شعوب وقبايل

[جمـــــرة غضى]

السلام عليكم ورحمة الله وبركااته



هذي قصيده للشاعر المبدع رشيد الدهاام قصيده اعجبتني كثيراا واتمنى انهاا تعجبكم ..

خطوة العين في درب السهر ماتمايل= كن ماتحتها للنوم جرفٍ هيال
جيت ابرقد وخفت ان الليالي تهايل= جيت ابسهر وشفت ان الليالي طوال
هذا انا كل ماصعبت علي الوسايل= قلت ربك يسهلها على كل حال
ياهو الحظ مايل او هو الحظ مايل= مالها لحال عندي غير هالاحتمال
من تفكر بهالعالم يشوف الهوايل = اصدق من الحقايق واغرب من الخيال
ياصبر متن الارض اللي له سنين شايل= فوق ثقل الجبال نفوس ناس ثقال
مثل من عاش ماله من حياته حصايل= غير لا جاك قال فلان بفلان قال
قلت مدري ولو ادري فلانيب قايل = عادتي فالهروج العوج مالي مجال
اقصر الهرج مالك من ورا الهرج طايل= واترك الخلق للخلاق يابن الحلال
الله اللي جعل خلقه شعوب وقبايل = محدٍ اختار له ربع وعمام وخوال
لو تخيرت تصبح من عيال الحمايل= ماتخير بلال العبد يصبح بلال
لوهو بكيف الانسان اختيار البدايل = كل اختار له جاه ومال وجمال
والبشر في النهايه فرد ماهم سلايل= في قصير الشجر وش ذنب طول الظلال
والعمر في النهايه وقت والوقت زايل= الغني من يحطب الطيب له راس مال
والشعر في النهايه قول ماهو فعايل= كل مانقصك ماوصلك للكمال
لهجة القلب ولسان الضلوع النحايل= بس مايرفع الرجال فوق الرجال
كان حتى القصايد معتبرها جمايل= اختصرها ترى ماعاد تسوى ريال

وسلامتكم

[عيد بن شدقان]

صح السان الشاعر رشيد الدهاام
ولاهنت
ياجمرة غضى
اختياار رائع
الله يعطيك العافيه

[عـزام]

جمرة غضى


اختيار رائع لشاعر جزل


صح الله لسانه


وتسلم يمينك

[AL- JOORY]

الله عليج يا جمرة غضي إختيار رائـــــــع لشاعر مبدع

قصيدة أكثر من رائــــــــعة ........ إختيار موفق يالغالية


كــــــــــــل الشكر إختج الجـــــــــــوري

[الجويّر]

صح لساااان رشيد الدهام وفعلن الشاعر هذا جزل بشكل ممتاز والله يوفقه انشالله






وصحة انامل جمرة غضى على اختيارها الراقي ويعطيها العافيه وبانتظار اختياراتها المبدعه





تحياتي / الجويّر

[ال محفوظ العجمي]

والله انه صدق وصح لسانه ولسانك


وشاكر لك نقل هذه القيده الاكثر من رائعه اختي

[جمـــــرة غضى]

لاهنتوو يالطيبين على المرور العطر




تحياتي لكم

جمــــرة غضى

[فزاع]

مشكور على الاختيار الجميل

وصح لسانك ولسان الدهام

ولاهنت يالغالي

[جمـــــرة غضى]

اشكرك على المرور الطيب يارمااان واسمحلي بأضافة توووت

لان احب اجمع الفاكهتين هذي مع بعض


تحياتي لك..


جمـــرة غضى...

[أبـــوسعـــــود]

صح لسان رشيد الدهام

وتسلمين ياجمره على الأختيار

والبارحه يا رشيد وين النوم وين النوم وين
وسمر السحايب في سماها ما فصل براقها
يا رشيد قل للطيبين المؤمنين الغافلين
الايام فالدنيا شوي ويتكمل غلاقها


يا رشيد قل للشاعر اللي كان مين وصار مين
اللي بدا يعرف بعيرتها ويعرف ناقها


يارشيد انا عذري مثل تكرم مدينه لجل عين
ولفت انتباه الناس عندي غير لف اعناقها
وذكر الحيا والطيبين يبين واللي ما يبين
ما لا حدث او صار في الدنيا على أطلاقها


ضـــــــيدان بن قـــــــــضعان