(الركعه اللي على الانظار تركعها=هي تدخل النار والا تدخل الجنه.!؟)

[bird of shalwa]

السلااااااااام عليكم

أسعد الله أوقاتكم جميعاٌ

ثلاث كلمات مابي منك اسمعها=بحروفها اللي على الاعذار مستنه


لا اغلطت لك غلطه وودك ترقعها=تقول : مدري .. واحسبنه ..ويمكنه


مدري واحسبه ويمكن .. عني إقلعها=مخي خلاياه من ذا اللفظ .. منجنه


دور لغيري .. وسولف له .. ووزعها=دوّر لمنهو يحنّك كذب .. وتحنه


ياللي توزّع علومك..قبل تجمعها=لاصن صاحبكّ فإلعب وايته بصنه


واترك طبوعٍ بلا داعي .. تطبعها=وارجع على (اصلك) بلا شكر وبلا منه


لا تخلف الهقوه اللي فيك مطمعها=ماعاد ينفع معك (لكن) و(لكنه)


شف موقعك ..والعرب وشلون موقعها=والناس نظراتها سكين منسنه


ما فيه كلمه تنزلها ... وترفعها=لا تخلط الصوت بين ..البح والخنه


والمعركه لاجهَلك اللي .. مولعها=شف برقها لاح ..والرعاد له دنه


ان كان عندك علومٍ خافيه .. ذعها=ما فيه تكتيم دام الحرب منشنه


وان غشتك صنعةٍ كلٍ تصنعها=ماتوك الا عذاب القلب والونه


وان غرتك لقمةٍ في البطن تبلعها=بذكرك في كلام (الشرع والسنه)


(الركعه اللي على الانظار .. تركعها=هي تدخل النار والا تدخل الجنه.!!؟؟)


خل الدعاوي لشاريها .. وبايعها=كلٍ على مهنته ويكيّفه فنه


والفزعه اللي نويت العام .. تفزعها=لا تحسب انها بوسط الصدر .. منكنه


انا عزومي تشجعني .. واشجعها=واشجع اللي يجي ظني على ظنه


وانت انتبه من علومٍ .. ماتوقعها=ولسانك افطن لهرجٍ ينطلق منه


ثلاث كلمات مابي منه .. اسمعها=كلمات : مدري .. واحسبنه .. ويمكنه

للشاعر/ مبارك ال خليفه

[عيد بن شدقان]

الاخ الغالي/طير شلوى


لاهنت

وصح السانك والسان الشاعر/مبارك ال خليفه



اختيار رائع وجزل من شخص جزل


والله يعطيك الف عافيه

[بندر]

ثلاث كلمـات مابـي منـك اسمعهـا
بحروفها اللي علـى الاعـذار مستنـه


لا اغلطت لك غلطـه وودك ترقعهـا
تقول : مدري .. واحسبنـه ..ويمكنـه


مدري واحسبه ويمكن .. عني إقلعهـا
مخي خلاياه من ذا اللفـظ .. منجنـه



الأخ الغالي والغالي جدّا ..

طير شلوى ..

أختياراتك دائماً تصافح ذائقتي ..

وقصيده روعه من الى ..

وصح الله السان شاعرها ناقلها ..

ولاهنت يالغالي ,,

[عبدالناصر آل عبدان]

لاهنت


قصيده رائعه

صح السانك والسان شاعرها

شكرا على النقل يالقرم

[bird of shalwa]

المشاركة الأصلية كتبت بواسطة عيد بن شدقان

الاخ الغالي/طير شلوى


لاهنت

وصح السانك والسان الشاعر/مبارك ال خليفه



اختيار رائع وجزل من شخص جزل


والله يعطيك الف عافيه

مرحبا ومسهلا... يابو محمد

صح الله بدنك

والجزل والله انت...مرورك شرف يامشرف...والرائع هو تواجدك لاعدمناه..

تقديري وجل احترامي لشخصك الغالي..

[أشهب الـلال]

والمعركه لاجهَلـك اللـي .. مولعهـا=شف برقها لاح ..والرعـاد لـه دنـه

ياكافي ...

ان كان عندك علومٍ خافيـه .. ذعهـا=ما فيـه تكتيـم دام الحـرب منشنـه

نعم.. نعم..


الأخ الكريم

طير شلوى

بعيداً عن المُجاملات

أقسم لك أنها من أجمل ماأطلعت عليه من القصائد في الفتره الأخيره...!!

ماشاء الله

أختيار موفق ... وذوق رفيع

لاهنت.. وصح ألسان الشاعر

لنا شوق لجديدك دائماً

تقبل تحياتي

أخيك

[تايه الغربه]

انا عزومـي تشجعنـي .. واشجعهـا
واشجع اللي يجي ظنـي علـى ظنـه

طير شلوى

صح الله لسانك ولسان مبارك الخليفه
سجل اعجابي بروعة ذوقك واختيارك ..!!
لا عدمناك يالقرم ..!!


لك كل الغلا ..!!
سلالالالام ..!!

[bird of shalwa]

المشاركة الأصلية كتبت بواسطة &&راعيها&&

ثلاث كلمـات مابـي منـك اسمعهـا
بحروفها اللي علـى الاعـذار مستنـه


لا اغلطت لك غلطـه وودك ترقعهـا
تقول : مدري .. واحسبنـه ..ويمكنـه


مدري واحسبه ويمكن .. عني إقلعهـا
مخي خلاياه من ذا اللفـظ .. منجنـه



الأخ الغالي والغالي جدّا ..

طير شلوى ..

أختياراتك دائماً تصافح ذائقتي ..

وقصيده روعه من الى ..

وصح الله السان شاعرها ناقلها ..

ولاهنت يالغالي ,,

يامرحبا مليون في مليون بالغالي / && راعيـــــــها&&

صح بدنك يالرائع...ووجودك يشرّف الصفحه وصاحبها...ولاهنت على مرورك الغالي جداٌ علي..

لا خلا ولاعدم

[bird of shalwa]

المشاركة الأصلية كتبت بواسطة عبدالناصر الفهاد

لاهنت


قصيده رائعه

صح السانك والسان شاعرها

شكرا على النقل يالقرم

الشــــــــاعر القدير/ عبدالناصر الفهاد

يامرحبا ومسهلا...وصح بدنك يالمبدع...

ولي الشرف على مرورك.. والاهم انها اعجبتك

اجمل حياتي ,, وجُل تقديري,, لشخصك الكريم..

[راعي الدهما]

طير شلوي


لاهنت على النقل الرائع



تحياتي



اخوك
راعي الدهما