ممنوع الدخول.. لصغاااااااار المستثمرين.. الطرقي & صخر

[الطرقي]

روح جااااااااااااااااي يا صخر.. الطلب عليك متزااااااااايد

السوق سكٌر يا صخر بس انت تنقص ما تزيد=وأسواق الاسهم ما عرفنا مزحها.. من جدها
انته صحيبي في المراح.. وانته عدٌوي في الشديد=فك الرموز المبهمه فيها.. وعطني ردّها

[صخر]

هلا هلا .... انتبه من سهم مواشي المكيرش تراهم عزلوا الرغايث من الجلد
خلوها

البورصه فيها مرابح بس وين المستفيد=واللي شروا سهم المصافي .. ياعرب من قدها
القوم شدوا وانت عادك تحتري صبحٍ جديد=لله درش يالرجال اللي ماباحت سدها

[الطرقي]

خلوووووووووووووووووووووووها

يذكر لنا هامور بطنه.. ينتخي (هل من مزيد)=ما تشبعه لو هو شرب.. جزر البحور ومـدّها
خل الرسايل يا عميلي وسط (صندوق البريد)=ما فيه داعي تهجم الهجمه.. وأعود أصـدّها

.

[صخر]

خلووووووووووووووووووووها

حنا نزلنا وسط روضٍ لاقريب ولابعيد=فيه الخزامى والنفل واجد ولا اقدر عَدها
ان كان تبغى الشور هذا هو الراي السديد=روح علينا والدروب تدلها وتقدها

[الطرقي]

خلوووووووووووووووووها


استلم

مدام ودك نقلب الموضوع.. والمعنى شريد=لا صرت منتب مع هل (الانكار).. خلك ضدّها
الله اكبر يالبيوت.. اللي لها ساس شديد=رجالكم تنكر مواقفها.. ويصفق خـدّها

.

[صخر]

خلوووووووووووووووها

استلم لاهنت

اهل البيوت اللي لهم بالنايفه مجدٍ تليد=ماهمها كل العلوم اللي تجي من ندها
من ماضي الازمان تضرب بيدٍ من حديد=رد الرساله ياعميلي عليهم ردها

[الطرقي]

ردهااااااااااااااااا



الله الله


استللللللللللللللم

حنا ألتقينا في المعاني وش تريد.. ووش أريد=عطني يمينك يا عميلي مـدّها.. وأمـدّها
جاتك علوم (الباخره) يا كم (ناجي) وكم (فقيد)=ياللي صنعت الباخره.. الله هو اللي هـدّها

.

[العرندس]

الله الله الله ابداع شى يدووووووووووووخ من جد

الطرقي وصخر انتم مبدعون انتم عباقرة والاجمل هو الدخول بقوه وتركيز

ما هذا ؟ تكفون واصلووووووووووووووو

[صخر]

خلووووووووووووووووها

الباخره شبت حريقه والسبب ماهو وكيد=هذا على قول الصحافه...والصحافه حدها
يالله نطلب رحمتك من مات فالغبه شهيد=وانك خواتمنا علينا...تخفف شِدها

[أشهب الـلال]

هههههههههههههههههههههههههههه


الله الله

كذا الإبداع ولا بلاش

وينكم من زمان

فقدنااااااااااااااااااااااااكم

أبدعتووووووووا

والمعنى في بطن الشاعر.....!!

وتراني حولكم قريب


لاهنتوا صح ألسانك الطرقي وصح ألسانك يا صخر


لنا شوووووووووووق لكم دائماً

تحياتي

أخيكم