متى تحس ان الهوى شي مقسوم

[شهد]

افتح شبابيك الهوى جيتك اليوم
.....................باحساس من زود الوله وده ايطير

جيتك مثل طفلن له أيام محروم
..........................عن حضن أمه أبعدته المقادير

جيتك مثل عودن له أيام مهموم
...........................وده يلاقي بآخر الوقت تقدير

جيتك حضن عاشق وهايم ومغروم
.......................وده يضمك لين تصبح على خير

متى تحس ان الهوى شي مقسوم
....................من قسمة الخالق على خلقه يصير

ومتى تحس اني لك اطيح واقوم
......................واتعب على شانك واقدرك وآغير

لي في هواك احلام وامال وعلوم
...................واحزاب واصحاب وقصيد وجماهير

وهموم وأفكار وهواجيس وحلوم
....................وادروب وأخطار وعذاب ومشاوير

وحب وغلا وإخلاص ومعاند ولوم
......................وإحساس والهام وشعور وتفاكير

وصحبة سهر ومقاطعة لذة النوم
....................... وأشواق جياشه وعشق وتعابير

في ذمتك مابان لك شي مكتوم
.................... من بعد ماصورت الاوضاع تصوير

لاتحسب انك شي عابر ومعدوم
......................... وتاريخ حبك فاق كل الاساطير

كني لقيتك بأغنيه لأم كلثوم
....................... وكني قريتك في رواية شكسبير

في كل شي اتخيلك واسمعك دوم
...................... واتأملك في الوقت الأول ولآخير

من ماضي الأيام لايومك اليوم
...................... وغلاك عندي ماحصل فيه تغيير

وانا لك الله مأقبل البيع والسوم
....................ولا ارضى علي ولاعليك المخاسير

لاْني الوحيد اللي على بحرك يعوم
.................. واللي عرف مرساه في رحلة السير



ولكم تحياتي

[عيد بن شدقان]

الله الله
وصح السان شاعرهاا وناقلهاا


وتسلمين يا شهد

اختيار رائع
وكان بودنا انش تذكرين لنا اسم الشاعر


والله يعطيش الف عافيه

[# عاشقة المحاوره #]

بصراحه قصيده رائعه
وإختيار موفق
ولا هنتي يالغلا على النقل
بس منو شاعرها
وإذا ما خاب ظني
شاعره مو شاعر

[شهد]

عيد بن شدقان



صح الله بدنك يامشرفنا ولاهنت


واسفه طال عمرك للاسف مااعرف اسم شاعرها

[شهد]

عاشقة المحاورة

حياج الله يالغاليه ولاهنتي على المرور الكريم


والله العالم ان كانها شاعرة والا شاعر

[شوووق]

شكرا شهد على القصيدة
تحياتي.....

[м8ąĐїṜ]

شهــد

صح لســانك وصـح لسـان شاعرهــا

ولاهنــتي على الإختيــار الرائـع

تقبــلي تحيتـــي

[فزاع]

قصيده قويه ورائعه

يعطيك العافيه

ومشكور على النقل

[bird of shalwa]

في كل شي اتخيلك واسمعك دوم= واتأملك في الوقت الأول ولآخير

الله الله
(شهد)
قصيده جميله ورائعه..تسلم يدش على نقلها...ولاهنتي..سجلي اعجابي ومتابعتي...

[شهد]

وشكرا ياشوق على مرورج الكريم

ولاهنتي