ســكــرات حــبــك ..

[مناحي الصميل]

انشالله تعجبكم هالمتواضعه ..

يبدأ قصيدي بعد صـولات وجـولات = بالحب خضـت الفيـن هيّـه وهيّـه
لبّـا جبينـك هاتـي الـرد بإسكـات = والا مـن همومـك عطينـي شويّـه
يـا قـل مرسالـك علينـا وبالـذات = لا شـاع طـاري طلّتـك بالحـويّـه
ذي كلمتي من دون طلعـات ونـزلات = مـا قالهـا عـلان وفــلان اخـيّـه
حبك تعـدّى حـب عصمـان للقـات = وأكبر مـن احبـاب البـدو للمطيّـه
من كثر ما احبـك قضيـت المهمـات = ارخصت لـك حالـي وتأتـي البقيّـه
هيهات انـا انسـاك هيهـات هيهـات = مـا قـد نسيـتـك لا ورب البـريّـه
زفّيت لك جـزل المعانـي والأبيـات = وأهديـك لـك قلبـي مقـام الهديّـه
ما ينوصف حبـك برسـم العبـارات = مـا ينوصـف وقلوبنـا دوم حـيّـه
جنون حبـك تأكـل القلـب أكـلات = وفتـات قلبـي كلهـا لـك عطـيّـه
خفّي من جروحي ترى الموت سكرات = من زود خوفي قمـت اعـدّ الوصيّـه
وان مت انا بالحب سمّوهـا غلطـات = غلطات حـب(ن) سببـت لـي منيّـه

سلااااااااااااااااامتكم ...

مــنـــاحي بن فهاد العجمـــي ..

[رنة الخلخال]

وان مت انا بالحب سمّوهـا غلطـات
غلطات حب(ن) سببـت لـي منيّـه
.................
صــــــــــح لساااانكـ
وتسلم لنا هالايدي والله
الله يخلي لنا هالاحاسيس
سلامي لكـ خيوو

[بــ راكان ــنت]

خفّي من جروحي ترى الموت سكرات
من زود خوفي قمت اعـدّ الوصيّـه
وان مت انا بالحب سمّوهـا غلطـات
غلطات حب(ن) سببـت لـي منيّـه

صح لسانك اخوي مليون ولايكفون,,

Dr.Corvette

[مناحي الصميل]

رنة الخلخال ..
صح الله بدنش ..
وتشكرين على مرورش الطيب والكلام الأطيب ..

ولا هنتي ..

[مناحي الصميل]

بنت راكان
صح الله بدنــش ملاييــن

ولا هنتي على مرورش الكريم ..

وشكــرا

[اخت الحسام]

صح لسانك
أشكرلك ابداعك
أختك/ أخــــت الحســام

[مناحي الصميل]

اخت الحسام
هلا وغلا
وصح الله بدنش

وشكرا لمرورش الكريمــ ..

[عـزام]

مناحى بن فهاد

صح السانك واعتلا شانك

ودام ابداعك

[مناحي الصميل]

ارررررررررررررررحب يالأمير ..

صح الله بدنك ..
ومرورك شرف طال عمرك ..

ولا هنت ..