بنتك إلا منّه عوى الذيب ( ذيبــــه ).... مصافحه اولى

[مطنوخه]

بسم الله الرحمن لرحيم


وضعت هذه القصيده الأقرب لقلبي مصافحه اولى بين نواظركم



هذه القصيده إهداء لمن أضع هامتي تحت ( قدميه )


إهداء الى ..............أبي ................!!!















يابوي جعلك للبقا والمكاســــيب=عمري بدونك يالذَّرا ويش أبي به


يابوي تسأل عن شفاك المراقيب=طلعه سواتك للنـــــوايف غريبـــه


ليه المرض مايعرف الزين والعيب=مايــدري أنّك للمخـــاليق هيبـــه


أبسألك وش به غزا وجهك الشّيب=والقلب لايـــع والنواظر شحـــيبه


وشبك تحاتي لانوى الموت تغريب=تخشى عليّــــه باللّيالي الكئيبـــه


خذ دلـــّتـك واركى على مسند الجيب=وعطني شماغك بلثـــمه واحتمي به


ونروّح لأرضٍ بها العشـــــب والطيب=وتسمع كلامٍ يالغلا تحتفــــي بـــــه


يابوي بنـــتك لاانحكى بالتّجاريــب=كلن يشــــق لهيـــبه الصّيت جيـــبه


يابــوي ماني من سواة المخاريـــب=اللّي تجــــيب لعـــليه القـــوم خيبـــه


وماني من اللّي لامشت حفّـــها الرّيب=أنـــــا من اللّــــي مايدنّـــس حلــــيبه


مرفـــــوع شاني عن غـرام المكاتيب=وأكبر من إنّي أرتضي بالحبيـــــبه


أنــا غرامــــي لاابتدوا بالتّراحــيب=نفــــوس الأوادم من وجودي رحـــيبه


وإن كان زينـــــي فتنة ٍ للمصاويب=لأحط وجهي بالحريــــق ولهيــــبه


زيني أبيعه وأشتري سمعه الطّيب=إسم ٍ ينومــس بالصّروح الذّهيبــــه


وإن كان عندي بالحلا شي ٍ إصعيب=عندي جــــدودٍ مارضت بالغليبـــــه


دموع القبايل في لقانا مســـاكيب=كن المقـــــابر لاحضــــرنا قريـــبه


خضّبت لك كـــفي من العز تخضيب=ورفعت راسي للنجوم الصــّــــعيبه


طلع المعالي ماانحكم للشواريـــب=بنتٍ وأناطح فـــارس القوم طيبـــــه


والله لأســــدّك بالفعول المصــاليب=والله لأعينــــك بالرّخا والمصيــــبه


وياشيخي إبشر لوتدور الدواليـــب=بنتك إلا منّه عوى الذيب ( ذيبــــه )



وسامحوني عالقصور

[أشهب الـلال]

أبسألك وش به غزا وجهك الشّيـب=والقلب لايـع والنواظـر شحيبـه

ياسلام ....


صح ألسانك

يا أختنا الشاعره

مطنوخه

ويعطيك ألف عافيه ، وماشاء الله بدايه مُشرفه ما دامت في أبيك

تقبلي تحياتي

أخيك

[محمد المحلكم]

يابوي ماني من سـواة المخاريـب=اللّي تجيـب لعليـه القـوم خيبـه


وماني من اللّي لامشت حفّها الرّيب=أنـا مـن اللّـي مايدنّـس حليبـه

صح لسانك

كفوووووو

تقبلي اعجابي

[فيصل الخالد]

السلام عليكم ورحمة الله وبركاته

مطنوخه صح الله لسانك على ذاالقصيده الرائعه

ياليت عندنا من جنسك في هاالزمن واجد



اخوك / فيصل الخالد

[SWAT]

الســــــــــــــــــــــــــــلام عليكم ورحمت الله وبركاته

الاخت مطنووووخه

أنا غرامـي لاابتـدوا بالتّراحيـب
نفوس الأوادم من وجودي رحيبـه


وإن كان زيني فتنـة ٍ للمصاويـب
لأحط وجهـي بالحريـق ولهيبـه


زيني أبيعه وأشتري سمعه الطّيـب
إسم ٍ ينومس بالصّـروح الذّهيبـه


وإن كان عندي بالحلا شي ٍ إصعيب
عندي جـدودٍ مارضـت بالغليبـه



ابياتك مطنوووووخه من غير مجامله

[العنــــــــــود العجمـــــي*]

لاهنتي على القصيده..

[عـزام]

مطنوخه

اول شى نرحب بك معنا ويسعدنا تواجدك ومشاركاتك.

وقصيده اكثر من رائعه

صح السانك ودام ابداعك

بانتظار جديدك

[sohab]

السلام عليكم

القديره ... مطنوخه


كفو كفو ... ما شاء الله

اهنيك على المقدره الشعريه


ويحق لابيك ان يفخر بك

رائعه فى فنياتها ومعانيها

لك الشكر واجمل تحيه

[سعود بن مهدي]

يابوي جعلـك للبقـا والمكاسيـب
عمري بدونك يالذَّرا ويش أبي بـه


يابوي تسأل عن شفـاك المراقيـب
طلعه سواتـك للنوايـف غريبـه


ليه المرض مايعرف الزين والعيب
مايـدري أنّـك للمخاليـق هيبـه


أبسألك وش به غزا وجهك الشّيـب
والقلب لايـع والنواظـر شحيبـه


وشبك تحاتي لانوى الموت تغريب
تخشـى عليّـه باللّيالـي الكئيبـه


خذ دلّتك واركى على مسند الجيـب
وعطني شماغك بلثمه واحتمي بـه


ونروّح لأرضٍ بها العشب والطيب
وتسمع كلامٍ يالغـلا تحتفـي بـه


يابوي بنتك لاانحكـى بالتّجاريـب
كلن يشق لهيبـه الصّيـت جيبـه


يابوي ماني من سـواة المخاريـب
اللّي تجيـب لعليـه القـوم خيبـه


وماني من اللّي لامشت حفّها الرّيب
أنـا مـن اللّـي مايدنّـس حليبـه


مرفوع شاني عن غرام المكاتيـب
وأكبر من إنّي أرتضـي بالحبيبـه


أنا غرامـي لاابتـدوا بالتّراحيـب
نفوس الأوادم من وجودي رحيبـه


وإن كان زيني فتنـة ٍ للمصاويـب
لأحط وجهـي بالحريـق ولهيبـه


زيني أبيعه وأشتري سمعه الطّيـب
إسم ٍ ينومس بالصّـروح الذّهيبـه


وإن كان عندي بالحلا شي ٍ إصعيب
عندي جـدودٍ مارضـت بالغليبـه


دموع القبايل في لقانـا مساكيـب
كـن المقابـر لاحضرنـا قريبـه


خضّبت لك كفي من العز تخضيب
ورفعت راسي للنجـوم الصّعيبـه


طلع المعالي ماانحكـم للشواريـب
بنتٍ وأناطح فارس القـوم طيبـه


والله لأسدّك بالفعـول المصاليـب
والله لأعينك بالرّخـا والمصيبـه


وياشيخي إبشر لوتـدور الدواليـب
بنتك إلا منّه عوى الذيب ( ذيبـه )




كفـــــــو والله يامطنوخه من طيب راس ابيش والله

وانتي انشالله انش واصله فيه





وعلى فكره ؟










هذه القصيده إهداء لمـن أضـع هامتـي تحـت ( قدميـه )


إهــداء الــى ..............أبـــي ................!!!








شفتي الكلمه هذي ! هي اللي ترفع من قدرش وتكسبين فيها رضا ربش والديش واحترام الناس


صح لسانش ومع اطيب تحيه

[مهرة الصمان]

مطنوخة

اولآ: هلا ومرحبا فيك معنا واتمنى تواصلك

ثانيآ : صح لسانك على هذه القصيدة وكفوا على كل بيت فيها

ثالثآ : تقبلي تحياتي ولك مني كل الشكر لاهنتي ودمت بود بيننا