جورج قرداحي

[ســـداح]

السلام عليكم ورحمة الله وبركاته
هذي قصيده مو جديده بس انشالله تعجبكم وتنال اعجابكم



تكفا طلبتك طلب يا جـورج قرداحـي 0 0 0 مـع كـلّ حلقـه تسجلّهـا تناديـنـي

أزهمني اطير لـك واسابـق جناحـي 0 0 0 والله لـه المنّـه .. ولحـدن يودينـي

(الأرض يمشي بها المجنون والصاحي) 0 0 0 قافن .. ودايـم تغنـيّ بـه جناحينـي

أبنفض الريش والبس للهـوا وشاحـي 0 0 0 والشمس لا غمضّت ما غمضّت عينـي

في ظرف خمسة دقايق تسمـع فياحـي 0 0 0 وصلت سالـم عسـا ربـي يعافينـي

قل مرحبـا ياهـلا بالشيـخ سداحـي 0 0 0 واقــول دام البـقـا والله يحييـنـي

مستنكر اصراري ومستغرب الحاحـي 0 0 0 ابكسر الحاجـز اللـي بينـك وبينـي

هوايتـي قفلّـت .. بابـي بمفتـاحـي 0 0 0 وطموحـي ارد دمـي فـي شرايينـي

مغير اجر اللحـن واومـي بمسباحـي 0 0 0 دخّلـنـي أمسابقـتـك ولا تخليـنـي

أسأل وأنا أجاوبـك واثـق ومرتاحـي 0 0 0 وفـي ذمّتـك لا تغـش ولا تخاشينـي

ما ابغا اختيارات ولا جمهور صداحـي 0 0 0 يكفيني اصدح لحالي وانـت توحينـي

ولا تتصل في مناحي سافـر مناحـي 0 0 0 ولا فيه غيره يعرف الجيـم والسينـي

دايـم جوابـي نهائـي لاح ياملاحـي 0 0 0 مقرود خلقه والاحـي مـن يلاحينـي

بالك تفلسف علـيّ وتنبـش اجراحـي 0 0 0 قل صح ولا خطـا والحـظ يرضينـي

ياثقـل دمـك ليـا عـودّت مزاحـي 0 0 0 لبنانـي المرجـع ودمّـك فلسطيـنـي

مليونك اب شنطتك وكفوفك شحاحـي 0 0 0 وانـا ديـونـي تـعـدّن الملاييـنـي

وان كان مال النصيب وحظّها طاحـي 0 0 0 ماقلت لك عطني ولا ابغـاك تعطينـي

اسمع صحيح النبا ياجـورج قرداحـي 0 0 0 ان كان مااغنانـي الله منـت مغنينـي


وسلالالالالالالالالالالالالالامتكم

ســــــــــداح

[العماني]

ياثقـل دمـك ليـا عـودّت مزاحـي 0 0 0 لبنانـي المرجـع ودمّـك فلسطيـنـي

مليونك اب شنطتك وكفوفك شحاحـي 0 0 0 وانـا ديـونـي تـعـدّن الملاييـنـي



صح لسانك يا سداح وصح لسان الشاعر ولا هنت

تقبل تحياتي،،

[ســـداح]

صح الله بدنك اخوي العماني ولاهنت على متابعتك للقصيده

[ffahad]

لالالالالالالالالالالالالالالاهنت

[عيد بن شدقان]

وان كان مال النصيب وحظّها طاحـي 0 0 0 ماقلت لك عطني ولا ابغـاك تعطينـي

اسمع صحيح النبا ياجـورج قرداحـي 0 0 0 ان كان مااغنانـي الله منـت مغنينـي
اشهد انه صادق
ســـداح
صح السانك ولا هنت