من روائع خالد الفيصل،،،،،،

[وديبكـ]

كلٍ يعوَد لاصل جده ومرباه ........ راعي الشرف يشرف والانذال يهبون
الفرع من عوده شرابه ومسقاه ........ والحنظلة مرة ولو تشرب مزون
الطيب كايد والمناعير تقواه ........ والهون هيُن تندع النفس وتهون
ناسٍ على كسب المراجل مضرَاه ........ وناسٍ على كسب الفشيلة يضرَون
هذا على وضح النقا كل ممشاه ........ وهذا إذا شافوه ربعه يصدون
لا تامن الخوَان لو زخرف حكاه ........ من خان بك مره يبي باكر يخون
وافطن ترى زول الرجاجيل توَاه ........ كم واحدٍ يعجبك زوله وهو دون
يا طيَب الشارات من يوم منشاه ........ احذر عدوَك لا يغدْرك على هون
ترى عدوَك غايته فيك ومناه ........ يزرع بصدرك من قنا رمحه طعون
واللي رضع لبوة عدوك توقاه ........ الجرو ولد اللبوة اللي تعرفون
للطير يا الصقار بالريش مغواه ........ الجاهل اللي باكثر الريش مفتون
للحرْ والشبوط ماكر ومجناه ........ والفرق بالافعال لو هم يطيرون

[محمد بن سعود]

شكـرا فارس ولاهنــت

وصح لسانه لاهنت علي النقل

اخيك

[شرس]

صح السان الشاعر خالد الفيصل


فارس

لاهنت على الاختيار الرائع


والله يعطيك العافيه

[وديبكـ]

ولا انت يا اخ محمد بن سعود واشكرك على المرور

[وديبكـ]

ولا انت يا اخ شرس واشكرك على المرور

[الملك]

لا تامن الخوَان لو زخرف حكاه ........ من خان بك مره يبي باكر يخون
وافطن ترى زول الرجاجيل توَاه ........ كم واحدٍ يعجبك زوله وهو دون

الله الله
صح لسانه ولاهنت يالفارس

[الــحـشـاشـــه]

لا تامن الخوَان لو زخرف حكاه ........ من خان بك مره يبي باكر يخـون<< حكمه !!


صح لسان الشاعر خالد الفيصل

ولاهنت على النقل الطيب


تقبل تحياتي

[الخيال الحر]

كلٍ يعوَد لاصل جده ومرباه ........ راعي الشرف يشرف والانذال يهبون
الفرع من عوده شرابه ومسقاه ........ والحنظلة مرة ولو تشرب مـزون
الطيب كايد والمناعير تقواه ........ والهون هيُن تنـدع النفـس وتهـون

صح لسان الشاعر ويعطيك الف عافيه على النقل

[وديبكـ]

الاعصار
الحشاشه
صح لسانك
اشكركم على المرور

[@الشيــــــــــــنه@]

لا تامن الخوَان لو زخرف حكاه ........ من خان بك مره يبي باكر يخون



صح لسان : خالد الفصيل !!



ويسـلمو على النقل