اقتباس:
|
المشاركة الأصلية كتبت بواسطة غازي الرسمان
بسم الله الرحمن الرحيم
اخواني الاعضاء الكرام
السلام عليكم ورحمة الله وبركاتة
تحية طيبة وبعد,,,
اضع بين ايديكم هذه القصيده وانشالله تنال على اعجابكم
انا غرامي بنت من يذبح الحيل=بنت اللذي للطيب يسكن دياره
راعي الدلال الصفر والبن والهيل=فكاكه الانشاب ماهي عياره
كم شيخ قومن طاح في عجت الخيل=بسيوفهم ينزف وتبكي صغاره
واخوانها صقورن تحدى الرجاجيل=والكل منهم محتكم في قراره
وعمانها وقت الملاقا حلاحيل=لاشفتهم قلت إشبلاهم سكاره
ماهم سكاره شرب وإلا مهابيل=من فعلهم هابت اسود ونماره
عدوهم لو راح وابعد تراحيل=لابد ماهم يفجعونه بغاره
وخوالها بالطيب يشهد لهم جيل=يوم الفقر والجوع حط اعتباره
بمراحهم لاجيت شفت التهاويل=تقول هذا إمراح قصب وجزاره
وامن الرحم تضرب عليهم تماثيل=وبيت الرحم معروف واضح مساره
لاجيت ابوصف زينها شي ماقيل=قلبي عليها هايمٍ في مداره
ام العيون الناعسات المظاليل=بانفاسها عطرن يزيد انتشاره
وجه القمر.. لازار نورة مع الليل=نور الفجر.. لاوالله شمس بنهاره
ماكنها إلا بالسما نجمة سهيل=شعلة تعلت.. لاوربي مناره
إليا مشت تاقف جنود واساطيل=هي سيدة للبيض تاج الاماره
كل الجمال يتوج براسها كليل=بدويتن لاقيل زاد افتخاره
ماهي بشر حورية إتبيد الحيل=وبشفاتها لون الجمر بحمراره
عريبة الجدين تبعد عن الميل=ولادوجت في سوق شرق وفناره
ولاسمعوا الجيران صوت التعاليل=ولاقالت تؤبرني ابيلي استماره
ولاتلبس البنطال مثل المداخيل=ولاقطت البرقع وقالت حضاره
ملبوسها ستر وحجاب القناديل=فيها الحيا معروف بسم الطهار
بنت الاصايل للظروف المقابيل=تصبر على بلواك يوم إنفقاره
وجدي عليها وجد من ينطر السيل= وده يشوف الارض زايد خضاره
لولا الامل نرسم معانتنا ويل=واحلامنا تنزف الم في مساره
انا غرامي بنت ذيب الرجاجيل=بنت اللذي للطيب شباب ناره
|
الاخ : غاري الرسمان
ثاني قصيده اقرؤها لك
الاولى كانت على ما اظن انا بدوي ولا اخفي عليك اعجابي الشديد بها
والان اقف حائر امام قصيده رائعه بكل حرف وبكل شطر وبكل بيت
عندما اقرأ البيت وانزل للبيت الاخر اجد اني اشوق للبيت اللي بعده
ان كان هذا مسيرك ومنهجك ...
فابشر بمستقبل زاهر بالقصيد النبطي
لا استطيع الا ان اقول هنيا" لمنتدى العجمان بك
واسمح لي لقد اضفتك بالماسنجر عندي
تقبل تحياتي
اخول : النايف
22-05-2006, 10:13 AM
العرض العادي
