ياليت اتكملون ذالقصيده ولا عليكم امر@@

[نـاصـر]

السلام عليكم ورحمة الله وبركاته

يااخوان اعجبتني قصيده ولكن للأسف ماقضبت منها الا بيتين وياليت بعد اللي يعرف اسم صاحب القصيده يعلمنا من هيله

وهذا الابيات اللي قضبتها:

وهني من زرفلتبه بكرة(ن)حره=معطن مزاريج ولا معطيهن الجودي
واقفا عن الهاجري وابعد عن المره=لو كان ماجا من الاجواد منقودي

واتمنا اتكملون القصيده واتعلمونا بأسم راعيها

والله لايهينكم على كل حال

[عيد بن شدقان]

بن هادي

بحثت عن القصيده ولم اجد عنهاا شي يفيدك


والاخوان انشالله ماراح يقصرون

[سلطان القحطاني]

ابن هادي صباح الخير

اللي اعرف انها للشاعر فيحان بن ثمر الرقاص العتيبي رحمه الله ,,

و قد قالها و هو في سجن الاحساء حسب ماسمعت ,,,

يقول :

يا هني من زرفلت به بكرة حــــــره =معطي مزاليج و الا معطي الجـــــــودي

اقفا عن الهاجري و اقفا عن المـــره= لو كان ما جـــــــاء من الاجواد منقــــودي

ربعي عتيــبه من العارض ليا الحـــــره =سقم المعادي ليا جاء العلم مــــــــردودي

و العلم الاخر ليا لحقـــوا مع الجـــره = ثم جاهم السبـــــر من قدام مــــــــــطرودي

ركبوا على كل عيط و كل حزبـــــــره= و علـــــمن يســــــــــرك و علمن يحرق كبودي

[نـاصـر]

الله لايهينك يابو محمد ومجرد بحثك يكفي يابو محمد

والله لايهينك

سلطان القحطاني الله لايهينك وجزاك الله خير يالسنافي والحقيقه انا سامعها يجرها واحد على ربابه واعجبتني وماقضبت منها الا ذالبيتين والله لايهينك يالقحطاني على تكملت القصيده