ما الت الييييه المقادير

[النداوي]

الاخوه والاخوات

اليكم هذا الاهداء

يابيـه يادكتـور يابـاش يامـيـر = ياملتقـا سيـل الدلـع وانقسـامـه
يالي تقولين الهوى كيـف بيصيـر = تنشد عن القمري بورقـى الحمامـه
بكيـر فيـك الحـب يابنـت بكيـر = مازال قلبـك فـي معسـل منامـه
معفي من الجزيـه ودفـع الفواتيـر = وبعفيك عن باقي رسـوم الغرامـه
وخل الوعد بيني وبينك على خيـر = اذا تلاشـا منـك طبـع اللئـامـه
محسوبك اللي طب في غبـة البيـر = وشرب مصب عيون ماها وسامـه
عرفت قبلـك سيـد كـل الغناديـر = والله يغفـر الذنـب قبـل الملامـه
وانا ماقول انـي حميـت الطوابيـر = ولا حكمت من اليمـن لـي تهامـه
ماغير اقول ان دمنا ميزتـه غيـر = شمـوخ,عـزه نفس,هيبه,قـرامـه
ويوم الرجال ارجال وقت المظاهير = كـم واحـد جانـا مكبـر سنامـه
جانا بخيـر وراح ماعـاده بخيـر = القلب يرجف والبـلا فـي عظامـه
ماهو بفديو كلـب دبـلاج تصويـر = ولا هـو ابرستيـج سستـم نظامـه
واذا تجاهلتـي ملـوك الاساطـيـر = ردي اذا رديـت نـص ابتسـامـه
ومدامني عجـل وعنـدي مشاويـر = ترى طرات الشـي عنـدي تمامـه
دامك كتبت اسمي بخـط الطباشيـر = واتقولي في الكـف نقشـة وشامـه
باقول عفت اللي بقـا دون تبريـر = ونفسي لما شامت لبسـت العمامـه
والحر طير وبه معا الطير كم طيـر = واللي يعرفه زيـن يعـرف مقامـه
كبرت قدرك وادري ان عاده اصغير = مدري غشامة طيب والـلا شهامـه
ولولا خطاك اللي حصل منك عصير = حصلت عندي كـل حـب وكرامـه
واللي تبيه ايصير لعيونـك ايصيـر = لكن جبرت القلـب يقطـع سلامـه
وانـا بمـا آلـت اليـه المقـاديـر = راظي وقلبـي مايحاسـب عمامـه
ويالله بفال منك فـي تالـي السيـر = وياليت في الطيب وسـوم وعلامـه
اقظي نهاري هـم والليـل تعزيـر = وحالي غدى مابين جرف وعدامـه
قبل اسئلك ظيم على ظيم شيصيـر = قلـي مـن اللـي مايثمـن كلامـه
اللي بيبقالـك معـا النـاس تقديـر = والمحترم يفـرظ عليـك احترامـه
وانا اشهد ان سود الليالـي مدابيـر = ولا قطع كبد الصبي كـون شامـه
لكـن فمـان الله واخـذ المحاذيـر = وبشويش لاعظيـت كـف الندامـه

وسلامتكم

اخوكم / النداوي
للتواصل في الماسنجر
alnadawi50@hotmail.com

[cool]

السلاااام عليكم ورحمة الله وبركااااته


وانا ماقول اني حميـت الطوابيـر
ولا حكمت من اليمن لـي تهامـه

ماغير اقول ان دمنا ميزتـه غيـر
شموخ,عـزه نفس,هيبه,قـرامـه

صح لساااااانك صح لساااانك النداااوي ولا هنت الغااالي على ااابداااعك .

سجل اعجااابي بما كتبت وابدعت فيه .


كـووول

[الجـــــــــادل]

صح لساانك ولاهنت على الابدااع

[admin]

مرحبابك يالنداوي وحياك الله
وصح لسانك علي هالقصيده

[النداوي]

هلا بالجميع,,,,,,,,انا ماقول اني حميـت الطوابيـر
ولا حكمت من اليمن لـي تهامـه

ماغير اقول ان دمنا ميزتـه غيـر
شموخ,عـزه نفس,هيبه,قـرامـه

صح لساااااانك صح لساااانك النداااوي ولا هنت الغااالي على ااابداااعك .

سجل اعجااابي بما كتبت وابدعت فيه .


كـووول


يشرفني مرورك الجميل
--------------------------------------------------------------------------------------------------------------------صح لساانك ولاهنت على الابدااع =====شكرا الجادل

///////////////////////////////////////////////////////////////

مرحبابك يالنداوي وحياك الله
وصح لسانك علي هالقصيده ,,,,,,,,,,,,,,

هلا ومرحبا ابو فيصل

واشكر للجميع مرورهم

[مهرة الصمان]

النداوي صح لسااااااااااااااااااااااااااانك قصيدة جميلة تسلم ويسلم ابداعك

لاهنت وتقبل تحياااااااااتي