيش جابه= قال شيلوها مادام انها نخاوي
وبالرياحية نواكم وانثنى به= ابن شافي يحسب انها بالهقاوي
مادرى انكم قوم تهوون المجابه=تاردون الموت من دون الجلاوي
والمرضف في قدام اللي غدا به=ذيب قوم لاضرب ماهو بياوي
ويود جوده ذودهم راحت نهابه=يوم ساق الذود حماد النداوي
ويش اعدد ويش اخلي من حرابه=دام هذي سيرة ماهي حكاوي
كل عجمي يسر ابك اللقاء به=حي قود كل مافيهم قصاوي
طيبين الجاه وان صارت طلابه=وان لحقك الضيم من دونك فداوي
طق باب الطيب وتلقى جوابه= واشهد ان ماطخ مثلي به سماوي
خابرين السيف الابتر من جرابه=وفارقين الكوت من بشت الحساوي
وعارفين اللي على الطيب نهقى به=مايبديك العذر والشيخ قاوي
شمري جاك يشكي حر مابه= من هيب الوقت به تسعين طاوي
شف لصدري يوم كل قد رعى به=العرب قامت تشاور بالعطاوي
والجريح اللي تبين لك صوابه= بعثروه الناس ماعين مداوي
الشاعر نواف الدحام الشمري
11-11-2012, 09:25 AM
..~
العرض العادي
