صحيح إن العمى بالقلب

[موكب]

السلام عليكم ورحمة الله وبركاته ...

اقدم لكم كل ماهو جديد لدي من قصائد واتمنى كل الرضا ان تنال بعض الاعجاب

وهذه من اجمل قصائدي التي كتبتها

إليكم القصيده

ترى قالولي المؤمن يفيده لا نسى تذكار=وأنا أمنت في حبه عسى ينفعني تذكاري
مع إللي لا طروا بأسمه روات الحكي والأخبار=سكت وقلت في نفسي <ألا يا حي ذا الطاري>
تعلمت الندم عقبه تعلمت أكتم الأسرار=وأنا إللي قبل يفارقني أقول بخافي أسراري
وعرفت الود ما ياتي غصيبه في حديد ونار=هذاي أقول ذا قدره وأنا في حكمة أقداري
((وصحيح إن العمى بالقلب ماهو في عمى الأبصار))=هذاي أفلست من لا ماه لا بايع ولا شاري
بعرض الليالي وطولها أشوف العمار أقصار=وأظن العمر مايمدي أكمل فيه مشواري
جهلت ومادريت إنه كبيرات الأماني صغار=وأصيــح أعاتب ظنوني ألا ياليتني داري
ماعاد لي شي(ن) منه إلا طرف تذكار=فلت من يدي العرقا وأنا ساهي مع أفكاري
على كبر الفضا كني على وسعة حبيس الغار=أعد أيامي المرضى وأنا جالس(ن) على ناري

وسلامتكم ........