رداً على قصيدة تكفى يابو هادي للكاتب النفس طابت وابي نقدكم دون تجريح او مجامله

[لاداعي للاحراج]

هذه القصيده ردا على قصيدة تكفى يابو هادي للكاتب الرائع الاخ النفس طابت ارجوا ان تنال اعجابكم كما آمل منكم النقد الهادف يعني لاتجاملوني ولاتجرحوني ومافي داعي للاحراج لان هذي اول مشاركه لي معكم في هذا المنتدى
أنا قصيدة حزن والوقت مزمار
صارت دموعي من زماني هميله
طبع الزمن ياخوك كاذب وغدار
يلبس من الكذبه ثياب جميله
كم واحد يطلب منال ولاصار
غزى عليه الوقت وانهد حيله
مرت على عينه متاهات واخطار
تاهت به الخطوه وضيع دليله
ياما رجال ذاقت الذل والعار
من جور وقت ومن هموم ثقيله
وانت الكريم ابن الوفي صاحب الكار
والمجد ماهو قسم نفس بخيله
لا تشتكي للي من الوقت محتار
عيت حياته ياعلي تستوي له
خل الجروح اتطب فينا وتختار
الجرح يفنى في الليالي الطويله
واللي جفاك اجفاه والوقت دوار
واللي غدرك اليوم باكر يجيله
واللي قتل نفسه يخلد في النار
يحشر مع اصحاب الكفر والرذيله
بعض الهواجيس اللعينه والافكار
ماطاعها الا اهل العقول الهبيله
ماكنت اظن بيوم تبكي وتنهار
وانت الذي صيته يوازي قبيله
مافيه داعي تسكب الدمع مدرار
خل الزمان يدور والهم شيله
كم واحد مظلوم ويدور الثار
ظلم يشاف وظلم نفس غليله
اصبر وربك عالم سر واجهار
يعني تحمل عدل وقتك وميله

والسلام عليكم ورحمة الله وبركاته
اخوكم لاداعي للاحراج ؟؟

[ناصر بن فالح]

الله الله صح لسانك ولسانه

قصيده وافيه

لاهنت

[AL- FEHRI]

السلام عليك يا النفس طابت قصيدتك جميله بس لو تحاول بمفردات اثقل من مفرداتك البسيطه مع بعض الوزن.هذا رايي وشكرا.

[لاداعي للاحراج]

الاخ / ارسطو صح بدنك ولاهنت عالمرور والتعليق وارجوا ان لاتكون قد جاملتني سواء انا او اخي النفس طابت ولك تحياتي

[لاداعي للاحراج]

المشاركة الأصلية كتبت بواسطة al- Fehri

السلام عليك يا النفس طابت قصيدتك جميله بس لو تحاول بمفردات اثقل من مفرداتك البسيطه مع بعض الوزن.هذا رايي وشكرا.

نيابة عن اخي النفس طابت اقولك وعليكم السلام ورحمة الله وبركاته لاني انا مو النفس طابت انا اخوك لاداعي لاحراج عالعموم مشكور على المرور والتعليق ورايك قبل مايكون على عيني بيكون على راسي بس اني مافهمت مقصدك بمفردات اثقل ؟؟
اخوك لاداعي للاحراج ؟؟

[فلاح بن ملبز]

صح لسانك

ولاهنت

[رفيـــع الشــان]

قصييييييييده روووووووووووووعه يعطيك الف عاااااااافيه ..
بس الشطر الأول من هالبيت اللي هو:
واللي قتل نفسه يخلد في النار
....... يحشر مع اصحاب الكفر والرذيله
يبي له شوي !!
يعني لو قلت مثلاً

الله توعّد من قتل نفسه بنـار
....... ويحشر مع اصحاب الكفـر والرذيله ..
هذي وجهة نظري بالتوفيق ..
ولاهنت انت والنفس طابت ..

[لاداعي للاحراج]

الاخ فلاح صح بدنك ولاهنت عالمرور

[لاداعي للاحراج]

المشاركة الأصلية كتبت بواسطة رفيـــع الشــان

قصييييييييده روووووووووووووعه يعطيك الف عاااااااافيه ..
بس الشطر الأول من هالبيت اللي هو:
واللي قتل نفسه يخلد في النار
....... يحشر مع اصحاب الكفر والرذيله
يبي له شوي !!
يعني لو قلت مثلاً

الله توعّد من قتل نفسه بنـار
....... ويحشر مع اصحاب الكفـر والرذيله ..
هذي وجهة نظري بالتوفيق ..
ولاهنت انت والنفس طابت ..

الاخ الكريم والله ان الاروع مرورك وتعليقك اما من ناحية البيت الذي ذكرته فانا اوافقك الراي لانه لايخلد في النار الا الكافر اما قاتل نفسه فهو برحمة الله وتقبل تحياتي وتحيات اخوي النفس طابت ولك مني جزيل الشكر والتقدير
اخوك لاداعي للاحراج

[النـــادر]

صح لسااااااااانك ولسااااان اخونا النفس طابت ,,
قصيده ممتازه الله يعطيكم العافيه ..