والا ياوجودي وجد من خانته دنياه

[العقـ(أبن)ـيد]

السلام عليكم ورحمة الله وبركاته...هذه ابيات أتمنى انها تنال على أعجابكم .. ولاهنتوا

تقول مايلي:-

والا ياوجودي وجد من خانته دنياه=سقته الظروف القاسيه مرها الشيني
همومن تلاعبه وحزنن وصل أقصاه=ولاشفت فالدنيا خوين يواسيني
والا يالغناوي والله اني على ذكراه= أسوق القدم فالليل والناس ممسيني
نصيت الطويل وقلت وليفي وش الي جاه= وهو خابرن ماغير زوله يسليني
طبيعي تهل دموع عيني على فرقاه=ترى أكبر مصيبه هي فراق المحبيني
تنهد خفوقي وعادني في رجا لقياه=وكنيت لي عبره وسط صدري تكويني
أبصبر وحتى الصبر حيلي معاد يقواه=ضيقه..وتعب.. وهموم دايم تشقيني
عطيب الجروح الي مثل حظي وشرواه=وصوفه فقير ويوفي الدين فالديني

[عبدالعزيز اليامي]

نصيت الطويل وقلت (((وليفي وش الي جاه))))= وهو خابرن ماغير زوله يسليني
؟؟؟؟
؟؟؟؟

تنهد خفوقي وعادني في رجا لقياه=((((وكنيت لي عبره وسط صدري تكويني))))
؟؟؟؟
؟؟؟؟


((((أبصبر وحتى الصبر حيلي معاد يقواه=ضيقه..وتعب.. وهموم دايم تشقيني))))
؟؟؟
؟؟؟



صح لسااانك ابن العقيد





ولاهنت يا مبدع




راجع مابين الاقواس





اخوك //

[سلمان التركي]

ابن العقيد

مشاركـــة لابأس بـــهـــا

فكرة القصيدة رائعــــة

والتسلسل جميــــل ولكن هناك بعض النقـــاط يجب تداركهـــا مستقبلاً

اعتقد أن خلف هذا النص شاعر قادم

تحياتي

اخوك

سلمان التركي

[مناحي الصميل]

ابن العقيد


صح الله لسانك قصيده جميله


وانا مع اخي عبدالعزيز اليامي في ملاحظاته


والا الباقي تمام وتطرب



اخيك

[سعد بن سريّع]

ابن العقيد صح لسانك واعتلا شانك
انا اضم صوتي الاخوان الذين سبقوني
فيما قالو من ملاحظات ومع الاشاده
بالشاعريه التي لديك مع تمنياتي لك بالتوفيق ..

تقديري واعجاابي ..

الغناوي

[أسد اليامي]

صح لسانك وانا رحت للمكرر ولكن يستاهل زايد التكرار