(على الخيل شياطين وفي المجالس سلاطين)

[فلاح ال مخلص]

لسـلام عليكـم ورحـمـة الله وبركـاتـه


اتمـنـى ان تـصـل الــى ذائقـنـكـم

اشكر (ريم نجد) على دعوتي


(على الخيل شياطين وفي المجالس سلاطين)

ليتك قطعت الوصـل مبطـي مـن العـام = ياللـي جعلـت الحـزن شـربـي وزادي

ليـل العـزا رزيـت لـه بيـت واخيـام = وجلسـت اعانـد ليـن قـفـى اعـنـادي

ليـل لفـى عقبـك مثـل عشـرة اعـوام=واقفت اصقـور الحـظ ؟عقـب الهـدادي

عـزاه يـاحـظ مــن الـعـام مـاقـام = لمـا نخيـتـه( هــاز روس المـبـادي)

الحقـد هـرجـه وابتسامـاتـه اجــرام = والشـر شمسـه فـي هبـوب الـبـرادي

مايـدري ان العـز والنـخـوه احــزام =والجـد ذكره(مسـك عنـبـر وكــادي)

حـر تسلسـل مـن ضنـا لابتـي يــام = اهـل الحميـا فــي نـهـار الـطـرادي

للـخـيـل شيطـان.ولـلـدار حـكــام = وللمـجـد قصر.وللـمـبـادي مـبــادي

ولـلـقـوم قوم.وللمـوالـيـن مـقــدام = وللسـيـف زند.وللمـغـازي هـجــادي

وللضيـف ريف.وللمعـازيـب ضـرغـام = وللـجـار كار.وللمـصـافـي قـنــادي

لومـا علـى نفسـه مـن السنـه اخطـام = شفـت الضحايـا مثـل كثـر الـجـرادي

مـا شفـت قلبـي عد.وضلوعـي احيـام = والـعـيــن مزنه.والـمـنـاديـل وادي

والمـوت ضيف.وفزعـة الشاعـر انيـام = والـهـم عم.وثـايـر الـدمـع عــادي

والذنـب كيف.وشرقـي الذاكـره شــام = والـمــدح ذم.وماتـحـقـق مـــرادي

والبرد صيـف. وغـدر حجاجـي احـرام = والكـبـد دم.وطـحـت دون الـشـدادي

والـذل طيف.وهامـت الفـارس اغـيـام = والعشـب زم.وحـل وقــت الـحـدادي

مـن سبتك.يـافـارض حـكـم الاعــدام = قـاطـع شرايينـي(وحـبـك يـنــادي)

فـلاح حـي ومـات ؟مـن جـور الايـام = وانـت اتخبـر الاحوال(وتقـول عــادي)

من كنـت احبـك كانـت اعيونـي اقـلام =وانت الورق.(واثرك مـن الحبـر غـادي)‍

اشكـي .واعـز النفس.واعـض الابهـام =بـــك لعتمـاد(وبـالالـه اعـتـمـادي)

قطعتـنـي والقـلـب ياهـاجـري هــام = والحيـن راجـع (رح وكـلـم افــوادي)

حـرام حـرم الــدم مـانـي بمنـضـام = لـو حللـو كــل الخـلايـق اجـهـادي

ولـو كـل مخلـوق عليـه الدهـر حـام = وتنـجـدت بـيـض النـوايـا ســوادي

وشفت الامل. فـي ناضـري كنـه احـلام =والنـار صـارت .فـي عيونـي رمـادي

واللـي يحـب العـدل كــاذب وظــلام = والـعـلـم ذاع وقـدمـتـه الـــروادي

لقيـت كافـر.لابـس ثــوب الاســلام = يقتل.ويضحـك فـي عـيـون العـبـادي

يصـب سمـه فـوق ريحـان. واخــزام =ويثوربـركـان.لـه اسـنـيـن هـــادي

متقسـم قلبـه عـلـى رمـحـه اقـسـام = روحــه تـعـذب والليـالـي اجــدادي

زاده( غدر) وان صامـو النـاس ؟ماصـام = حـط الخيـانـه فــي طريقـه(جـوادي

[مفلح]

آآآآآآآآآآآرحب ياوجه مذكر عداد مامشيت من العان للصمان

صح لسانك على هالقصيدة الجميلة وننتظر منك المزيد

حياك الله

مفلح

[بنت راكــــان]

وعليكم السلام ورحمه الله

حياك الله اخي فلاح

وهذي والله الساعه المباركه اللي انضميت فيها لنا

وقصيده رائعه وفوق مستولى الثناء وصح لسانك عليها

في امان الله

[راكان اليامي]

صح لسانك صح لسانك يافلاح
وتسلم ولا تندم طال عمرك

تحياتي وننتظر المزيد من ابدعاتك

اخيك

[سعود المري]

الله الله

اقف عاجز امام هذي القصيده الرائعه التي لايسبكها الا شاعر رائع امثال فلاح ال مخلص


تحياتي لك

اخيك سعود المري

[الياميه]

السلام عليكم :::

حـر تسلسـل مـن ضنـا لابتـي يــام *** اهـل الحميـا فــي نـهـار الـطـرادي

للـخـيـل شيطـان.ولـلـدار حـكــام *** وللمـجـد قصر.وللـمـبـادي مبادي


فلاح ::: صح لسانك على هذه الرائعه التي يعجز امامها التعابير .....

وانا من المتابعين لقصائدك والمعجبين في أسلوب صياغتك للقصيد ه...


لك أطيب تحيه ...

الياميه ..

[فراس]

يعطيك العافيه على ها القصيده الجزله

تحياتي

[ريم نجد]

حياك الله اخوي فلاح .....

كعادتك مبدع دائما ....

قصيده اقل ما يقال عنها راااائعه ....

ولاتحرمنا من دررك .....

[دغري]

يعطيك العافيه فلاح
يمكن ماتعرفني عشان النك يعطيك العافيه

[النازي]

صح السانك ياذيب على القصيده الطيبه
ولاهنت

الناااااااااااااااااااااازي