ياملهــمه !!!!!!!!!!!!!!!!!!!!!!!!!!!

[حقان بن ناصر]

صباح الخير

اعتذر عن انقطاعي لسفري خارج البلاد

واتمنى ان تشفع لي غيبتي هذه المشاركه

ياهاجسي مع نور شعات الاشفاق=ابدع جزيلك دامه الذيب عاوي
اغطس بحور الشعر غبات الاعماق=فكري لجزلات القصايد قناوي
ياملهمة شعري على بيض الاوراق=راسي في بدع امثال حبك رهاوي
ياملهمه من عقبكم خاطري ضاق=اصبر وامشي ساعتي بالمناااوي
ياصاحبي ياسيد ترفات الاعناق=ياللي من اضلالك جزوعن حياوي
اخذ الخبر والوضع معاد ينطاق=عقبك علي ضاقت جميع النحاوي
البعد نارن فالصدر تحرق احراق=وجمعاك برقه في ضلوعي سناوي
يامل قلبن من عنا الوقت نتاق=نتق القطا لاحام جوه نداوي
امسي وانا مشتاق واقوم مشتاق=شوق الذي عن دار ربعه جلاوي
الليا تذكرهم سرى الدمع دفاق=ويصيح لا كثرت عليه البلاوي
ماتدري انه داخلي مصنع اشواق؟=ودي اوقفها ولانيب قاوي
ودي بعيني تحضن عيونك اعناق=بارضن خلا وانته كما البدر ضاوي
اعيش لك مغرم وهايم وعشاق=واروح لك في حب شخصك افداوي
قصر المحبه مايجي ساسه ادقاق=وجسر المواصل ما انبنا بالرجاوي
ان كان درب الوصل عسرن على الساق=بمشيه لو عيت عليه الخطاوي
دامي جبرت الساق فالدرب تنساق=سوق الشجاع اللي تسوقه عزاوي
ياهاجسي ابدع جزيلات وارقاق=تلهّمك من قلبي عليها شفاوي

وسلامتكم