السلام عليكم ورحمة الله وبركاته
قصيده عسي تحوز علي رضاكم
مريت دار(ن) ولوها أسلافنا الأولين=ما باقي ألا بعض الأطلال والذكريات
والذاكره صوّرة لي ما مضي من سنين=شريط والمخرج المخيال للقنوات
والعين تذرف مطر والصدر جر الونين=تدمع عيوني نهر دجله ونهر الفرات
للدار يجذبني الأحساس شوق وحنين=كنّي بوسط البحر من دون طوق النجاة
تقبل وتقفي بي الدنياء شمال ويمين=المقبلات الليالي السود والمقفيات
وأقدام رجلي تمشيني علي الحارتين=مابين حيّ السلي وهضبة المرسلات
يا لين سويت مثل معايد القريتين=وتصريح بعض الدول في سلة المهملات
بسري في ليل(ن)بهيم وعارف الدرب وين=في سهلة(ن)ما تشاف جبالها العاليات
يا ليتني من شهداء بدر وألا حنين=جهاد عبّادة الأصنام فرض وثبات
اليوم نبغي جهاد الكفر يا المسلمين=ننزع قناع الهوان وننسف الطايرات
والموت واحد ولحد القبر لبنه وطين=وشهيد الأسلام حيّ أن قالوا الناس مات
ومن لا مشي في رضاء الله ثم رضاء الوالدين=هيهات ترجع به الأيام ما فات فات
هنئ من فاز بالثنتين دنياء ودين=وجنات عد(ن)تحت مواطئ الأمهات
وأفضل نساء العالمين أم الحسن والحسين=تحت السماوات فوق الأرض وأربع جهات
والصبر وقت المصايب خير للمؤمنين=ولله ترخص جميع أموالنا والحياة
الي متي يا هل التوحيد مستسلمين=قوموا وراس اليهودي نذبحه ذبح شات
كم دولة(ن)وسطها يا عرب مستوطنين=لين أصبحت دولة الأسلام مستوطنات
بكره جميع الدول مصير أريحا وجنين=دول ضعيفه ومحتلّه ومستعمرات
عيدوا صفوف الشعوب الدار حصن(ن)حصين=توحّدوا في وجيه الغرب وأنتم شتات
والظلم واقع علينا في كلا الحالتين=نشجب ونستنكر العدوان والقاذفات
والوقت للمسلمين وكل ماله يشين=ما عاد يستنكرون الشر والمنكرات
وأنتم مابين الأمم يا عرب مستضعفين=يكفي جلوس المذلّه مثل وصف البنات
عبيد للغرب يا أهل الدين مستعمرين=في زحمة الأغنيات وزحمة الراقصات
غزوا شباب العروبه والعرب نايمين=والدش بثّه عبر الأقمار للساقطات
أفلامه الهابطه ماهوب للنشئ زين=قمر أوروبي تذبذابه مع عربسات
الله يذل اليهود ويخزي الحاقدين=هو ناصر المسلمين وناصر المسلمات
ينصر هل الدين والملّه علي الكافرين=يخزيهم الله ويخزي جملة الكافرات
والسيف يشكي من الأرهاب والمفسدين=مبطي ولا شال حد أرقابهم في الصفاة
غيروا وثوروا وصدّوا جبهة المعتدين=عيدوا تراب الوطن وأمجادنا الماضيات
بعد النبّي والخلفاء الأربعه الراشدين=وبعد الصحابه وبعد أهل السلف ما نبات
الله منزّل سور الأيات للثقلين=وأختار خير البشر للدين والمعجزات
ودنياء(ن) تزخرف وتفتن لذّة الغافلين=من هو سلم من فتنها طاح في المغريات
المستديره بنا مثل الرحي والطحين=ويا الله تهوّن علينا الكود والكايدات
والغرب ضد العرب في الحرب متحالفين=غزوا شباب العرب بالخود والمسكرات
غير الكنايس وضد الدين مستنصرين=واليوم يا أهل الشرف ما عاد فيها سكات
لبنان والقدس محتلّه مع الرافدين=وديار الأفغان بالقوات والبارجات
و أرجع لشبه الجزيره وأهلها الطيبين=أهل الكرم في حقوق الناس والواجبات
عرب تقدّم لوجه الضيف سمن وسمين=وأهل بيوت(ن)تشاف أنوارها الوالعات
يا هل الشرف والصبر والجود والمستحين=تجنّبوا موضة الصرعات والمايلات
سيروا مسار النبيّ والصحب والصالحين=والمؤمنات العفاف العرض والصالحات
المتّقين الرّكوع الخشّع الساجدين=والطيّبين أسرة التوحيد للطيبات
رجال من خشّية الله في النساء عادلين=ما سبّلوهن تجاره سلعة العاهرات
يقبّل المسلم أمّه راسها والجبين=والكافره من ولدها شافت السيّيات
والمسلمه مكرمه علي نساء العالمين=تمشي بحسن الخلق والجسم تحت العباة
والمسلمه قاسّيه في عرضها ما تلين=والكافره عاريه وأطرافها عاريات
والمسلم الله عطاه الجود للغانمين=والطيب يجزي مع أهل الطيب عشر حسنات
يصون عهد الرجال وللأمانات أمين=وللجار والضيف والصاحب سوات المرات
يعرف حقوق الرجال أهل الوفاء العارفين=يتبع هل الدين ما يمشي دروب الشمات
هذا حديث النبيّ والصحب والتابعين=وأيامنا والليالي كلّها زايلات
صفّوا وكانوا حماة الدين متكاتفين=علي ظهور النضاء والسبّق المسرجات
علي العهد والوعد والصدق حلف اليمين=والمصلح الله وحده عالم الخافيات
والله غفور ورحيم ويقبل التايبين=مفتوح بابه لعبّاده وللمظلمات
يا حظ من سبّل أمواله مع المحسنين=مضيف عابر سبيل وصون للأرملات
ميّت وكل الخلايف في الثري ميّتين=يبقي عزيز الجلال وخالق الكائنات
يا الله يا قابل(ن)دعوة دعاء المحرمين=من روس جند النصارا تشبع الحايمات
وحنّا علي الدين يا أهل الدين متعاونين=مع الجماعه نقوم وننثني للعداة
يا المسلم الكافرأحذر منه حقده دفين=خلّك حذر وأنتبه لأهدافه المقبلات
والحق قدّام كل الخلق لأهله يبين=والقادمات أن يشآء الله عاضت الرايحات
من جحر واحد ما يلدغ مؤمن(ن)مرتين=حديث للمؤمنين أنذار والمؤمنتات
كونوا لدار(ن) ربتكم يا عرب محتمين=تنالوا البر والخيرات والمكرمات
صفوّا صفوف العرب من زمرة الخاينين=المجد تحت السماء ما يقبل الهينات
وحنّا كعام العداء ولطامة العايلين=علي البسيطه نهد اجبالها الراسيات
وحنّا لحوض المنايا والخطر واردين=نارد لجمع الورود ونلحق الصادرات
نرهب قلوب الذيّاب ونمّن الخايفين=ما كل يوم(ن)ظلال اقصور ومكيّفات
البايعين الحياه وما بها الصاملين=ننطح جموع الرجال وننطح الراجمات
لامن دعينا لخوض المعركه حاضرين=حنّا هل الدين والتوحيد والتضحيات
علي رقاب العداء نشيل سيف(ن)سنين=نشبع نسور(ن)تحوم ونشبع العاويات
ما وسطنا عاش فرخ البوم وأبا الحصين=ألا نمور الليال السود والقانبات
هذا كلام الصراحه والعرب خابرين=نثبت سواليفا بأفعولنا البيّنات
وحنّا من الغرب وأهل الكفر مستهدفين=تطوي السنين العمار وكلّنا في سبات
رقوا الكواكب وحنّا بين معزا وضين=سوات غابه نهاب أسودها الضاريات
للغاز والزيت وأرض أجدودنا طامعين=وحنّا نمسس طرف الأنشاب بين الخوات
وسكان طيبه من الحجاج وأهل القرين=من روسيا ومن بلاد أثيوبيا اليوم جات
لو بيدهم ريح الأنسم تقطع الأكسجين=ناس(ن)توّرد علينا الخمر والخايبات
متسوّل(ن)عندنا لكن ضلعه متين=يومين يبني علي المكشوف مستودعات
في عام تاجر ما ندري جاب ماله منين=يرسل كروته علي التجّار والتاجرات
وخير البلد من كسلّنا في يد الوافدين=دخل بنوك الرباء غسيل ومساهمات
وشبابنا كم سنه عن العمل عاطلين=يا مكثر العاطلين ومكثر العاطلات
وعلي فساد الأداره يا الله أنّك تعين=تقضي علي الفاسدين وتنهي الفاسدات
والله يوفّق ملكنا قولوا آمين آمين=همّه شباب الوطن ويزوّج العانسات
زاد الرواتب وعيّن في البلد مصلحين= وبناء المساجد وسوي حولها المكتبات
مشّي رواتب كبار السن والمعدمين=يلقي جزاها نهار الحشر والقارعات
وزّع مساكن علي المسكين فاضي اليدين=وأراضي أمنوّره وزفلت ومخططات
ملك وعادل في شعبه مطلق الراحتين=يصلح ما بين الشعوب وينبذ الترهات
يعفو عن التايبين ويطلق المعسرين=له عام في الحكم صدّر طيّب المكرمات
بشاير الخير بانت مع قدوم الثنين=وليّ عهده كريم ومرخص الغاليات
والشك ما يقطعه يا ناس غير اليقين=مستشفيات ومدارس علم مع جامعات
الحمد لله رب البيت متعلمين=تخرج معلمين وخرّج معلمات
وكم واحد(ن)سجّل اسمه بوش عنده سجين=من دون سابق ظروف أنذار ومراسلات
وفي قايمة زمره الأرهاب متورّطين=كم(ن)سجين(ن)بلا تحقيق ومحاكمات
مشحون فكري غضب والقلب منّي حزين=والبنك يصرف ذهب للغرب ومساعدات
سبحان من كوّن الأنسان من ماء مهين=وسيّر كواكب فضاء تحت السماء سابحات
ما عصم غير النبّي وأمثالنا مذنبين=والله خلق مذنبين ومثلهم مذنبات
والله موكّل ملائكة القلم كاتبين=يعفو عن التاركين الذّنب والتاركات
وأبليس عايش علي الدنياء وفوقك قرين=عوّذ من أبليس والأيام متقلبات
وحنّا لحكامنا في الرزق متقاسمين=صدورنا من غلاهم طعم سكر نبات
الخير وافر وفاض الوزن في كل عين=لكن بيت القصيده في نشيد بركات
وأنا لا جبت القصيد أجيب شي(ن) ثمين=الوافيات الجزال أمثال والمحكمات
يا الله يا الله يا قابل دعاء الصايمين=من غيث جودك مطر يحي عروق النبات
والبارحه ما رقدت أسامر الفرقدين=علي سحاب(ن)سري ونجومه الساريات
نرفع كفوف الضراعه للولي شاكرين يسمع دعاء الشاكرين ويسمع الشاكرات
ما كل شعب الجزيره كلّهم مترفين=كم واحد(ن)في حلوق كلابها الجايعات
ما بيننا عالم الذرّه ومتأخرين=وش فرقنا يا عرب عن الدّول الأخريات
في زحمة الناس حنّا بينهم تايهين=وعقولنا من قلال المعرفه تايهات
لكن وجود السلامه في البلد نعمتين=صحه وأمان وطمان ورز مع خضروات
ولأنعام رب البشر من جورنا مسرفين=يعلم خطأ المسرفين ويعلم المسرفات
شعوب بعض الدّول ضعاف ومشردين=من جوعها تاكل الحرمات والميّيتات
علي المرض والخطر من نسلهم يائسين=علي الفقر عايشين ويأكلون الفتات
أمراض وأطفال منظر يوجع الناظرين=المسلمين الفقارا في يديّن الطغاة
فم الطفل في ديود أمه وهم ميّتين=يحزن سخاف القلوب ويحزن المرضعات
وطاحوا في أخس الأمم حاخام أبو نيتين=كم شذ من شاب عن دينه وكم(ن)فتاة
ما ياخذ المسلم العاجز معه ساعتين=فرق ديار السلام وفرّق العائلات
وأنتم في نعمه وعوذوا من بليس اللعين=سيّاره آخر موديل وشيك ومكالمات
لا بيت يأوي عوائلهم ولا مكتسين=وحنّا نعد الفلوس ونبني الناطحات
وللكف بصمه وللأنسان عقل(ن)ذهين=وشبابنا همّته تشجيع ومباريات
منتم علي ظاهر الدنياء دهر خالدين=علي الطرب يا عرب دسكات ومسجلات
ولستار أكاديمي التخريب مدحدرين=في كل شارع وسوق أرقام ومعاكسات
في ظل شجره نقيّل تحتها وراحلين=في موحشات القبور العوج والمظلمات
والقدس يا المسلمين وثالث الحرمين=تحريره أصبح علينا مثل فرض الصلاة
ستين عام(ن)مضت نستقبل اللاجئين=نبني لهم في البلد مسكان ومعسكرات
لكن أقول الله أكبر ينصر الصابرين=نحفظ عهود الوفاء من دون شرط الوصاة
وحنّا من الغرب وأهل الغرب متضرّرين=ما ينفع اليوم شجب الغرب ومظاهرات
كم لاجئ(ن)في ديار الغرب ومعارضين=تحفر وتدفن لنا وتكوّن أمعارضات
عداة الأسلام والتوحيد ومنافقين=ما عاد ينفع معاهم جلسة الطاولات
وشارون ملعون كلب الغرب سوي كمين=مكالة السحت كل أحقادهم مرمسات
زرع لهم بيننا جاسوس ومعقبين=وصحون الأقمار ترسل فوقنا الذّبذبات
وشارون جنكيز صورة هتلر وموسلين=علي بيوت العرب مؤءقت الناسفات
شبعا مع هضبة الجولان يا المكرهين=وأيدين الأمّه بدون اسلاح ومفجرات
يا أبناء الصحابه نقوم ونطرد الغاصبين=لأم المعارك نشغّل مخزن الصاليات
ما أنتم علي الذّل يا أسياد الأمم مجبرين=تري المعارك ثقات اقلوب ومصادمات
شعب الجزيره جنود الدين ومقاتلين=ترقص نسانا لخوض الحرب وملولشات
مئه تغلب ألف بذن الله ومنتصرين=وجيوش الأعداء عداة الدين مستسلمات
وصلوا لسيد البرايا خاتم المرسلين=من حذّر المسلمين وبيّن المهلكات
06-09-2006, 12:42 AM
العرض العادي
