طويق ابغيك على شطره :)

[بندر]

صباح الخير ., طويق دحدر

ياسلام الله سلام يساق من يامي ليامي=من هجوسٍ هاضها بدع الطواريق اضحويّه
الدعيع مايغرّه سامي وهجمات سامي=خابره حارس خبير وله معه روحه وجيّه

[فــلاح]

صبــاح الورد , ياهلا ومسهلا

ياهلا يامرحبــا ونسوقــهــا حامــي بـ .. حــامـي=بعـد ماجبت الطـروق اللي تغنى ســـامـريـّـه

النعامـه برقبتـــهاا عجزت تـرد القطــامــي=عقبــها ردت علــى المـوال هـيّ وهاي هيـّـه

[بندر]

هههههههههههههه

والله ان اللي يلوم طويق .؟ في لومه يلامي=ان ذبحله داب .؟ تطلع له على ممشاه حيّه .!
لاتمثّل لادخلت المحكمه دور المحامي=خلّك القاضي ولاتبلش معْ افصول القضيّه

[فــلاح]

لا أنذبح مستـور ما يرد البرى غير الـزلامــي=وصاحبـك محتـار بيـن الحـق والا العنصـريـّـه

البعيـر اللي تهبـد ماش ردف ولا سنـــامـي=أن برك بركـة بعيــر .. ولا وقف وقفـت مطيـّـه

[بندر]

كلّ حقٍ له لسانٍ عن مواقيفه يحامي=غار لاتلبس ثياب العيد قدّام الضحيّه
وش تسوي لاغزا الدوّيش فزعه لابن لامي=في نهارٍ عابسٍ فيه الخوي يجحد خويّه

[فــلاح]

الايــرانـي لو سمـع ماقلت مايفهم كــلامـي=يعني سولـف مانزل بالحمض أحـد والنار حيـّه

لا أحتمو بالمارتينـه بعتزي وأكـرب حزامـي=والغليبـه ماتجينــا دام في ربعـي حميـّه

[بندر]

طويق

داهمتنا الصلاه والقيلوله

صح لسانك ولاهنت طال عمرك

[فــلاح]

تقبـل الله طاعتـك , ونوم العوافي

وصـح بدنـك , وصح ألسانـك , ولاهنــت ..

[جطلي بن فهد]

الله الله


صح السنتكم ياشعار ابداع من كل زاويه

وانا متاااااابع


بندر صل الله يجزااك خير

[فــلاح]

صــح بدنــك ونشكـرك على مرـورـك ...