السلام عليكم ورحمة الله وبركاته
هذه اول مشاركه لي واتمنى ان تنال على اعجابكم
والقصيده مسنده على الاخ سالم بن محمد ال جدعه من ال مصرى ومعروف ببن اقريع
يالله يا اللي نلبس لحجك احراام = يا واحد(ن) يحيي رميم العظامي
ياللي خلقت الكـون في ستة ايام = سبحانك... الله يا رفيع المقـــامي
وياللي جعلت الدين عز(ن)للاسلام=وفرقت مابين الحــــلال وحرامــي
تفرج لمنهو يسهر الليل ما نام= يقلاه همه من لذيــذ المنامــي
يقدح بفكره هاجسه قدحة إلحام = أو قدح براق(ن)بداجي ظلامي
وروابعه ترميه خلف(ن) وقدام=ويجاوب الورقااا ونــوح الحمامــي
يقوله اللي فيه جرح(ن)من العام = يشظى العظم مثل اوكسجين اللحامي
هم(ن)برى حالي كما بري الاقلام = أو بري نجار(ن)لعود السهامي
وبالموس كنه يحجم الكبد حجام = أو ميسم(ن)توه من النار حامــــــي
يلايمي للوقت واظروفي احكـام = واللي حداه الوقـت ماهــو يلامـــي
اشكي على اللي للمعادين لطاام = سالم ليامـــن جا نهار الزحامــي
له وقفة(ن) تعرف على الخيل لا قاام = وله ضربة(ن) تكسر صليب العظامي
زبن الدخيل اللي مــن الوقــت منظاام = من غيركم ننصاه يا صلـــب ياامي
يا (سالم بن اقريع ) لك سقت الاقداام = يا عزوتي يا فزعتي يا حـــزامي
اضحك مع العالم وفـكري ورى الشام = يابو محمد لا تبارد كلامــــي
لي صاحب (ن) عنه حدوني هل الزام =ونقضت جرح(ن) بأول العام دامي
من صاحبي ماهي شهور(ن) ولا ايام = قدلي سنه محـد(ن) يوصل سلامي
مع غفوتي طيفه يجيني بالاحلام = الله يعيـــن اللــي إوروده حيامـــي
اتعبت انا فكري وتعبت الاقلام = وياما سريت الليل جايع وضاامي
على عشير(ن) صابني منه إهيام = ادعج غنج خده زهت الوشامي
ابو جديل اسود كنه الليل عتاام = والعين تشبــه عيـن حر(ن) قطامي
والعنق عنق مذيـر الصبح لا زاام = ضبي(ن) سمع حس الرمي فالمضامي
في عينها موج البحر له تلطام = إكحيلة(ن) ماحط فيهاا خــطامي
كني سجين(ن) عقبها حكمه إعداام= عجل يا سالم بالفـــرج والهمــــامي
وسلامتكم جميع
14-04-2006, 06:43 PM
العرض العادي
