:: الحمـل مايحتـالـه الابليـهـان***والجمر مايحرق سوى من توطـاه ::

[عبدالعزيز اليامي]

..

............. بدون مقدمات....

الطيب والفزعه ماهيب عيب ولاهيب خطاء

وانا اذكر بيت للشاعر مسلط السبيعـــي

اللي يقول
قالو هبيل وجايزن لي هبــــالي (()) هبال طيب ولاصحاوة رخــامه

والشاعر فهد الاشقر العتيبي يقول

قال تفزع لونخيتك قلت مافيها كـــلام (()) راح جدي سبة الفزعه عسى الله يرحمــــه

"""""""""" نتيجة كلمه وتصـــرف لغير عـــاقل كانت ها القصيده """""""""


صلو على النبي

دام الخطاء طيبي فلانيـب ندمـان=لانه ينومسني وانا أقـدره واقـواه
مانيب جايز عنه لوكـان ماكـان=الاهلا من جرته .... ليـن ملفـاه
عدن رهاوي ماتنيشنـه نيشـان=مايارده كـون الرجـال المسمـاه
لولاه حاتم مانسولف بـه ازمـان=ولاصوت أبن مهيد والضيف عشاه
والا ألردى مثل البحر شط وبطـان=غزيز لكن ماسقا ضاميـا (ن) مـاه
راعيه مالي معه مقعـد ولاشـان=انا احمـد الله واشكـره واترجـاه
لاهوب لي صاحب ولانحسب أخوان=خله يولي جعلـه مقيـط ورشـاه
لي مع هل الفزعه مواري وبرهان=وراياتي ترفرف على راس مبـداه
ترجح موازيني على كـل ميـزان=ومحدن يدسم شاربه غيـر يمنـاه
لاني معرب جد ولسانـي حصـان=أدرى كلامـي وازنـه واتنـقـاه
فان كان مابينت في راس مابـان=فعقبنـي الفنجـان عقبنـي أيـاه
الحمـل مايحتـالـه الابليـهـان=والجمر مايحرق سوى من توطـاه
واللي يقول فلان..وفلان..وفـلان=انا المقفـي حالف(ن)مـا أتقفـاه
أصد لينه يحسـب أن مالـي أذان=وادهج سواليفـه ولوكثـر حكـاه
واليا تبلاني رفيقـي ولـو كـان=ماجاه مني شي حاولت ما أجفـاه
ادمح له الزله واعامله باحسـان=واليا أنثنى صوبي لزوم أني القـاه
لأنه حزامي كـل ماثـار دخـان=وانا نهار الهوش درعه وشلفـاه
وقصيرنا لودونه الموت عـزران=نارد على شانـه ولعمـار تفـداه
ودخيلنا يزبـن وهقواتـه متـان=والجار لوبانـت خمالتـه نرفـاه
يعني لوان للطيب والجود عنـوان=صرنا عناوينه من أقصاه لقصـاه
مانستعيب الطيب لوكـان ماكـان=الاهلا من جرته ... ليـن ملفـاه


وســـــــلأمتــكم

[ناصر بن فالح]

الله الله

صح لسانك يابليهان


جزل ياعبدالعزيز وبيض الله وجهك

[طفلته]

عبد العزيز اليامي

بيض الله وجهك وصح الله لسانك يالقرم

[فيصل ال رشيد]

كفو كفو اهلها
ما يستغرب الطيب من منقع الطيب

[عايض البقمي]

عبدالعزيز اليامي


والنعم بيام من برها لبحرها

والقبايل ماتهون

ولكون القصيدة مدح فهي جميلة

ولكن يوجد ملاحظات على القصيدة .ربما تكون اللهجة او نقص الأحرف من اللهجة

[البليهي]

قصيده جزله من شاعر جزل

صح لسانك يا عبدالعزيز


الاخ عايض البقمي

ممكن تذكر الابيات اللي مهي بواضحه من وجهه نظرك


علشان ما يصير نقدك عائم



سلااام

[جرير]

صح لسااانك

جزله + جزله
ولاهنت




حي ذا العين من نك البليهي

[عبدالعزيز اليامي]

أرسطــــــــــو





صح بدنك





وقلبك




ولاهنت للمرور



تحياتي

[عبدالعزيز اليامي]

طفلته







صح بدنك





وقلبك




ولاهنت للمرور

[عبدالعزيز اليامي]

القــرم







صح بدنك





وقلبك




ولاهنت للمرور