في لحظه فيها جفيت وتغليت&&&&شفت الحبيبه يوم قفى ضعنها
ماتت وهي مزعلتني وياليت&&&&ماكنت انا ياناس زعلان منها
جتني تقول اخطيت واخطيت واخطيت&&&&جتني كماالمهره وترخي رسنها
جت تعتذرلي عن خطاها وعيت&&&&وانا احسبني بالغلا ممتحنها
اثر العمر لحظات لحظات مااوحيت&&&&غلطة عمر راحت وبدفع ثمنها
ندمان اي والله ندمت وتمنيت&&&&مامرني يوم(ن)وانا بعيد عنها
ياليتني ياليتني قبلها ميت&&&&ليت الزمن فيني وقف مع زمنها
ياليتني في ذالغلا ماتماديت&&&&ولاشفت يوم(ن)فيه ذايق حزنها
ولاشفت اخوهااللي تحبه وصديت&&&&يبكي ودمع العين غرق كفنها
ابكيتني ياغالي(ن) عندها ابكيت&&&&عين(ن) تراعيها وعين(ن) وطنها
ياقبرها ياليتني ماتعنيت&&&& صوبك وشفتك حفرة ترتهنها
ولا شفت ابيها بمنظر(ن)منه عانيت&&&&ما شفت ابيها يوم قام ودفنها
يا قبرها وسط الثرى انت واريت &&&&اجمل بنات الكون لا تمتهنها
ارفق بها تكفى طلبتك وناديت &&&&انا دخيلك ياقبر لاتغبنها
ماتت وانا عن قبرها ما تعديت&&&&باقي عليها دام قلبي سكنها
تسألني الذكرى عسى ماتناسيت&&&& وشلون بأنسها وانا محتضنها
08-05-2007, 06:27 PM
مـــــــــرثــــية***غـــــــــــــــــــلأ
العرض العادي
