تــــعـــال ياعــــزام

[عتيبي كول]

تعال ياعزام اخذلك قرصتن بين الضلوع = أما تعيش بحرها .. ولا تموت بحرها
شيءٍ طبيعي لو تلوم الوقت وتهل الدموع=هذي مقادير السنين الله يكافي شرها

[هــــــــــادي]

بداااااااااااااايه قويه

صح الله لسانك ياعتيبي كول

وانا بصف عزااااااام مقدماً

ولايهون شبل عتيبه


متاااااابع

احتراااامي

[عـزام]

الله الله يا عتيبى كول بدايه حلوه صح السانك

استلم لا هنت..

عيبٍ على اللى يتّقى لا بان قدّام الجموع=اليا احتمى الميقاف ما تقوى ضلوعك كرها

يا شاعر عتيبه تقول ولا ترقيها طلوع=لاكنّ هيّا سوقها والناس ماش يغرها

[عـزام]

هادى

حياك الله يا السنافى وتزيد الصف شرف لا عدمناك

[نسل الطويل]

الليل الليل



صح لسانك يا عتيبي
وصح لسانك يا عزام


وفي انتظار العتيبي

[موهووووب 2000]

مع الله ياشعار

متابع

[عتيبي كول]

نبا نردك للحقيقه في شهر ولا اسبـوع=لين العلوم اللي ترددها ماعـاد تكرَهـا
والطلقه اللي تقتل الخيال وتشق الدروع=يالاجودي من غير رب البيت يمنع ضرَها

[عتيبي كول]

هادي
نسل الطويل
موهووووب 2000
الشكر موصول للجميع على المرور الكريم
تحياتي وتقديري
اخوكم المورقي العتيبي

[سمـــوم]

صح لسان العتيبي وصح لسان عزام

اتابع <<بصف عزام

[عـزام]

طيب طيب يا المورقى

استلم..

يا المورقى خلك مفيد وخلك انسانٍ قنوع=ودنياك ميّز بين حاليها وميّز مرها

شورى عليك أد الفروض الخمس فى صمت وخشوع=وخل الحرابه لاهلها واليا بلشت فسرها