جعل الله السّلال يقطع قلبه <قصيده لشاعر فالح بن قشعم >

السحابه · #1 18-06-2007, 06:20 AM

الهاجس اللي خزنته ممليّه
ومستأصل الأبداع من راعيّه
من كثر ماهو راهي ٍ في بدعه
كنك تقول براعيه جنيّه
جنتل قصيده وأتكيتي فكره
ومرموق ذوق وتوب فالعاميه
ماني بقول إنيّ لحالي فارق
لكن لي مع الأوله فرقيّه
اي والله أماري وأصنف حالي
من بعض ما أشوفه وأصد أشهيّه
من ساحة الشعار والنقاده
وأملحسين الساحه الشعبيه
شعار يا بلفيت والحقيقه
ما فيهم اللي يكرم الطرقيّه
شلة أرخوم ٍ مجتمعهم فاشل
وأطيبهم الليّ يلبس الطاقيّه
تشوف فأبيوته خصال أفعاله
واليا بخصته ما سوى روبيّه
يدحم بجنبّه يحسبنه شاعر
وفي راسه انه شاعر الألفيّه
امن الطغى ما ينظر أحد بعينه
عليه من ربي ظلال وفيه
المشكله لوّ انّ بيوته جزله
يمكن انقول انّ الولد له نيّه
بس المصيبه جعل ماله والي
لاذي ولا هذي ولا هاذيه
قصيدته لا عدّها الافندي
لا قاف لا معنى ولا وزنيه
امكسرّه من كل صوب وجانب
ما كنها الا خط ابوحدريّه
ماهو ابعيد ٍ من هل الحداثه
الليّ على بحر القمر عبريّه
وعلى رصيف الشمس صعّد جيبه
ومن عطارد جاته الدوريّه
واليا حضر فالأمسيه تجمّع
جمهور شعبي من كذا جنسيّه
هندي بكستاني ياباني كوري
ومن كلّ حدّاد ومك****يّه
مرّ الصناعيّه ضحى وأجرهم
وواعدهم الليله على الامسيّه
وعلى الوعد ماغاب منهم غايب
وتجمعو فالصاله الماسيه
ولي ذا معزبهم عليهم ظاهر
وغدالهم تصفيق مافي زيّه
وعدّ القصيد ولجهّم بصياحه
وصاحو له الجمهور ميّه ميّه
سوالف ٍ يا كبرها عند الله
ما تنتسولف للعرب موليّه
سبعين فالميّه من الأشاوس
فيهم من جنون البقر ماريّه
أشخاصهم من شكّها بأنفسها
كل ٍ يكمّل نقصه بقافيّه
الشعر عند الليّ يعرف أسناعه
ماهو بمحسوبٍ على الشخصيّه
مراجل الرجال من يمينه
ماهي بلا سلفه ولا عاريّه
جعل الله السّلال يقطع قلبه
رجل ٍ مافي مراجله غاريّه
الشعر له عند أهله مواني
وترسي عليه الشرّد المعنيّه
صمخ البيوت الندّر البتّاعه
الليّ معا الفكره غدت حوريّه
من قوّ ندّرها وأسس فكرتها
ماكنها الاّ لوحةٍ فنيّه
تعيش معها واتذوّق منها
مالذ ّ من بدع البيوت الحيّه
هذا القصيد الليّ عليه القصّه
ماهو بحكي ٍ ماعرف تاليّه
وأما سوالف بو رصيف وربعه
ما ليبها لا رحم ابو واليّه
حتيش لوّ يزعل ويكتب عنيّ
مقالتين وخاطره شعريّه
هذي قناعه والصراحه زينه
وأنا صريح وفي بلد حريّه
يعني ترى ذالنوع دابل كبدي
واكبود ناس ٍ منهم مبليّه
لكن عسى ربي يخفف عنهم
ولا يواخذني بفعل أيديّه
الليّ بقوله يالله اتزينها
وانك تعوض الساحه الشعبيّه

الشااعر الكبير فالح بن قشعم صح لساانك ولاهنت وسلمت يمناك

مسفر بن حمران · #2 18-06-2007, 12:11 PM

الهاجس اللي خزنته ممليّه
ومستأصل الأبداع من راعيّه
من كثر ماهو راهي ٍ في بدعه
كنك تقول براعيه جنيّه
جنتل قصيده وأتكيتي فكره
ومرموق ذوق وتوب فالعاميه
ماني بقول إنيّ لحالي فارق
لكن لي مع الأوله فرقيّه
اي والله أماري وأصنف حالي
من بعض ما أشوفه وأصد أشهيّه
من ساحة الشعار والنقاده
وأملحسين الساحه الشعبيه
شعار يا بلفيت والحقيقه
ما فيهم اللي يكرم الطرقيّه
شلة أرخوم ٍ مجتمعهم فاشل
وأطيبهم الليّ يلبس الطاقيّه
تشوف فأبيوته خصال أفعاله
واليا بخصته ما سوى روبيّه

السحابه صح لسانش و لسان شاعرها ولاهنتي على النقل الطيب ويعطيش ربي الف عافيه

تقبلي مروري وتحياتي لش